040.1192.01.12.01

«Վավերացնում եմ»
Հայաստանի Հանրապետության
Նախագահ Ռ. Քոչարյան
1 դեկտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 դեկտեմբերի 2001 թվականի N 1192
քաղ. Երևան

«ԶՈՐԱՀԱՎԱՔԱՅԻՆ ՆԱԽԱՊԱՏՐԱՍՏՈՒԹՅԱՆ ԵՎ ԶՈՐԱՀԱՎԱՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

«Զորահավաքային նախապատրաստության և զորահավաքի մասին» Հայաստանի Հանրապետության օրենքի 6, 11, 12 և 17-րդ հոդվածների կատարումն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն առընթեր ռազմատնտեսական ծրագրերի վարչությանը` մինչև 2002 թվականի մարտի 1-ը Հայաստանի Հանրապետության կառավարության քննարկմանը ներկայացնել`

ա) զորահավաքային մարմինների օրինակելի կանոնադրությունը,

բ) սպառազինության և տեխնիկայի, կարևորագույն քաղաքացիական արտադրանքների, բնակչության կենսաապահովման համակարգերի, առավելագույն վտանգ ու ազգային արժեքներ ներկայացնող օբյեկտների փաստաթղթերի ապահովագրական ֆոնդի ստեղծման և պահպանման կարգը:

2. Հայաստանի Հանրապետության ֆինանսների և էկոնոմիկայի նախարարությանը`

ա) համաձայնեցնելով Հայաստանի Հանրապետության կառավարությանն առընթեր ռազմատնտեսական ծրագրերի վարչության հետ` մինչև 2002 թվականի փետրվարի 1-ը Հայաստանի Հանրապետության կառավարության քննարկմանը ներկայացնել զորահավաքային առաջադրանքների (պատվերների) կատարման և խնդիրների իրագործման հետ կապված կազմակերպություններին ու քաղաքացիներին պատճառված վնասների փոխհատուցման կարգը.

բ) համաձայնեցնելով Հայաստանի Հանրապետության կառավարությանն առընթեր ռազմատնտեսական ծրագրերի վարչության և Հայաստանի Հանրապետության ազգային վիճակագրական ծառայության հետ մինչև 2002 թվականի մարտի 1-ը Հայաստանի Հանրապետության կառավարության քննարկմանը ներկայացնել զորահավաքային նախապատրաստության վերաբերյալ վիճակագրական հաշվետվություն ներկայացնելու կարգը:

3. Հայաստանի Հանրապետության կառավարությանն առընթեր պետական ռեզերվների վարչությանը` մինչև 2002 թվականի ապրիլի 1-ը Հայաստանի Հանրապետության կառավարության քննարկմանը ներկայացնել պետական պահուստի, նյութական արժեքների չնվազեցվող պաշարների ստեղծման, կուտակման, թարմացման և օգտագործման կարգը:

(3-րդ կետը փոփ. 13.02.02 N 133)

4. Քաղաքացիների ամրագրման կազմակերպման և իրականացման կարգն ու ամրագրման ենթակա մասնագիտությունների և պաշտոնների ցանկը մշակելու նպատակով ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:

(4-րդ կետը խմբ. 04.12.03 N 1592-Ն)

5. Միջգերատեսչական հանձնաժողովին` մինչև 2004 թվականի մարտի 1-ը Հայաստանի Հանրապետության կառավարության քննարկմանը ներկայացնել`

ա) քաղաքացիների ամրագրման կազմակերպման և իրականացման կարգը,

բ) ամրագրման ենթակա մասնագիտությունների և պաշտոնների ցանկը:

(5-րդ կետը փոփ. 04.12.03 N 1592-Ն)

6. Սույն որոշումն ուժի մեջ է մտնում 2001 թվականի դեկտեմբերի 1-ից:

Հայաստանի Հանրապետության վարչապետ

Ա. Մարգարյան

Հավելված ՀՀ կառավարության 2001 թվականի դեկտեմբերի 1-ի N 1192 որոշման

Ա Ն Հ Ա Տ Ա Կ Ա Ն  Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Ա. Աղաբեկյան	-	ՀՀ պաշտպանության նախարարի տեղակալ (հանձնաժողովի նախագահ)
Լ. Ասատրյան	-	ՀՀ մշակույթի և երիտասարդության հարցերի նախարարի տեղակալ
Ա.  Հարությունյան	-	ՀՀ զինվորական կոմիսար
Բ. Ոսկանյան	-	ՀՀ կառավարության աշխատակազմի վարչական մարմինների վարչության պետ
Ա. Դավոյան	-	ՀՀ բնապահպանության նախարարության աշխատակազմի քարտուղարության առաջին բաժնի պետ
Գ. Տոռոզյան	-	ՀՀ տրանսպորտի և կապի նախարարության աշխատակազմի իրավաբանական վարչության պետ
Լ. Ամիրջանյան	-	ՀՀ արտաքին գործերի նախարարության աշխատակազմի իրավաբանական վարչության պետ
Ն. Առաքելյան	-	ՀՀ առևտրի և տնտեսական զարգացման նախարարության աշխատակազմի ռազմաարդյունաբերական համալիրի և ռազմատնտեսական ծրագրերի վարչության զորահավաքային նախապատրաստության ծրագրերի բաժնի պետ
Գ. Ղամարյան	-	ՀՀ գյուղատնտեսության նախարարության աշխատակազմի քարտուղարության առաջին բաժնի պետ
Ա. Աբրահամյան	-	ՀՀ էներգետիկայի նախարարության աշխատակազմի տեխնիկական շահագործման վարչության տեխնիկական կազմակերպման և համակարգման բաժնի պետ
Շ. Սարգսյան	-	ՀՀ ֆինանսների և էկոնոմիկայի նախարարության աշխատակազմի հատուկ բաժնի պետ
Բ. Շամխալյան	-	ՀՀ կառավարությանն առընթեր արտակարգ իրավիճակների վարչության քաղաքացիական պաշտպանության վարչության կազմզորահավաքային  բաժնի պետ
Վ. Գաբրիելյան	-	ՀՀ կառավարությանն առընթեր ազգային անվտանգության ծառայության վարչության պետ
Հ. Ավետիսյան	-	ՀՀ կառավարությանն առընթեր մաքսային պետական կոմիտեի կադրերի բաժնի պետ
Վ. Դարբինյան	-	ՀՀ առողջապահության նախարարության աշխատակազմի առաջին բաժնի պետ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան