«Վավերացնում եմ»
Հայաստանի Հանրապետության
Նախագահ Ռ. Քոչարյան
17 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 ապրիլի 2007 թվականի N 546-Ն

ՄԱՔՍԱՏՈՒՐՔԻ 0 ՏՈԿՈՍ ԴՐՈՒՅՔԱՉԱՓՈՎ ՀԱՇՎԱՐԿՄԱՆ ՇԱՔԱՐԻ ԱՐՏԱԴՐՈՒԹՅԱՆ ՀԱՄԱՐ 1701 11 ԾԱԾԿԱԳՐԻՆ ԴԱՍՎՈՂ (ԵՂԵԳՆԻՑ ՇԱՔԱՐ-ՀՈՒՄՔ ԱՌԱՆՑ ԲՈՒՐԱՀԱՂՈՐԴՈՂ ՈՒ ՆԵՐԿՈՂ ՀԱՎԵԼՈՒՄՆԵՐԻ) ԱՊՐԱՆՔՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության մաքսային օրենսգրքի 102-րդ հոդվածի 5-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել մաքսատուրքի 0 տոկոս դրույքաչափով հաշվարկման շաքարի արտադրության համար 1701 11 ծածկագրին դասվող (եղեգնից շաքար-հումք առանց բուրահաղորդող ու ներկող հավելումների) ապրանքների Հայաստանի Հանրապետություն ներմուծման կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ս. Սարգսյան
2007 թ. մայիսի 15 Երևան

Հավելված ՀՀ կառավարության 2007 թվականի ապրիլի 12-ի N 546-Ն որոշման

Կ Ա Ր Գ

ՄԱՔՍԱՏՈՒՐՔԻ 0 ՏՈԿՈՍ ԴՐՈՒՅՔԱՉԱՓՈՎ ՀԱՇՎԱՐԿՄԱՆ ՇԱՔԱՐԻ ԱՐՏԱԴՐՈՒԹՅԱՆ ՀԱՄԱՐ 1701 11 ԾԱԾԿԱԳՐԻՆ ԴԱՍՎՈՂ (ԵՂԵԳՆԻՑ ՇԱՔԱՐ-ՀՈՒՄՔ ԱՌԱՆՑ ԲՈՒՐԱՀԱՂՈՐԴՈՂ ՈՒ ՆԵՐԿՈՂ ՀԱՎԵԼՈՒՄՆԵՐԻ) ԱՊՐԱՆՔՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ

1. Սույն կարգով սահմանվում է Հայաստանի Հանրապետության մաքսային օրենսգրքի 102-րդ հոդվածի 5-րդ կետին համապատասխան` մաքսատուրքի 0 տոկոս դրույքաչափով հաշվարկման շաքարի արտադրության համար 1701 11 ծածկագրին դասվող (եղեգնից շաքար-հումք առանց բուրահաղորդող ու ներկող հավելումների) ապրանքների Հայաստանի Հանրապետություն ներմուծման կարգը:

2. Մաքսային մարմինները շաքարի արտադրության համար 1701 11 ծածկագրին դասվող Հայաստանի Հանրապետություն ներմուծվող ապրանքների համար մաքսատուրքը հաշվարկում են 0 տոկոս դրույքաչափով` Հայաստանի Հանրապետության առևտրի և տնտեսական զարգացման նախարարության կողմից տրամադրված եզրակացության հիման վրա:

3. Եզրակացություն ստանալու համար ներմուծողը Հայաստանի Հանրապետության առևտրի և տնտեսական զարգացման նախարարություն է ներկայացնում հետևյալ փաստաթղթերը`

1) դիմում.

2) սննդի արտադրության համար սահմանված կարգով ստացված լիցենզիայի պատճենը.

3) ներմուծված ապրանքի վերամշակումից հետո ստացվելիք արդյունքի նվազագույն քանակության հաշվարկը.

4) ներմուծվող շաքարի հումքի հաշիվ-ապրանքագիրը:

4. Հայաստանի Հանրապետության առևտրի և տնտեսական զարգացման նախարարությունը ներմուծողի ներկայացրած փաստաթղթերի հիման վրա 5 աշխատանքային օրվա ընթացքում տալիս է եզրակացություն` սույն կարգով սահմանված ձևով:

5. Եթե դիմումին կից ներկայացված փաստաթղթերի ցանկն ամբողջական չէ, ապա 2-օրյա ժամկետում ներմուծողից պահանջվում է ներկայացնել չներկայացված փաստաթղթերը:

6. Սույն կարգը տարածվում է նաև 2007 թվականի հունվարի 1-ից հետո Հայաստանի Հանրապետություն ներմուծված շաքարի հումքի վրա, որը մաքսային մարմինների կողմից ձևակերպվել է «Ժամանակավոր ներմուծում» մաքսային ռեժիմով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև

	Հայաստանի Հանրապետության առևտրի և տնտեսական զարգացման նախարարություն
	___   ________    200   թ.

Ե Զ Ր Ա Կ Ա Ց ՈՒ Թ Յ ՈՒ Ն

ՄԱՔՍԱՏՈՒՐՔԻ 0 ՏՈԿՈՍ ԴՐՈՒՅՔԱՉԱՓՈՎ ՀԱՇՎԱՐԿՄԱՆ ՇԱՔԱՐԻ ԱՐՏԱԴՐՈՒԹՅԱՆ ՀԱՄԱՐ 1701 11 ԾԱԾԿԱԳՐԻՆ ԴԱՍՎՈՂ ԱՊՐԱՆՔՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ

Ներմուծողը _________________________________________________

Գտնվելու վայրը _______________________________________________

Հաշիվ-ապրանքագիրը ___________________________________________

Ներմուծվող հումքի քանակը (կգ-ով) _________________________________

Ներմուծված ապրանքի վերամշակումից հետո ստացվելիք արդյունքի նվազագույն քանակության չափը ____________________________________

Եզրակացություն տվողը

________ (պաշտոնը)

___________ (ստորագրությունը)

______________ (անունը, ազգանունը)

_____   __________________    200   թ.

Կ. Տ.