«Գրանցված է»

ՀՀ արդարադատության

նախարարության կողմից

12 հուլիսի 2005 թ.

Պետական գրանցման թիվ 60605264

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

22 հունիսի 2005 թ. ք. Երևան

N 16-Ն

Ո Ր Ո Շ ՈՒ Մ

ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ ԿԱԶՄԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐ ՀՐԱՊԱՐԱԿԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 34-րդ հոդվածի 2-րդ կետով, Հայաստանի Հանրապետության կենտրոնական ընտրական հանձնաժողովը որոշում է.

Սահմանել ընտրական հանձնաժողովների կազմի վերաբերյալ տեղեկություններ հրապարակելու կարգը (Հավելված 1):

ՀՀ կենտրոնական ընտրական հանձնաժողովի նախագահ`

Գ. Ազարյան

Հավելված 1 ՀՀ կենտրոնական ընտրական հանձնաժողովի 2005 թ. հունիսի 22-ի թիվ 16-Ն որոշման

Կ Ա Ր Գ

Ընտրական հանձնաժողովների կազմի վերաբերյալ տեղեկություններ հրապարակելու

1. Հայաստանի Հանրապետության կենտրոնական ընտրական հանձնաժողովի կազմի վերաբերյալ, կենտրոնական ընտրական հանձնաժողովը հրապարակում է հայտարարություն՝ հանձնաժողովի կազմավորման օրվանից հետո՝ հինգ օրվա ընթացքում, «Հայաստանի Հանրապետություն» օրաթերթում։

Հայտարարությունում նշվում է հանձնաժողովի անդամների ազգանուն, անուն, հայրանունը և պաշտոնը:

2. Ընտրատարածքային ընտրական հանձնաժողովների կազմերի վերաբերյալ հրապարակվում է հայտարարություն՝ հանձնաժողովների կազմավորման համար նախատեսված ժամկետի ավարտից հետո՝ հինգ օրվա ընթացքում, «Հայաստանի Հանրապետություն» օրաթերթում՝ կենտրոնական ընտրական հանձնաժողովի կողմից:

Ընտրատարածքային ընտրական հանձնաժողովների կազմերի վերաբերյալ հայտարարությունում նշվում է սույն կարգի 1-ին կետում սահմանված տվյալները:

3. Կենտրոնական և ընտրատարածքային ընտրական հանձնաժողովների կազմերի վերաբերյալ տեղեկատվությունը սույն կարգի 1-ին և 2-րդ կետերում սահմանված կարգով տեղադրվում է նաև կենտրոնական ընտրական հանձնաժողովի ինտերնետային կայքում:

4. Տեղամասային ընտրական հանձնաժողովների կազմերի վերաբերյալ տեղեկությունները հրապարակում են համապատասխան ընտրատարածքային ընտրական հանձնաժողովները՝ տեղամասային ընտրական հանձնաժողովների առաջին նիստերից հետո՝ երեք օրվա ընթացքում: Ընտրատարածքային ընտրական հանձնաժողովում և տեղամասային կենտրոնում փակցվում է հայտարարություն, որտեղ նշվում է՝ տեղամասային ընտրական հանձնաժողովի անդամների ազգանուն, անուն, հայրանունը և պաշտոնը, ընտրական հանձնաժողովի կազմում ընդգրկվելու որակավորման վկայականի համարը:

(4-րդ կետը լրաց. 01.02.07 N 21-Ն)

(հավելվածը լրաց. 01.02.07 N 21-Ն)