«Վավերացնում եմ»
Հայաստանի Հանրապետության
Նախագահ Ռ. Քոչարյան
27 հունիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հունիսի 2005 թվականի N 781-Ն

ՄԻՋՈՒԿԱՅԻՆ ՏԵՂԱԿԱՅԱՆՔԻ ՍԿԶԲՆԱԿԱՆ ՆԱԽԱԳԾՈՎ ՉՆԱԽԱՏԵՍՎԱԾ` ԼԻՑԵՆԶԱՎՈՐՄԱՆ ԵՆԹԱԿԱ ԱՅԼ ԱՇԽԱՏԱՆՔՆԵՐԻ ԿԱՏԱՐՄԱՆ ԵՎ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ մասերին և 43-րդ հոդվածի 2-րդ մասի 12-րդ բաժնի 7-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել`

ա) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզավորման կարգը` համաձայն N 1 հավելվածի.

բ) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիայի ձևը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2005 թ. հունիսի 23 Երևան

Հավելված N 1 ՀՀ կառավարության 2005 թվականի հունիսի 16-ի N 781-Ն որոշման

Կ Ա Ր Գ

ՄԻՋՈՒԿԱՅԻՆ ՏԵՂԱԿԱՅԱՆՔԻ ՍԿԶԲՆԱԿԱՆ ՆԱԽԱԳԾՈՎ ՉՆԱԽԱՏԵՍՎԱԾ` ԼԻՑԵՆԶԱՎՈՐՄԱՆ ԵՆԹԱԿԱ ԱՅԼ ԱՇԽԱՏԱՆՔՆԵՐԻ ԿԱՏԱՐՄԱՆ ԵՎ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԼԻՑԵՆԶԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են «Լիցենզավորման մասին» Հայաստանի Հանրապետության օրենքի 43-րդ հոդվածի 2-րդ մասի 12-րդ բաժնի 1-6-րդ կետերում նշված ու միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզավորման հետ կապված հարաբերությունները` «Լիցենզավորման մասին» և «Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության օրենքների պահանջներին համապատասխան:

2. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզավորումն իրականացնում է ատոմային էներգիայի օգտագործման բնագավառը կարգավորող մարմինը (այսուհետ` կարգավորող մարմին)` «Լիցենզավորման մասին» Հայաստանի Հանրապետության օրենքով սահմանված բարդ ընթացակարգով տրվող լիցենզիայի պայմաններին համապատասխան:

3. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիան տրվում է 10 տարի ժամկետով:

II. ԼԻՑԵՆԶԻԱ ՍՏԱՆԱԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ ԵՎ ՊԱՐՏԱԴԻՐ ՊԱՀԱՆՋՆԵՐԸ

4. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիա ստանալու համար կարգավորող մարմին է ներկայացվում հայտ` համաձայն ձևի, որում նշվում են իրավաբանական անձի անվանումը, կազմակերպական-իրավական ձևը, հարկ վճարողի հաշվառման համարի վերաբերյալ տեղեկատվություն, գտնվելու և գործունեություն իրականացնելու վայրերը, լիցենզավորման ենթակա գործունեության տեսակը։

(4-րդ կետը լրաց. 16.11.06 N 1664-Ն)

5. Հայտին կից կարգավորող մարմին են ներկայացվում հետևյալ փաստաթղթերը`

ա) իրավաբանական անձի կանոնադրության և պետական գրանցման վկայականի պատճենները` բոլոր ներդիրներով.

բ) լիցենզիա ստանալու համար պետական տուրքի վճարման անդորրագիրը.

գ) միջուկային տեղակայանքի սկզբնական նախագծով չնախատեսված` լիցենզավորման ենթակա իրականացվելիք աշխատանքների և մատուցվող ծառայությունների նկարագրությունը.

դ) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման որակի ապահովման ծրագիրը.

