«Գրանցված է»

ՀՀ արդարադատության

նախարարության կողմից

7 նոյեմբերի 2007 թ.

Պետական գրանցման թիվ 05007383

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

18 սեպտեմբերի 2007 թ.

N 293-Ն

Ո Ր Ո Շ ՈՒ Մ

«ԿԵՆԴԱՆԱԿԵՐՊԻ ՆՇԱՆՆԵՐԸ» ՀՈՒՇԱԴՐԱՄՆԵՐԻ ՇԱՐՔԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ՀՈՒՇԱԴՐԱՄՆԵՐԻ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը, ինչպես նաև հաշվի առնելով Հայաստանի Հանրապետության կենտրոնական բանկի խորհրդի 2007 թվականի հունիսի 26-ի «2008-2009 թվականների հուշադրամների թողարկման ծրագիրը հաստատելու մասին» թիվ 184-Ա որոշումը՝ Հայաստանի Հանրապետության կենտրոնական բանկի խորհուրդը որոշում է.

1. 2007 թվականի հոկտեմբերի 26-ից շրջանառության մեջ դնել «Այծեղջյուր» արծաթե հուշադրամը:

2. 2007 թվականի նոյեմբերի 26-ից շրջանառության մեջ դնել «Ջրհոս» արծաթե հուշադրամը:

3. 2007 թվականի դեկտեմբերի 20-ից շրջանառության մեջ դնել «Ձկներ» արծաթե հուշադրամը:

4. 2008 թվականի հունվարի 20-ից շրջանառության մեջ դնել «Խոյ» արծաթե հուշադրամը:

5. 2008 թվականի փետրվարի 20-ից շրջանառության մեջ դնել «Ցուլ» արծաթե հուշադրամը:

6. 2008 թվականի մարտի 20-ից շրջանառության մեջ դնել «Երկվորյակներ» արծաթե հուշադրամը:

7. 2008 թվականի ապրիլի 20-ից շրջանառության մեջ դնել «Խեցգետին» արծաթե հուշադրամը:

8. 2008 թվականի մայիսի 20-ից շրջանառության մեջ դնել «Առյուծ» արծաթե հուշադրամը:

9. 2008 թվականի հունիսի 20-ից շրջանառության մեջ դնել «Կույս» արծաթե հուշադրամը:

10. 2008 թվականի հուլիսի 20-ից շրջանառության մեջ դնել «Կշեռք» արծաթե հուշադրամը:

11. 2008 թվականի օգոստոսի 20-ից շրջանառության մեջ դնել «Կարիճ» արծաթե հուշադրամը:

12. 2008 թվականի սեպտեմբերի 20-ից շրջանառության մեջ դնել «Աղեղնավոր» արծաթե հուշադրամը:

13. Հաստատել «Կենդանակերպի նշանները» հուշադրամների շարքի նկարագրությունը, որը հուշադրամների ուրվագծերի հետ մեկտեղ ներկայացված է հավելվածում (կցվում է):

14. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Տ. Սարգսյան
2007 թ. սեպտեմբերի 20 Երևան

Հավելված Հաստատված է ՀՀ կենտրոնական բանկի խորհրդի 2007 թվականի սեպտեմբերի 18-ի թիվ 293-Ն որոշմամբ

Ն Կ Ա Ր Ա Գ Ր ՈՒ Թ Յ ՈՒ Ն

«ԿԵՆԴԱՆԱԿԵՐՊԻ ՆՇԱՆՆԵՐ» արծաթե հուշադրամների շարքի

Կենդանակերպի նշանները պատկերող 100 դրամ անվանական արժեքով արծաթե հուշադրամները Հայաստանի Հանրապետության կենտրոնական բանկը թողարկել է միջազգային դրամագիտական ծրագրի շրջանակներում: Շարքում ներառվել են կենդանակերպի տասներկու նշանները պատկերող հուշադրամները:

Հուշադրամների դիմերեսը բաժանված է երեք շրջանակի: Առաջին ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամների անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամների թողարկման տարեթվերն են` «2007» և «2008»: Երկրորդ շրջանակում պատկերված են կենդանակերպի տասներկու նշանների սիմվոլները: Հուշադրամների եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամների դարձերեսին պատկերված է յուրաքանչյուր հուշադրամի համար առանձին կենդանակերպի նշանի սիմվոլը` կապույտ էմալից պատրաստված երկնքի ֆոնի վրա: Նշանի վերևում պատկերված է ցիրկոնից պատրաստված հնգաթև աստղ: Հուշադրամների վերևի մասում կենդանակերպի առանձին նշանների անվանումն է լատիներեն, իսկ ներքևի մասում` ռուսերեն:

Թափանցիկ պատիճով հուշադրամները և դրանց իսկության հավաստագրերը տեղադրված են արհեստական կաշվից պատրաստված կապույտ գույնի տուփերում:

Հուշադրամների ուրվագծերը ձևավորել է Լեհաստանի դրամահատարանի դիզայներ Ուրսուլա Վալեժակը:

Հուշադրամները հատվել են Լեհաստանի դրամահատարանում:

Հուշադրամի բնութագիրը

Անվանական արժեքը	100 դրամ
Մետաղը և հարգը	արծաթ (Ag), 9250 ± 50 պղինձ (Cu) 750 ± 50
Ձևը	կլոր
Որակը	արծաթ, փափուկ տպագրությամբ և ցիրկոնով, անսրքյուլեյթիդ
Քաշը	28,28 ± 0,25 գ
Տրամագիծը	38,61 ± 0,15 մմ
Դրամաշուրթը	հարթ
Ձևը	կլոր
Տպաքանակը	մինչև 144000 հատ

1. «Այծեղջյուր» արծաթե հուշադրամի դիմերեսի և դարձերեսի ուրվագծերը

2. «Ջրհոս» արծաթե հուշադրամի դիմերեսի և դարձերեսի ուրվագծերը

3. «Ձկներ» արծաթե հուշադրամի դիմերեսի և դարձերեսի ուրվագծերը

4. «Խոյ» արծաթե հուշադրամի դիմերեսի և դարձերեսի ուրվագծերը

5. «Ցուլ» արծաթե հուշադրամի դիմերեսի և դարձերեսի ուրվագծերը

6. «Երկվորյակներ» արծաթե հուշադրամի դիմերեսի և դարձերեսի ուրվագծերը

7. «Խեցգետին» արծաթե հուշադրամի դիմերեսի և դարձերեսի ուրվագծերը

8. «Առյուծ» արծաթե հուշադրամի դիմերեսի և դարձերեսի ուրվագծերը

9. «Կույս» արծաթե հուշադրամի դիմերեսի և դարձերեսի ուրվագծերը

10. «Կշեռք» արծաթե հուշադրամի դիմերեսի և դարձերեսի ուրվագծերը

11. «Կարիճ» արծաթե հուշադրամի դիմերեսի և դարձերեսի ուրվագծերը

12. «Աղեղնավոր» արծաթե հուշադրամի դիմերեսի և դարձերեսի ուրվագծերը