Հայաստանի Հանրապետության կառավարություն
ո ր ո շ ու մ
20 դեկտեմբերի 2007 թվականի N 1507-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան՝ Հայաստանի Հանրապետության կառավարությունը որոշում է.
1. Հայաստանի Հանրապետության մի շարք պետական մարմինների կարիքների համար 15 ծառայողական ավտոմեքենա ձեռք բերելու և Հայաստանի Հանրապետության վարչապետի որոշմամբ այդ մարմիններին տրամադրելու նպատակով Հայաստանի Հանրապետության կառավարության աշխատակազմին հատկացնել 90,000.0 հազ. դրամ՝ Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Տրանսպորտային միջոցների ձեռքբերման ծախսեր» հոդվածով)։
2. Սույն որոշման 1-ին կետով հատկացված միջոցների հաշվին իրականացվող գնումների գործընթացի կազմակերպման և պատվիրատուի լիազորությունը վերապահել Հայաստանի Հանրապետության կառավարության աշխատակազմին։
3. Թույլատրել սույն որոշման 1-ին կետով նախատեսված գնումն իրականացնել մեկ անձից գնման եղանակով։
|
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ |
Ս. ՍԱՐԳՍՅԱՆ |
|
|