ե) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքներ կատարող կամ ծառայություններ մատուցող անձնակազմի մասնագիտական որակավորումը հաստատող փաստաթղթերի պատճենները.

զ) տեղեկանք միջուկային տեղակայանքի շահագործող կազմակերպության կողմից հայտատուին` աշխատանքներ իրականացնելու և (կամ) ծառայություններ մատուցելու ներգրավման վերաբերյալ (հայտատուի և շահագործող կազմակերպության միջև կնքված պայմանագրի պատճենը).

է) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքներ կատարելու կամ ծառայություններ մատուցելու համար նախատեսված տեխնիկական և այլ միջոցների (համապատասխան տեխնոլոգիաներ, սարքավորումներ, փաստաթղթեր և այլն) նկարագրությունը.

ը) սույն կետի «դ» ենթակետում նշված փաստաթղթի փորձաքննության եզրակացությունը:

III. ԼԻՑԵՆԶԻԱ ՍՏԱՆԱԼՈՒ ՄԱՍԻՆ ՀԱՅՏԻ ՔՆՆԱՐԿՈՒՄԸ

6. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիա ստանալու մասին հայտը կարգավորող մարմնի կողմից քննարկվում է բոլոր փաստաթղթերը մուտքագրվելու օրվանից` 30 օրվա ընթացքում:

7. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիա ստանալու մասին հայտի քննարկման ժամանակ դիտարկվում են`

ա) հայտի և դրան կից փաստաթղթերի համապատասխանությունը սույն կարգի և այլ օրենսդրական ակտերի պահանջներին.

բ) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման որակի ապահովման ծրագրի համապատասխանությունը միջուկային և ճառագայթային անվտանգության նորմերի և կանոնների պահանջներին.

գ) միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքներ կատարող և ծառայություններ մատուցող անձնակազմի մասնագիտական որակավորումը:

8. Սույն կարգով նախատեսվող լիցենզիա ստանալու համար ներկայացված հայտը մերժվում է`

ա) եթե հայտին կից ներկայացվող փաստաթղթերը չեն համապատասխանում միջուկային և ճառագայթային անվտանգության նորմերի և կանոնների պահանջներին.

բ) «Լիցենզավորման մասին» Հայաստանի Հանրապետության օրենքի 29-րդ հոդվածի 1-ին մասով նախատեսված հիմքերով:

9. Հայտի մերժման մասին կարգավորող մարմնի որոշումները կարող են բողոքարկվել դատական կարգով:

10. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման լիցենզիայի վերաձևակերպումը կամ գործողության կասեցումը, կամ դադարեցումն իրականացվում է համաձայն «Լիցենզավորման մասին» Հայաստանի Հանրապետության օրենքի:

IV. ԼԻՑԵՆԶԻԱՅԻ ՊԱՅՄԱՆՆԵՐԻ ԵՎ ՊԱՀԱՆՋՆԵՐԻ ԿԱՏԱՐՄԱՆ ՆԿԱՏՄԱՄԲ ՎԵՐԱՀՍԿՈՂՈՒԹՅՈՒՆԸ

11. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման գործունեության լիցենզիայի պայմանների ու պահանջների կատարման նկատմամբ վերահսկողությունն իրականացվում է օրենքով սահմանված կարգով` կարգավորող մարմնի կողմից:

12. Միջուկային տեղակայանքի սկզբնական նախագծով չնախատեսված` լիցենզավորման ենթակա այլ աշխատանքների կատարման և ծառայությունների մատուցման գործունեության համար լիցենզիա ստացած անձինք կարգավորող մարմին են ներկայացնում հաշվետվություն` օրենքով սահմանված կարգով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև

ԱՏՈՄԱՅԻՆ ԷՆԵՐԳԻԱՅԻ ՕԳՏԱԳՈՐԾՄԱՆ ԲՆԱԳԱՎԱՌԸ ԿԱՐԳԱՎՈՐՈՂ ՄԱՐՄԻՆ

ՀՀ ՊԵՏԱՏՈՄՀՍԿՈՂՈՒԹՅՈՒՆ

Հ Ա Յ Տ   _ _ _ _

______________________________________________` ՄԻՋՈՒԿԱՅԻՆ
(լիցենզավորման ենթակա աշխատանքի և ծառայության մատուցման տեսակը)

ՏԵՂԱԿԱՅԱՆՔԻ ՍԿԶԲՆԱԿԱՆ ՆԱԽԱԳԾՈՎ ՉՆԱԽԱՏԵՍՎԱԾ` ԼԻՑԵՆԶԱՎՈՐՄԱՆ ԵՆԹԱԿԱ ԱՅԼ ԱՇԽԱՏԱՆՔՆԵՐԻ ԿԱՏԱՐՄԱՆ ԵՎ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ

1. Հայտատուն ___________________________________________________

(իրավաբանական անձի անվանումը, կազմակերպական-իրավական ձևը, հարկ վճարողի հաշվառման համարի վերաբերյալ տեղեկատվություն, գտնվելու և
____________________________________________________________

գործունեության իրականացման վայրը)
__________________________________________________________________
__________________________________________________________________

2. Հայտատուի գտնվելու և գործունեության իրականացման վայրերը __________________
____________________________________________________________

3. Հայտին կից ներկայացվում են`

ա) լիցենզիա ստանալու համար պետական տուրքի վճարման անդորրագիրը.
բ)

գ)

դ)
ե)

Ներկայացված տեղեկությունների իսկությունը հաստատում եմ`

կազմակերպության տնօրեն

______________ (ստորագրություն)

___________________ (անունը, հայրանունը, ազգանունը)

_____ __________ 200  թ.

Կ.Տ.  

(Ձևը լրաց. 16.11.06 N 1664-Ն)

Հավելված N 2 ՀՀ կառավարության 2005 թվականի հունիսի 16-ի N 781-Ն որոշման

Ձև

ԱՏՈՄԱՅԻՆ ԷՆԵՐԳԻԱՅԻ ՕԳՏԱԳՈՐԾՄԱՆ ԲՆԱԳԱՎԱՌԸ ԿԱՐԳԱՎՈՐՈՂ ՄԱՐՄԻՆ

Հայաստանի Հանրապետության բնապահպանության նախարարության աշխատակազմի միջուկային ԵՎ ճառագայթային անվտանգության պետական կարգավորման տեսչություն (ՀՀ պետատոմհսկողություն)

Լ Ի Ց Ե Ն Զ Ի Ա  N _ _ _ _

______________________________________________` ՄԻՋՈՒԿԱՅԻՆ
(լիցենզավորման ենթակա աշխատանքի և ծառայության մատուցման տեսակը)

ՏԵՂԱԿԱՅԱՆՔԻ ՍԿԶԲՆԱԿԱՆ ՆԱԽԱԳԾՈՎ ՉՆԱԽԱՏԵՍՎԱԾ` ԼԻՑԵՆԶԱՎՈՐՄԱՆ ԵՆԹԱԿԱ ԱՅԼ ԱՇԽԱՏԱՆՔՆԵՐԻ ԿԱՏԱՐՄԱՆ ԵՎ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ

Տրված` ___ ____________ 200  թ.

Իրավաբանական անձի անվանումը և գտնվելու վայրը ______________________________
_______________________________________________________________
_______________________________________________________________
_______________________________________________________________

Գործունեության իրականացման վայրը _______________________________________
_______________________________________________________________

Լիցենզիան տրվում է մինչև ___ _________ 200  թ.

ՀՀ ՊԵՏԱՏՈՄՀՍԿՈՂՈՒԹՅԱՆ ՊԵՏ

________________ (ստորագրությունը)

___________________ (անունը, ազգանունը)

Կ.Տ.

(Հավելված N2-ը փոփ. 25.10.07 N 1267-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան