ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 նոյեմբերի 2008 թվականի N 1286-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 27-Ի N 1587-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2007 թվականի դեկտեմբերի 27-ի «Հայաստանի Հանրապետության տարածքից ավտոմոբիլային տրանսպորտով ուղևորների և ուղեբեռների միջպետական փոխադրումների իրականացման կարգը հաստատելու մասին» N 1587-Ն որոշմամբ հաստատված կարգում կատարել հետևյալ փոփոխությունները և լրացումները`
1) 8-րդ կետը շարադրել հետևյալ խմբագրությամբ.
«8. Նախքան միջպետական ավտոբուսային (միկրոավտոբուսային) կանոնավոր ուղևորափոխադրումների երթուղիների ցանկը և մրցույթի անցկացման ժամանակացույցը նախարարի կողմից հաստատվելը` նախարարությունը միջպետական ավտոբուսային կանոնավոր փոխադրումների երթուղիների չվացուցակները և ուղեգծերը համաձայնեցնում է այլ պետությունների իրավասու մարմինների հետ:».
2) 22-րդ կետից հանել «(սահմանվում է ընթացիկ տարվա օգոստոսի 1-ից մինչև սեպտեմբերի 30-ը ընկած ժամանակահատվածը)» բառերը.
3) 23-րդ կետում «51-րդ» բառը փոխարինել «47-րդ» բառով.
4) 26-րդ կետից հետո կարգը լրացնել հետևյալ բովանդակությամբ նոր` 26.1-ին և 26.2-րդ կետերով.
«26.1. Միջպետական միկրոավտոբուսային երթուղիների սպասարկման ժամկետները սահմանվում են`
1) 2 տարի ժամկետ` մրցույթի արդյունքում ընտրված միկրոավտոբուսների մինչև 70 տոկոս սեփականության իրավունքի ցուցանիշի դեպքում.
2) 4 տարի ժամկետ` մրցույթի արդյունքում ընտրված միկրոավտոբուսների 70 և ավելի տոկոս սեփականության իրավունքի ցուցանիշի դեպքում:
26.2. Միջպետական ավտոբուսային երթուղիների սպասարկման ժամկետները սահմանվում են`
1) 3 տարի ժամկետ` մրցույթի արդյունքում ընտրված ավտոբուսների մինչև 70 տոկոս սեփականության իրավունքի ցուցանիշի դեպքում.
2) 5 տարի ժամկետ` մրցույթի արդյունքում ընտրված ավտոբուսների 70 և ավելի տոկոս սեփականության իրավունքի ցուցանիշի դեպքում:»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Տ. Սարգսյան |
|
2008 թ. նոյեմբերի 13 Երևան |