ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

8 ապրիլի 2009 թվականի N 287-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետը` Շիրակի մարզպետարանի հաշվեկշռում գտնվող Մեղրաշատի, Ողջիի և Հայկավանի գյուղական համայնքներում տեղակայված հակակարկտային 6 կայանքի աշխատունակությունն ուսումնասիրելու նպատակով`

1. Ստեղծել միջգերատեսչական հանձնաժողով` համաձայն հավելվածի:

2. Միջգերատեսչական հանձնաժողովին`

1) 2009 թվականի կարկտային սեզոնի ընթացքում ուսումնասիրել Շիրակի մարզպետարանի հաշվեկշռում գտնվող հակակարկտային 6 կայանքի աշխատանքի սկզբունքը, մեթոդն ու տեխնոլոգիան, տեխնիկական վիճակը, դրանց հետագա շահագործման համար անհրաժեշտ գործառույթները.

2) ուսումնասիրության արդյունքների հիման վրա մինչև 2009 թվականի հուլիսի 15-ը սահմանված կարգով Հայաստանի Հանրապետության կառավարություն ներկայացնել առաջարկություն:

Հայաստանի Հանրապետության վարչապետ	Տ. Սարգսյան
2009 թ. ապրիլի 8 Երևան

Հավելված ՀՀ վարչապետի 2009 թ. ապրիլի 8-ի N 287-Ա որոշման

Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Վ. Գաբրիելյան	- ՀՀ արտակարգ իրավիճակների նախարարության Հայաստանի փրկարար ծառայության տնօրենի տեղակալ, փրկարարական ծառայության գեներալ-մայոր (hանձնաժողովի նախագահ)
Ս. Գալստյան	- ՀՀ գյուղատնտեսության նախարարի տեղակալ
Ա. Սարգսյան	- ՀՀ տարածքային կառավարման նախարարության աշխատակազմի տարածքային կառավարման և զարգացման վարչության տարածքային զարգացման ծրագրերի բաժնի պետ
Հ. Սարոյան	- ՀՀ բնապահպանության նախարարության աշխատակազմի օդերևութաբանության և մթնոլորտի աղտոտվածության մոնիթորինգի բաժնի պետ
Ռ. Տերտերյան	- ՀՀ արտակարգ իրավիճակների նախարարի գլխավոր խորհրդական
Ա. Սաղաթելյան	- ՀՀ գիտությունների ազգային ակադեմիայի էկոլոգոնոոսֆերային հետազոտությունների կենտրոնի տնօրեն
Է. Սիմոնյան	- ՀՀ Շիրակի մարզպետարանի աշխատակազմի քաղաքաշինության վարչության կապիտալ շինարարության բաժնի պետ (պատվիրատուի ներկայացուցիչ)
Տ. Անանիկյան	- ՀՀ Շիրակի մարզպետարանի աշխատակազմի գյուղատնտեսության և բնապահպանության վարչության 1-ին կարգի մասնագետ
Վ. Ներսիսյան	- «Բարվա» սահմանափակ պատասխանատվությամբ ընկերության տնօրեն (կապալառուի ներկայացուցիչ)
Ռ. Հովսեփյան	- «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության տնօրեն
Ա. Սարգսյան	- «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության փոխտնօրեն
Ս. Հովսեփյան	- «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության օպերատիվ կառավարման կենտրոնի պետ
Ա.Կարապետյան	- «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության Արագածոտնի հակակարկտային կենտրոնի պետ
Խ. Գալստյան	- «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպության Լոռու ռադիոլոկացիոն դիտարկումների կենտրոնի պետ

Հայաստանի Հանրապետության կառավարության աշխատակազմի ղեկավար

Դ. Սարգսյան