ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 ապրիլի 2009 թվականի N 418-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՕԳՈՍՏՈՍԻ 24-Ի N 1196-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով՝ Հայաստանի Հանրապետության կառավարությունը որոշում է.

Հայաստանի Հանրապետության կառավարության 2006 թվականի օգոստոսի 24-ի «Գարիկ Գալստյանին պարտադիր զինվորական ծառայության զորակոչից տարկետում տալու մասին» N 1196-Ա որոշման 1-ին կետը շարադրել հետևյալ խմբագրությամբ.

«1. Գարիկ Էդվարդի Գալստյանին (ծնվ.` 1985 թ., քաղ. Գյումրի, Դեկաբրիստների փող., 24 տուն, 2009 թվականին ընդունվել է Փարիզի Դիդերո-Փարիզ 7 համալսարանը, որը հանդիսանում է աշխարհի առաջատար բուհերից մեկը և ունի բարձր վարկանիշ) պարտադիր զինվորական ծառայության զորակոչից տալ տարկետում` մինչև ուսումնառության ավարտը` 2011 թվականի գարնանային զորակոչը:»:

Հայաստանի Հանրապետության վարչապետ	Տ. Սարգսյան
2009 թ. ապրիլի 28 Երևան