040.0199.06.03.02

«Վավերացնում եմ»
Հայաստանի Հանրապետության
Նախագահ Ռ. Քոչարյան
6 մարտի 2002 թ.

6 մարտի 2002 թվականի N 199
քաղ. Երևան

Հայաստանի Հանրապետությունում պետական կառավարման համակարգի բարեփոխումների իրականացման, ինչպես նաև «Պետական կառավարչական հիմնարկների մասին» և «Քաղաքացիական ծառայության մասին» Հայաստանի Հանրապետության օրենքների կատարումն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության բնապահպանության նախարարության ենթակայության Հայաստանի Հանրապետության հիդրոօդերևութաբանության վարչությունը և «Շրջակա բնական միջավայրի մոնիտորինգի կենտրոն» պետական հիմնարկը բացառությամբ լաբորատոր արտադրական ստորաբաժանումների միացման ձևով վերակազմակերպել Հայաստանի Հանրապետության բնապահպանության նախարարության կազմում գործող Հայաստանի Հանրապետության հիդրոօդերևութաբանության և շրջակա միջավայրի մոնիտորինգի գործակալության՝ հիմնարկի առանձնացված ստորաբաժանման կարգավիճակով:

(1-ին կետը լրաց. 03.04.03 N 411-Ն) 

2. Հայաստանի Հանրապետության բնապահպանության նախարարության ենթակայության Հայաստանի Հանրապետության օգտակար հանածոների պաշարների պետական հանձնաժողովը վերակազմավորել Հայաստանի Հանրապետության բնապահպանության նախարարության կազմում գործող Հայաստանի Հանրապետության օգտակար հանածոների պաշարների գործակալության՝ հիմնարկի առանձնացված ստորաբաժանման կարգավիճակով:

3. Հայաստանի Հանրապետության բնապահպանության նախարարության ենթակայության «Հանրապետական բնապահպանական պետական տեսչություն» պետական հիմնարկը վերակազմավորել Հայաստանի Հանրապետության բնապահպանության նախարարության կազմում գործող Հայաստանի Հանրապետության բնապահպանական տեսչության՝ հիմնարկի առանձնացված ստորաբաժանման կարգավիճակով:

4. Հայաստանի Հանրապետության բնապահպանության նախարարության «Երկրաբանության վարչություն» պետական հիմնարկը վերակազմավորել Հայաստանի Հանրապետության բնապահպանության նախարարության կազմում գործող Հայաստանի Հանրապետության երկրաբանական գործակալության՝ հիմնարկի առանձնացված ստորաբաժանման կարգավիճակով:

5. Հայաստանի Հանրապետության բնապահպանության նախարարությանը՝ երկամսյա ժամկետում Հայաստանի Հանրապետության արդարադատության նախարարության, Հայաստանի Հանրապետության ֆինանսների և էկոնոմիկայի նախարարության և Հայաստանի Հանրապետության պետական կառավարման համակարգի բարեփոխումների հանձնաժողովի հետ համատեղ՝ սահմանված կարգով Հայաստանի Հանրապետության կառավարություն ներկայացնել՝ Հայաստանի Հանրապետության բնապահպանության նախարարության կանոնադրությունը հաստատելու մասին Հայաստանի Հանրապետության կառավարության որոշման նախագիծ, ինչպես նաև՝ առաջարկություններ այլ իրավական ակտերում սույն որոշումից բխող համապատասխան փոփոխություններ կատարելու վերաբերյալ:

6. Սույն որոշումն ուժի մեջ է մտնում 2002 թվականի մարտի 6-ից։

Հայաստանի Հանրապետության վարչապետ

Ա. Մարգարյան