ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 նոյեմբերի 2007 թվականի N 1272-Ն

ՏԱՎՈՒՇԻ ՄԱՐԶԻ ԻՋԵՎԱՆԻ ՔԱՂԱՔԱՅԻՆ ՀԱՄԱՅՆՔԻ ՂԵԿԱՎԱՐԻ ԼԻԱԶՈՐՈՒԹՅՈՒՆՆԵՐԸ ՎԱՂԱԺԱՄԿԵՏ ԴԱԴԱՐԵՑՆԵԼՈՒ, ՔԱՂԱՔԱՅԻՆ ՀԱՄԱՅՆՔԻ ՂԵԿԱՎԱՐԻ ԱՐՏԱՀԵՐԹ ԸՆՏՐՈՒԹՅՈՒՆ ՆՇԱՆԱԿԵԼՈՒ, ԱՆՑԿԱՑՆԵԼՈՒ ԵՎ ԸՆՏՐՈՒԹՅԱՆ ՆԱԽԱՊԱՏՐԱՍՏՄԱՆ ՈՒ ԱՆՑԿԱՑՄԱՆ ԾԱԽՍԵՐԸ ՖԻՆԱՆՍԱՎՈՐԵԼՈՒ ՄԱՍԻՆ

«Տեղական ինքնակառավարման մասին» Հայաստանի Հանրապետության օրենքի 26-րդ հոդվածի առաջին մասի 1-ին կետին և Հայաստանի Հանրապետության ընտրական օրենսգրքի 138-րդ հոդվածին համապատասխան` Հայաստանի Հանրապետության կառավարությունը որոշում է.

1. Վաղաժամկետ դադարեցնել Տավուշի մարզի Իջևանի քաղաքային համայնքի ղեկավար Վարուժան Ներսիսյանի լիազորությունները։

2. Սույն որոշումն ուժի մեջ մտնելու օրվան հաջորդող 30-օրյա ժամկետի վերջին կիրակի օրը նշանակել և Տավուշի մարզի Իջևանի քաղաքային համայնքի ընտրատարածքում անցկացնել քաղաքային համայնքի ղեկավարի արտահերթ ընտրություն։

3. Հայաստանի Հանրապետության ֆինանսների և էկոնոմիկայի նախարարին`

1) Տավուշի մարզի Իջևանի քաղաքային համայնքի ղեկավարի արտահերթ ընտրության նախապատրաստման ու անցկացման ծախսերը ֆինանսավորելու համար Հայաստանի Հանրապետության կենտրոնական ընտրական հանձնաժողովին 2007 թվականի չորրորդ եռամսյակում հատկացնել 3336898 դրամ` Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին.

2) Հայաստանի Հանրապետության կառավարությանն առընթեր Հայաստանի Հանրապետության ոստիկանությանը՝ 2007 թվականի չորրորդ եռամսյակում հատկացնել 1343381 դրամ` Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

(3-րդ կետը փոփ. 23.11.07 N 1391-Ն)

4. Առաջարկել Հայաստանի Հանրապետության կենտրոնական ընտրական հանձնաժողովի նախագահին ընտրատարածքային և տեղամասային ընտրական հանձնաժողովների ֆինանսավորումը կատարել նախահաշիվներին համապատասխան` համաձայն NN 1 և 2 հավելվածների:

5. Հայաստանի Հանրապետության ոստիկանության պետին` ընտրողների ցուցակների կազմման, վարման և ընտրողների ծանուցագրերի տպագրման, առաքման ֆինանսավորումը կատարել նախահաշվին համապատասխան` համաձայն N 3 հավելվածի։

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ս. Սարգսյան
2007 թ. նոյեմբերի 16 Երևան

Հավելված N 1 ՀՀ կառավարության 2007 թվականի նոյեմբերի 15-ի N 1272-Ն որոշման

__________________________________________________________________
NN ը/կ	Ծախսերը	Գումարը (դրամ)
__________________________________________________________________
1	2	3
__________________________________________________________________
1.	Աշխատանքի վարձատրության ֆոնդ	180000
	այդ թվում`
	1) տեղամասային ընտրական հանձնաժողովի նախագահ	40000
	2) տեղամասային ընտրական հանձնաժողովի նախագահի տեղակալ	20000
	3) տեղամասային ընտրական հանձնաժողովի քարտուղար	20000
	4) տեղամասային ընտրական հանձնաժողովի անդամներ (5x20000)	100000
2.	Պարտադիր սոցիալական ապահովագրության վճարներ	59000
3.	Տրանսպորտի ծառայության վճարներ	5000
4.	Կապի ծառայության վճարներ	1000
5.	Գրասենյակային ծախսեր	3000
	1 ընտրական տեղամասի համար նախատեսված ծախսեր	248000
	7 տեղամասային ընտրական հանձնաժողովների ծախսեր (7x248000)	1736000
	Ընտրական քվեաթերթիկների տպագրության ծախսեր (13087 ընտրող + 13087 x 0,03)x 5 դրամ	67398
	____________________________________________________________
	Ընդամենը	1803398

(հավելվածը խմբ. 23.11.07 N 1391-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2007 թվականի նոյեմբերի 15-ի N 1272-Ն որոշման

Ն Ա Խ Ա Հ Ա Շ Ի Վ

ԸՆՏՐԱՏԱՐԱԾՔԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎԻ ԾԱԽՍԵՐԻ` ԿԱՊՎԱԾ ՏԱՎՈՒՇԻ ՄԱՐԶԻ ԻՋԵՎԱՆԻ ՔԱՂԱՔԱՅԻՆ ՀԱՄԱՅՆՔԻ ՂԵԿԱՎԱՐԻ ԱՐՏԱՀԵՐԹ ԸՆՏՐՈՒԹՅԱՆ ՆԱԽԱՊԱՏՐԱՍՏՄԱՆ ՈՒ ԱՆՑԿԱՑՄԱՆ ՀԵՏ

_________________________________________________________________________
NN ը/կ	Ծախսերը	Գումարը (դրամ)
_________________________________________________________________________
1.	Աշխատանքի վարձատրության ֆոնդ	1290000
	այդ թվում`
	հանձնաժողովի նախագահ (2 ամիս x 150000 դրամ)	300000
	հանձնաժողովի նախագահի տեղակալ (2 ամիս x 110000 դրամ)	220000
	հանձնաժողովի քարտուղար (2 ամիս x 110000 դրամ)	220000
	հանձնաժողովի անդամներ (2 ամիս x 5 անդամ x 55000 դրամ)	550000
2.	Պարտադիր սոցիալական ապահովագրության վճարներ	243500
_________________________________________________________________________
	Ընդամենը	1533500

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2007 թվականի նոյեմբերի 15-ի N 1272-Ն որոշման

Ն Ա Խ Ա Հ Ա Շ Ի Վ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԾԱԽՍԵՐԻ` ԿԱՊՎԱԾ ՏԱՎՈՒՇԻ ՄԱՐԶԻ ԻՋԵՎԱՆԻ ՔԱՂԱՔԱՅԻՆ ՀԱՄԱՅՆՔԻ ՂԵԿԱՎԱՐԻ ԱՐՏԱՀԵՐԹ ԸՆՏՐՈՒԹՅԱՆ ՆԱԽԱՊԱՏՐԱՍՏՄԱՆ ՈՒ ԱՆՑԿԱՑՄԱՆ ՀԵՏ

_________________________________________________________________________
NN ը/կ	Ծախսերը	Գումարը (դրամ)
_________________________________________________________________________
1.	Գրասենյակային ծախսեր, ընտրողների ցուցակների կազմում և վարում (13087 ընտրող x 3,9 դրամ)	51039.3
2.	Փոստային ծառայության ծախսեր, ընտրողների ծանուցագրերի տպագրություն և առաքում (13087 ընտրող x 98,75 դրամ)	1292341.3
_________________________________________________________________________
	Ընդամենը	1343381

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան