«Վավերացնում եմ»
Հայաստանի Հանրապետության
Նախագահ Ռ. Քոչարյան
5 հունիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մայիսի 2007 թվականի N 609-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՀՈԿՏԵՄԲԵՐԻ 6-Ի N 1718-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի հոկտեմբերի 6-ի «Հայաստանի պետական տնտեսագիտական համալսարան» պետական ոչ առևտրային կազմակերպության կանոնադրությունը հաստատելու և Հայաստանի Հանրապետության կառավարության 2002 թվականի մայիսի 31-ի N 642-Ն որոշումն ուժը կորցրած ճանաչելու մասին» N 1718-Ն որոշմամբ հաստատված կանոնադրության մեջ կատարել հետևյալ փոփոխությունները`

1) 15-րդ կետի`

ա. «ա», «գ», «ե» և «ը» ենթակետերը շարադրել հետևյալ խմբագրությամբ.

«ա) համալսարանի կանոնադրության, դրա մեջ փոփոխություններ ու լրացումներ կատարելու վերաբերյալ առաջարկությունները ներկայացնում է հիմնադրին, ընտրում է խորհրդի նախագահ (որը հաստիքային աշխատող չէ)` խորհրդի հերթական նիստերը վարելու և նիստերի միջև ընկած ժամանակահատվածում խորհրդի նիստերից բխող հանձնարարականների կատարմանը հետևելու համար.»,

«գ) Հայաստանի Հանրապետության օրենսդրությամբ սահմանված կարգով կազմակերպում է ռեկտորի, մասնաճյուղի տնօրենի ընտրությունները.»,

«ե) ռեկտորի ներկայացմամբ հաստատում է համալսարանի զարգացման ռազմավարական ծրագրերը.»,

«ը) լսում և գնահատում է ռեկտորի հաշվետվությունը համալսարանի տարեկան գործունեության մասին.»,

բ. «դ» և «է» ենթակետերն ուժը կորցրած ճանաչել.

2) 23-րդ կետի առաջին պարբերության մեջ «գիտությունների թեկնածու կամ դոկտոր» բառերը փոխարինել «դոկտորի գիտական աստիճան, պրոֆեսորի գիտական կոչում ունեցող անձը» բառերով.

3) 59-րդ կետում «Պետական պատվերով ընդունված և առկա ձևով կրթություն ստացող» բառերը փոխարինել «Հայաստանի Հանրապետության օրենսդրությամբ սահմանված կարգով» բառերով, իսկ «և պետական կրթաթոշակների հավելավճարներ» բառերը հանել:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ս. Սարգսյան
2007 թ. մայիսի 31 Երևան