«Վավերացնում եմ»
Հայաստանի Հանրապետության
Նախագահ Ռ. Քոչարյան
15 մարտի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

9 մարտի 2006 թվականի N 279-Ա

ՇԵՆՔ ՕՏԱՐԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածով սահմանված դրույթները` Հայաստանի Հանրապետության կառավարությունը որոշում է.

1. «Հայաստանի Հանրապետության ազգային վիճակագրական ծառայության աշխատակազմ» պետական կառավարչական հիմնարկի Արարատի մարզային գործակալության Արտաշատ քաղաքի Աթարբեկյան N 135/2 հասցեում գտնվող` 701.1 քառ. մետր ընդհանուր մակերեսով շենքը, 14 քառ. մետր մակերեսով պահեստային շինությունն ու 1039 քառ. մետր հողատարածքը հետ վերցնել և անհատույց օտարել Արտաշատի քաղաքային համայնքին:

(1-ին կետը լրաց. 03.08.06 N 1095-Ա)

2. (2-րդ կետն ուժը կորցրել է 03.08.06 N 1095-Ա)

3. Հանձնարարել Հայաստանի Հանրապետության Արարատի մարզպետին և առաջարկել Հայաստանի Հանրապետության ազգային վիճակագրական ծառայության նախագահին ու Արտաշատի քաղաքապետին մինչև 2006 թվականի սեպտեմբերի 30-ը` սահմանված կարգով ապահովել սույն որոշման 1-ին կետում նշված շենքի, 14 քառ. մետր մակերեսով պահեստային շինության ու 1039 քառ. մետր հողատարածքի հանձնման-ընդունման աշխատանքների կատարումը և գույքային իրավունքների գրանցումը` այն իրականացնելով Արտաշատի քաղաքային համայնքի միջոցների հաշվին:

(3-րդ կետը խմբ. 03.08.06 N 1095-Ա)

Հայաստանի Հանրապետության վարչապետ	Ա. Մարգարյան
2006 թ. մարտի 11 Երևան