Գլխավոր տեղեկություն

Համար

N 1208-Ա

Տիպ

Որոշում

Ակտի տիպ

Incorporation (04.03.2009-till now)

Կարգավիճակ

Գործում է

Սկզբնաղբյուր

Չի հրապարակվել պաշտոնական պարբերականում

Ընդունող մարմին

ՀՀ կառավարություն

Ընդունման ամսաթիվ

23.10.2008

Ստորագրող մարմին

ՀՀ վարչապետ

Ստորագրման ամսաթիվ

30.10.2008

Ուժի մեջ մտնելու ամսաթիվ

31.10.2008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 հոկտեմբերի 2008 թվականի N 1208-Ա

ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից 2008 թվականի չորրորդ եռամսյակում`

1) Հայաստանի Հանրապետության Սյունիքի մարզի Մեղրու տարածաշրջանում օգտագործվող ոռոգման ջրի դիմաց գանձվող վարձավճարների նկատմամբ 2008 թվականի համար 50 տոկոս զեղչ կիրառելու նպատակով Հայաստանի Հանրապետության տարածքային կառավարման նախարարության ջրային տնտեսության պետական կոմիտեին հատկացնել 13,200.0 հազ. դրամ (բյուջետային ծախսերի տնտեսագիտական դասակարգման «Սուբսիդիաներ ոչ ֆինանսական պետական կազմակերպություններին» հոդվածով).

2) (ենթակետն ուժը կորցրել է 26.02.09 N 202-Ա)

3) Հայաստանի Հանրապետության Սյունիքի մարզի Նռնաձորի գյուղական համայնքի խմելու ջրի ստորգետնյա ջրընդունիչ կառույցների վերականգնման նպատակով Հայաստանի Հանրապետության Սյունիքի մարզպետարանին հատկացնել 3,250.0 հազ. դրամ (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով):

(1-ին կետը փոփ. 26.02.09 N 202-Ա)

1.1. Հայաստանի Հանրապետության Շիրակի մարզի Ախուրյանի գյուղական համայնքի գերմանա-հարավսլավական թաղամասի կոյուղագծերի կառուցման աշխատանքների համաֆինանսավորման նպատակով Ախուրյանի գյուղական համայնքին սուբվենցիա տրամադրելու համար Հայաստանի Հանրապետության Շիրակի մարզպետարանին 2009 թվականի առաջին եռամսյակում հատկացնել 13650 հազ. դրամ` Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Կապիտալ սուբվենցիաներ համայնքներին» հոդվածով):

(1.1 կետը լրաց. 26.02.09 N 202-Ա)

2. Ընդունել ի գիտություն, որ սույն որոշման 1.1-ին կետով նախատեսված աշխատանքների մնացած մասի ֆինանսավորումն իրականացվում է Հայաստանի Հանրապետության Շիրակի մարզի Ախուրյանի գյուղական համայնքի համաֆինանսավորման հաշվին:

(2-րդ կետը փոփ. 26.02.09 N 202-Ա)

Հայաստանի Հանրապետության
վարչապետ
Տ. Սարգսյան

2008 թ. հոկտեմբերի 30

Երևան