ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
14 հունիսի 2007 թվականի N 667-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ԳՈՒՅՔ ՆՎԻՐԱԲԵՐԵԼՈՒ ԵՎ ԳՈՒՅՔՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ ՄԱՍԻՆ
Համաձայն միջազգային դոնոր կազմակերպությունների հետ նախնական պայմանավորվածության և հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը որոշում է.
1. Որպես նվիրաբերություն ընդունել`
1) Միավորված ազգերի կազմակերպության փախստականների հարցերով Գերագույն հանձնակատարի հայաստանյան գրասենյակի` Հայաստանի Հանրապետության Արմավիրի մարզի Վաղարշապատ քաղաքի «Արագած-5» թաղամասում գտնվող` 220 քառ. մետր ընդհանուր մակերեսով և 12 571 050 դրամ հաշվեկշռային արժեքով միայնակ թոշակառուների հանրակացարանը (այսուհետ` գույք) և այն անհատույց օգտագործման իրավունքով տրամադրել «Առաքելություն Հայաստան» հասարակական բարեգործական կազմակերպությանը` փախստականների շրջանում սոցիալ-կենցաղային պայմանների բարելավման ուղղությամբ կատարվող բազմաբնույթ ծրագրերի իրականացման պայմանով.
2) Փախստականների հարցերով նորվեգական խորհրդի` Հայաստանի Հանրապետության Արմավիրի մարզի Ոսկեհատ գյուղի 37.4 քառ. մետր ընդհանուր մակերեսով ու 3 118 250 դրամ հաշվեկշռային արժեքով համայնքային կենտրոնը և Երևան քաղաքի Սիլիկյան թաղամասի 103.23 քառ. մետր ընդհանուր մակերեսով ու 19 348 000 դրամ հաշվեկշռային արժեքով համայնքային կենտրոնը (այսուհետ` գույք) և դրանք անհատույց օգտագործման իրավունքով տրամադրել «Առաքելություն Հայաստան» հասարակական բարեգործական կազմակերպությանը` փախստականների շրջանում սոցիալ-կենցաղային պայմանների բարելավման ուղղությամբ կատարվող բազմաբնույթ ծրագրերի իրականացման պայմանով:
2. Հայաստանի Հանրապետության կառավարությանն առընթեր պետական գույքի կառավարման վարչության պետին`
1) Միավորված ազգերի կազմակերպության փախստականների հարցերով Գերագույն հանձնակատարի հայաստանյան գրասենյակի ղեկավարի հետ համատեղ մեկամսյա ժամկետում` սահմանված կարգով ապահովել սույն որոշման 1-ին կետի 1-ին ենթակետում նշված գույքի նվիրաբերության մասին պայմանագրի կնքումը և գույքային իրավունքների պետական գրանցումը` այն իրականացնելով «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի համաձայն` «Գույքի նկատմամբ իրավունքների առաջին պետական գրանցման աշխատանքների իրականացում և սեփականության իրավունքի վկայականների տրամադրում» ծրագրի շրջանակներում.
2) Փախստականների հարցերով նորվեգական խորհրդի ղեկավարի հետ համատեղ մեկամսյա ժամկետում` սահմանված կարգով ապահովել սույն որոշման 1-ին կետի 2-րդ ենթակետում նշված գույքի նվիրաբերության մասին համապատասխան պայմանագրերի կնքումը և գույքային իրավունքների պետական գրանցումը` այն իրականացնելով «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի համաձայն` «Գույքի նկատմամբ իրավունքների առաջին պետական գրանցման աշխատանքների իրականացում և սեփականության իրավունքի վկայականների տրամադրում» ծրագրի շրջանակներում.
3) գույքային իրավունքների պետական գրանցումն իրականացնելուց հետո «Առաքելություն Հայաստան» հասարակական բարեգործական կազմակերպության հետ համատեղ մեկամսյա ժամկետում` ապահովել սույն որոշման 1-ին կետում նշված գույքի անհատույց օգտագործման պայմանագրերի կնքումը և գույքային իրավունքների պետական գրանցումը` առաջարկելով դրանք իրականացնել նշված կազմակերպության միջոցների հաշվին:
|
Հայաստանի Հանրապետության |
Ս. Սարգսյան |
|
|