ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 սեպտեմբերի 2008 թվականի N 1100-Ն

ՀԱՓՇՏԱԿՎԱԾ ՀՆԱՈՃ ԱՌԱՐԿԱՆԵՐԻ ԵՎ ՄՇԱԿՈՒԹԱՅԻՆ ԱՐԺԵՔՆԵՐԻ ՀԱՇՎԱՌՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն «Ոստիկանության մասին» Հայաստանի Հանրապետության oրենքի 19-րդ հոդվածի 1-ին մասի 3-րդ կետի և Հայաստանի Հանրապետության կառավարության 2002 թվականի սեպտեմբերի 12-ի N 1566-Ն որոշմամբ հաստատված ցանկի 2-րդ կետի` Հայաստանի Հանրապետության կառավարությունը որոշում է.

1. Հաստատել հափշտակված հնաոճ առարկաների և մշակութային արժեքների հաշվառման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2008 թ. հոկտեմբերի 6 Երևան

Հավելված ՀՀ կառավարության 2008 թվականի սեպտեմբերի 25-ի N 1100-Ն որոշման

Կ Ա Ր Գ

ՀԱՓՇՏԱԿՎԱԾ ՀՆԱՈՃ ԱՌԱՐԿԱՆԵՐԻ ԵՎ ՄՇԱԿՈՒԹԱՅԻՆ ԱՐԺԵՔՆԵՐԻ ՀԱՇՎԱՌՄԱՆ

1. Սույն կարգով սահմանվում են հափշտակված հնաոճ առարկաները և մշակութային արժեքները հաշվառելու, հաշվառումից հանելու հիմքերը և կարգը:

2. Սույն կարգում օգտագործված են հետևյալ հասկացությունները`

1) հնաոճ առարկաներ` 75 տարվանից ավելի վաղեմություն ունեցող` մշակութային նշանակության առարկաներ և 50 տարվանից ավելի վաղեմություն ունեցող ստեղծագործություններ.

2) հափշտակված հնաոճ առարկայի կամ մշակութային արժեքի տեղեկատվական-որոնողական քարտ (այսուհետ` քարտ) (N 1 ձև)` հաշվառման փաստաթուղթ (հափշտակված հնաոճ առարկաների կամ մշակութային արժեքների վերաբերյալ), որը լրացնում է քրեական վարույթն իրականացնող մարմինը և ուղարկում Հայաստանի Հանրապետության կառավարությանն առընթեր Հայաստանի Հանրապետության ոստիկանության ինֆորմացիոն կենտրոն (այսուհետ` ինֆորմացիոն կենտրոն)` հաշվառման վերցնելու համար.

3) հափշտակված հնաոճ առարկայի և մշակութային արժեքի տեղեկատվական-որոնողական քարտի դասակարգիչ (այսուհետ` դասակարգիչ) (N 2 ձև)` պայմանական ծածկագրերի ամբողջություն, որոնք անհրաժեշտ են քարտը լրացնելու և քարտում նշված տվյալները քարտադարան մուտքագրելու համար.

4) հաշվառում` հափշտակված հնաոճ առարկաներին կամ մշակութային արժեքներին վերաբերող` լրացված հաշվառման փաստաթղթի ընդունմանը, դրանում նշված տեղեկությունների մշակմանը, համակարգմանն ու պահպանմանն ուղղված գործողություններ.

5) հափշտակված հնաոճ առարկաների և մշակութային արժեքների քարտադարան (այսուհետ` քարտադարան)` ինֆորմացիոն կենտրոնի կազմում գործող ստորաբաժանում, որտեղ հավաքվում, մշակվում, համակարգվում ու պահպանվում են հափշտակված հնաոճ առարկաների և մշակութային արժեքների մասին տեղեկությունները:

3. Հափշտակված հնաոճ առարկան կամ մշակութային արժեքը հաշվառման վերցնելու համար հիմք է հանդիսանում քարտը, որը լրացնում է քրեական վարույթն իրականացնող մարմինը` 2 օրինակից` դասակարգչի համաձայն:

4. Քարտի մեկ օրինակը, այն լրացնելուց հետո 24 ժամվա ընթացքում, ուղարկվում է Ինֆորմացիոն կենտրոն՝ հափշտակված հնաոճ առարկան կամ մշակութային արժեքը հաշվառման վերցնելու համար, իսկ մյուս օրինակը պահվում է քրեական վարույթն իրականացնող մարմնի մոտ:

5. Քարտում նշվում են քրեական գործի համարը, քրեական գործի հարուցման օրը, ամիսը, տարեթիվը, քրեական վարույթն իրականացնող մարմնի անվանումը, հնաոճ առարկայի կամ մշակութային արժեքի տեսակը, անվանումը (վերնագիրը), ստեղծողը, ստեղծման ժամանակը, ստեղծման վայրը, չափսերը, քաշը, գնահատման արժեքը, ձեռքբերման աղբյուրը, բովանդակությունը, ոճը (ուղղությունը), կատարման տեխնիկան, երանգավորումը, նյութը, մակագրությունը (ստորագրություն, արձանագրություն, դրոշմ, նշան), համառոտ նկարագրությունը (ձև (ձևավորում), մանրամասն նկարագրություն, հատուկ նշաններ, թերություններ), հափշտակության կատարման ժամանակը, վայրը, նկարագրությունը, պատկանելությունը, պետական կամ տեղական ինքնակառավարման մարմինների կամ իրավաբանական անձանց անվանումը, կամ ֆիզիկական անձի անունը, ազգանունը, հայրանունը, ծննդյան տարեթիվը, պետական կամ տեղական ինքնակառավարման մարմինների կամ իրավաբանական անձանց գտնվելու վայրը, ֆիզիկական անձի բնակության վայրը:

6. Ինֆորմացիոն կենտրոնում ստացվող քարտերի հիման վրա ձևավորվում է քարտադարանը:

7. Քարտադարանի վարման կարգը սահմանվում է Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի կողմից:

8. Հափշտակված հնաոճ առարկաները կամ մշակութային արժեքները հաշվառումից հանելու հիմքերն են`

1) հնաոճ առարկայի կամ մշակութային արժեքի հայտնաբերումը.

2) քրեական գործի կարճումը:

9. Քրեական վարույթն իրականացնող մարմինը սույն կարգի 8-րդ կետի 1-ին ենթակետում նշված հիմքի առկայության դեպքում լրացնում է քարտի` իր մոտ գտնվող օրինակի 30-32-րդ կետերը, իսկ սույն կարգի 8-րդ կետի 2-րդ ենթակետում նշված հիմքի առկայության դեպքում` քարտի 32-րդ կետը և լրացնելուց հետո 24 ժամվա ընթացքում ուղարկում է ինֆորմացիոն կենտրոն` հափշտակված հնաոճ առարկան կամ մշակութային արժեքը հաշվառումից հանելու համար:

10. Ինֆորմացիոն կենտրոնը սույն կարգի 8-րդ կետի 1-ին ենթակետում նշված հիմքի առկայության դեպքում` հափշտակված հնաոճ առարկան կամ մշակութային արժեքը հաշվառումից հանում է անմիջապես, իսկ 8-րդ կետի 2-րդ ենթակետում նշված հիմքի առկայության դեպքում` ոչ շուտ, քան քրեական գործը կարճելու օրվանից 10 տարի հետո:

11. Սույն կարգի 10-րդ կետով նախատեսված կարգով հաշվառումից հանված քարտերը հանվում են քարտադարանից և պահվում արխիվում` 10 տարի, որից հետո ոչնչացվում են:

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև N 1

ՀԱՓՇՏԱԿՎԱԾ ՀՆԱՈՃ ԱՌԱՐԿԱՅԻ ԿԱՄ ՄՇԱԿՈՒԹԱՅԻՆ ԱՐԺԵՔԻ ՏԵՂԵԿԱՏՎԱԿԱՆ-ՈՐՈՆՈՂԱԿԱՆ ՔԱՐՏ

0. Քարտի տիպը (անհրաժեշտը նշել)

22-Հաշվառում 55-Հաշվառումից հանում

1. Քրեական գործի համարը __________ 2. Հարուցման ամսաթիվը ___________ 3. Քրեական վարույթն իրականացնող մարմնի անվանումը ___________________

4. Հնաոճ առարկայի տեսակը 5. Մշակութային արժեքի տեսակը 6. Անվանումը _______ 7. Ստեղծողը _ _______________ 8. Ստեղծման ժամանակը (դար, տարի) ____________ 9. Ստեղծման վայրը ______________ 10. Չափսերը (ծավալը) _ __________________ 11. Քաշը _____________________ 12. Գնահատման արժեքը __________ 13. Ձեռքբերման աղբյուրը 14. Բովանդակությունը 15. Ոճը 16. Կատարման տեխնիկան 17. Երանգավորումը 18. Նյութը 19. Մակագրությունը 20. Հնաոճ առարկայի կամ մշակութային արժեքի համառոտ նկարագրությունը (ձևը (ձևավորում), մանրամասն նկարագրություն, հատուկ նշաններ, թերություն) _____________________________ _____________________________ _____________________________ _____________________________ 21. Հափշտակության կատարման ժամանակը _____________ 22. Հափշտակության կատարման վայրը ________________

քարտի դարձերեսը

23. Պատկանելությունը 24. Պետական մարմնի անվանումը ___________ 25. Տեղական ինքնակառավարման ___________      մարմնի անվանումը 26. Իրավաբանական անձի      անվանումը _____________________ 27. Ֆիզիկական անձի      անունը, ազգանունը, _______________      հայրանունը ___________ 28. Ծննդյան տարեթիվը _________ 29. Պետական կամ տեղական ինքնակառավարման մարմնի կամ իրավաբանական անձի գտնվելու վայրը, կամ ֆիզիկական անձի բնակության վայրը                         _________________                             (հանրապետություն)   _______________         _________________    (քաղաք, մարզ, գյուղ)         (փողոց, շենք, բնակարան)

ուրվագիծ կամ լուսանկար

30. Հայտնաբերման ամսաթիվը (օրը, ամիսը, տարեթիվը) ________

32. Հաշվառումից հանելու հիմքը

31. Հայտնաբերման

նկարագրությունը (որտեղ, _____________________________________

ում կողմից, ինչ վիճակում _____________________________________

է հայտնաբերվել)

Քարտի լրացման ամսաթիվը __________

Քարտը լրացրեց _________________ Պետ_______________________

(պաշտոնը, կոչումը)

(կոչումը, ազգանունը, ստորագրությունը)

_________________________

(ազգանունը, ստորագրությունը)

Հեռախոսահամարը ___________________

Ձև N 2

ՀԱՓՇՏԱԿՎԱԾ ՀՆԱՈՃ ԱՌԱՐԿԱՅԻ ԵՎ ՄՇԱԿՈՒԹԱՅԻՆ ԱՐԺԵՔԻ ՏԵՂԵԿԱՏՎԱԿԱՆ-ՈՐՈՆՈՂԱԿԱՆ ՔԱՐՏԻ ԴԱՍԱԿԱՐԳԻՉ

NN ը/կ	Ծածկագիրը	Քարտի բաղադրիչների անվանումները
1	2	3
1.	համարը	քրեական գործի համարը
2.	օրը, ամիսը, տարեթիվը	հարուցման ամսաթիվը
3.	տեքստ	քրեական վարույթն իրականացնող մարմնի անվանումը
4.		հնաոճ առարկայի տեսակը
	01	մշակութային նշանակության առարկաներ
	02	համարանիշային (սերիական) արտադրության առարկաներ
	03	զանգվածային արտադրության առարկաներ
	04	ստեղծագործություններ
	05	նկարներ
	06	պաշտամունքային առարկաներ
	07	փորագրություններ և այլ դրոշմվածքաձևեր
	08	կենցաղային իրեր (տեխնիկական սարքեր)
	09	մեդալներ, կրծքանշաններ, շքանշաններ
	10	կնիքներ
	11	բուսական առարկաներ, նմուշներ, հավաքածուներ
	12	սպասք
	13	կահույք (ֆուրնիտուրա)
	14	զարդատուփ (արկղիկ)
	15	պատի զարդարանքներ
	16	աշխատանքային գործիքներ
	17	առանձին կամ հավաքածու գրքեր
	18	երաժշտական գործիքներ
	19	ժամացույց
	20	զենք
	21	արխիվներ
	22	մետաղադրամներ
	23	թղթադրամներ
	24	առանձին կամ հավաքածու նամականիշեր, դրոշմանիշեր
	25	գորգ (կարպետ)
	26	սառը զենք
	27	գոբելեն
	28	քանդակներ
	29	ոսկերչական իրեր, զարդեր
	30	կենդանական առարկաներ, նմուշներ, հավաքածուներ
	31	երկրաբանական առարկաներ, նմուշներ, հավաքածուներ
	32	հրատարակություններ
	33	սրբապատկեր
	34	գծանկար (գրաֆիկա)
	35	մանրանկար
	36	խճանկար
	37	այլ առարկաներ
5.		մշակութային արժեքի տեսակը
	01	պատմական առարկաներ, ընտանեկան մասունքներ
	02	պատմահնագիտական գտածոներ և առարկաներ
	03	ձեռքով արված պատկերներ և նկարներ
	04	գեղարվեստական հորինվածքներ և համակցված կառուցվածքներ (մոնտաժներ)
	05	պաշտամունքային առարկաներ
	06	փորագրություններ և այլ դրոշմվածքաձևեր
	07	կենցաղային իրեր (տեխնիկական սարքեր)
	08	գեղարվեստական մեդալներ, կրծքանշաններ, շքանշաններ
	09	կնիքներ
	10	բուսական առարկաներ, նմուշներ, հավաքածուներ
	11	սպասք
	12	կահույք (ֆուրնիտուրա)
	13	հնագույն զարդատուփ (արկղիկ)
	14	պատի զարդարանքներ
	15	հնագույն աշխատանքային գործիքներ
	16	առանձին կամ հավաքածու հնագույն և հազվագյուտ գրքեր
	17	եզակի երաժշտական գործիքներ
	18	պատմական հուշարձանների բաղկացուցիչ մասեր և բեկորներ
	19	տարազ
	20	գեղարվեստական հուշարձանների բաղկացուցիչ մասեր և բեկորներ
	21	ժամացույց
	22	ճարտարապետական և կոթողային հուշարձանների բաղկացուցիչ մասեր և բեկորներ
	23	զենք
	24	նկար
	25	փաստաթղթային հուշարձաններ, արխիվներ
	26	փաստաթղթային հուշարձանների բաղկացուցիչ մասեր և բեկորներ
	27	մետաղադրամներ
	28	թղթադրամներ
	29	առանձին կամ հավաքածու նամականիշեր, դրոշմանիշեր
	30	գորգ (կարպետ)
	31	սառը զենք
	32	գոբելեն
	33	հազվագյուտ ձեռագրեր
	34	ժողովրդական ստեղծագործության առարկաներ
	35	քանդակներ
	36	եզակի ոսկերչական իրեր, զարդեր
	37	կենդանական առարկաներ, նմուշներ, հավաքածուներ
	38	երկրաբանական առարկաներ, նմուշներ, հավաքածուներ
	39	ազգագրական նյութեր
	40	մարդաբանական նյութեր
	41	բանահյուսական նյութերի անտիպ ժողովածուներ
	42	հնատիպ հրատարակություններ
	43	սրբապատկեր
	44	գծանկար (գրաֆիկա)
	45	մանրանկար
	46	խճանկար
	47	այլ առարկաներ
6.	տեքստ	հնաոճ առարկայի կամ մշակութային արժեքի անվանումը (վերնագիրը)
7.		ստեղծողը
8.	դար, տարի	ստեղծման ժամանակը
9.		ստեղծման վայրը
10.	երկար., լայն., բարձր. (սմ) տրամագիծ (մմ)	չափսերը (ծավալը)
11.	կարատ, գ, կգ	քաշը
12.	դրամ	գնահատման արժեքը
13.		ձեռք բերման աղբյուրը
	01	ժառանգություն
	02	նվիրատվություն
	03	աճուրդ
	04	մշակութային արժեքների խանութ
	05	մասնավոր անձ
	06	արտերկիր
14.		բովանդակությունը
	01	բնանկար
	02	դիմանկար
	03	մարտանկար
	04	ծովանկար
	05	ծաղրանկար
	06	նատյուրմորտ
	07	զարդանկար
	08	պատմական սյուժե
	09	դիցաբանական սյուժե
	10	կրոնական սյուժե
	11	կենդանիների պատկերում
	12	որսի տեսարան
	13	ճարտարապետական հորինվածք
	14	մանկան կիսանդրի
	15	կնոջ կիսանդրի
	16	տղամարդու կիսանդրի
	17	զարդաքանդակ
	18	մանկան արձանիկ
	19	կնոջ արձանիկ
	20	տղամարդու արձանիկ
	21	մանկան արձան
	22	կնոջ արձան
	23	տղամարդու արձան
	24	բազմաֆիգուր հորինվածք
	25	այլ
15.		ոճ (ուղղություն)
	01	աբստրակցիոնիզմ
	02	ավանգարդիզմ
	03	անտիկ
	04	բարոկկո
	05	վերածնունդ
	06	գոթական
	07	եգիպտական
	08	կլասիցիզմ
	09	օրիենտալիզմ (արևելյան ոճ)
	10	ռեալիզմ
	11	ռոմանտիզմ
	12	ազգային
	13	սյուրռեալիզմ
	14	ռոկոկո
	15	այլ
16.		կատարման տեխնիկան
	01	ջրաներկի
	02	ճենապակի` կրկնաթրծված
	03	ասեղնագործման
	04	ջնարակի
	05	փորագրման
	06	փչման
	07	դրվագազարդման
	08	մատիտանկարման
	09	կոփման
	10	փայտափորագրման
	11	ծեփման
	12	լինոփորագրման
	13	վիմատպման
	14	ձուլման
	15	յուղաներկման
	16	օֆորտի
	17	գունամատիտանկարման
	18	պոլիգրաֆիական տպագրման
	19	նախշազարդման
	20	նախշազարդման` ջնարակի վրայից
	21	նախշազարդման` ջնարակի տակից
	22	ցանցազարդման
	23	լաքապատման
	24	երեսակման
	25	ոսկեջրման
	26	փայլեցման
	27	արծաթապատման
	28	սևաներկման
	29	արծնապատման
	30	տեմպերայի
	31	տուշ` ստվերաներկման
	32	ածուխի
	33	մետաղյա թելազարդման
	34	քանդակադրոշմման
	35	դրոշմահատման
	36	այլ
17.		երանգավորումը
	01	մռայլ, մուգ երանգի
	02	մեղմ, գունամատիտի երանգի
	03	բազմագույն
	04	խամրած, փայլատ
	05	ջերմ երանգի
	06	սառը երանգի
	07	միագույն
	08	սև ու սպիտակ
	09	այլ երանգի
18.		նյութը
	01	երկաթ
	02	բրոնզ
	03	թուղթ
	04	գիպս
	05	փայտանյութ (օրինակ՝ լորենի, թխկի, ընկուզենի)
	06	արժեքավոր տեսակի փայտանյութ (օրինակ՝ կարմիր, սև, վարդագույն)
	07	թանկարժեք քար (օրինակ` ալմաստ, զմրուխտ, սուտակ)
	08	ոսկի
	09	ստվարաթուղթ
	10	կավ
	11	կաշի
	12	ոսկոր
	13	արույր
	14	ջնարակախեցի
	15	սպիտակ մետաղ (ոչ ազնիվ)
	16	պղինձ
	17	մորթի
	18	քար (օրինակ` մարմար)
	19	կիսաթանկարժեք քար (օրինակ` նեֆրիտ, հասպիս)
	20	արծաթ
	21	ապակի
	22	թրծակավ
	23	գործվածք
	24	ճենապակի
	25	հախճապակի
	26	բյուրեղապակի
	27	արծնապակի
	28	այլ նյութ
19.	տեքստ	մակագրություն (ստորագրություն, արձանագրություն, դրոշմ, նշան)
20.	տեքստ	հնաոճ առարկայի կամ մշակութային արժեքի համառոտ նկարագրությունը (ձև (ձևավորում), մանրամասն նկարագրություն, հատուկ նշաններ, թերություններ)
21.	օրը, ամիսը, տարեթիվը	հափշտակության կատարման ժամանակը
22.		հափշտակության կատարման վայրը
23.		պատկանելությունը
	01	թանգարան
	02	եկեղեցի
	03	կաթոլիկ եկեղեցի
	04	սինագոգա
	05	մզկիթ
	06	աղոթատուն
	07	պետական մարմին
	08	տեղական ինքնակառավարման մարմին
	09	ֆիզիկական անձ
	10	իրավաբանական անձ
	11	գրադարան
	12	պարզված չէ
	13	օտարերկրյա ներկայացուցչություն
	14	օտարերկրյա ֆիրմա
24.	տեքստ	պետական մարմնի անվանումը
25.	տեքստ	տեղական ինքնակառավարման մարմնի անվանումը
26.	տեքստ	իրավաբանական անձի անվանումը
27.	տեքստ	ֆիզիկական անձի անունը, ազգանունը, հայրանունը
28.	օրը, ամիսը, տարեթիվը	ծննդյան տարեթիվը
29.	տեքստ	պետական կամ տեղական ինքնակառավարման մարմնի կամ իրավաբանական անձի գտնվելու վայրը, կամ ֆիզիկական անձի բնակության վայրը
30.	օրը, ամիսը, տարեթիվը	հայտնաբերման ամսաթիվը
31.	տեքստ	հայտնաբերման նկարագրություն
32.		հաշվառումից հանելու հիմքը
	01	հնաոճ առարկայի կամ մշակութային արժեքի հայտնաբերումը
	02	քրեական գործի կարճումը