040.0152.09.03.98

«Վավերացնում եմ»
Հայաստանի Հանրապետության
Նախագահի պաշտոնակատար Ռ. Քոչարյան
9 մարտի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 մարտի 1998 թվականի N 152
քաղ. Երևան 

ԵՐԵՎԱՆ ՔԱՂԱՔՈՒՄ ԲՆԱԿԱՐԱՆԱՅԻՆ ՊԱՅՄԱՆՆԵՐԸ ԲԱՐԵԼԱՎԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Երևան քաղաքում բնակչության բնակարանային պայմանները բարելավելու նպատակով Հայաստանի Հանրապետության կառավարությունը որոշում է`

1. Հայաստանի Հանրապետության նախարարությունների տնօրինության տակ գտնվող շենքերն ու շինությունները որպես բնակարանային ֆոնդ վերափոխելու նպատակով հանձնել Երևանի քաղաքապետարանին` համաձայն հավելվածի:

2. Հայաստանի Հանրապետության կրթության և գիտության նախարարությանը, Հայաստանի Հանրապետության կապի նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության տրանսպորտի նախարարությանը և Երևանի քաղաքապետին` երկամսյա ժամկետում ավարտել սույն որոշման հավելվածում նշված շենքերի ու շինությունների սահմանված կարգով հանձնման-ընդունման աշխատանքները:

3. Երևանի քաղաքապետին` ձեռնարկել համապատասխան միջոցներ նշված օբյեկտների որպես բնակարանային ֆոնդ սահմանված կարգով մշակված և հաստատված նախագծային փաստաթղթերի հիման վրա վերակառուցման, հարմարեցման ու նպատակային օգտագործման համար և յուրաքանչյուր եռամսյակ ընթացքի մասին տեղեկացնել Հայաստանի Հանրապետության կառավարությանը:

4. Սույն որոշումն ուժի մեջ է մտնում 1998 թվականի մարտի 9-ից:

Հայաստանի Հանրապետության վարչապետ

Ռ. Քոչարյան

Հավելված ՀՀ կառավարության 1998 թվականի մարտի 9-ի N 152 որոշման

Ց Ա Ն Կ

ԵրԵՎանի քաղաքապետարանին հանձնվող` որպես բնակարանային ֆոնդ վերափոխման ենթակա Հայաստանի Հանրապետության նախարարությունների տնօրինության տակ գտնվող շենքերի եվ շինությունների

NN ը/կ	Օբյեկտի անվանումը	Տնօրինությունը	Հասցեն	Հարկայնությունը, մակերեսը
1.	Քաղէլեկտրատրանսպորտի վարչության հանրակացարան	ՀՀ տրանսպորտի նախարարություն	Գ. Նժդեհի 9 ա, Շենգավիթի թաղային համայնք	4/1860
2.	(2-րդ կետը հանվել է 29.10.98 N 668)
3.	N 4 պրոֆտեխուսումնարանի հանրակացարան	ՀՀ կրթության և գիտության նախարարություն	Արշակունյաց 65, Շենգավիթի թաղային համայնք	4/2800
4.	Առևտրակենցաղային և կապի ուսումնարանի հանրակացարան	ՀՀ կրթության և գիտության նախարարություն	Շիրակի 2ա, շենք 2, Շենգավիթի թաղային համայնք	9/5200
5.	Հանրակացարան	ՀՀ կրթության և գիտության նախարարություն	Ս. Տարոնցու 5, Շենգավիթի թաղային համայնք	6/2400
6.	Կապի ինստիտուտի հանրակացարան	ՀՀ կապի նախարարություն	Նորքի 2-րդ զանգվ., Մոլդովական 43/1, Նոր Նորքի թաղային համայնք	6/3780
7.	N 18 պրոֆտեխուսումնարան	ՀՀ կրթության և գիտության նախարարություն	Լուկաշինի 43/2., Աջափնյակի թաղային համայնք	1-ին մասնաշենք,  4/4600 2-րդ մասնաշենք, 2/1224
8.	N 26 ուսումնարանի հանրակացարան	ՀՀ կրթության և գիտության նախարարություն	Վարդաշեն, 9-րդ փող., 70, Էրեբունու թաղային համայնք	5/450

(Ցանկը խմբ. 15.04.98 N 235, փոփ. 29.10.98 N 668)

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան

 Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ ԱՐՁԱՆԱԳՐՈՒԹՅՈՒՆԻՑ

5 մարտի 1998 թվականի թիվ 10

1. Հայաստանի Հանրապետության սեփականաշնորհման նախարարությանը` մեկամսյա ժամկետում շահագրգիռ նախարարությունների հետ քննարկել և սահմանված կարգով Հայաստանի Հանրապետության կառավարություն ներկայացնել Երևանի «Մահուդ» ՓԲԸ-ի (Հայաստանի Հանրապետության արդյունաբերության և առևտրի նախարարություն, Տյուլենինի 4) գույքային համալիրից մանկապարտեզի, «Էլեկտրոն» ՓԲԸ-ի (Հայաստանի Հանրապետության արդյունաբերության և առևտրի նախարարություն, Շահվերդյան 24/1) գույքային համալիրից մանկապարտեզի, «Հայէլեկտրամեքենա» ԲԲԸ-ի (Հայաստանի Հանրապետության արդյունաբերության և առևտրի նախարարություն, Մանանդյան 15) գույքային համալիրից հանրակացարանի, «Էլեկտրոն» ՓԲԸ-ի (Հայաստանի Հանրապետության կրթության և գիտության նախարարություն, Արարատյան 76) գույքային համալիրից N 21 պրոֆտեխուսումնարանի, «Էլեկտրոն» ՓԲԸ-ի (Հայաստանի Հանրապետության արդյունաբերության և առևտրի նախարարություն, Շահվերդյան 26) գույքային համալիրից մանկապարտեզի, «Էլեկտրոն» ՓԲԸ-ի (Հայաստանի Հանրապետության արդյունաբերության և առևտրի նախարարություն, Շահվերդյան 5) գույքային համալիրից մանկապարտեզի, «Հայէլեկտրամեքենա» ԲԲԸ-ի (Հայաստանի Հանրապետության արդյունաբերության և առևտրի նախարարություն, Շահվերդյան 2/1) գույքային համալիրից մանկապարտեզի, «Հայկական մետաքս» ՓԲԸ-ի (Հայաստանի Հանրապետության արդյունաբերության և առևտրի նախարարություն, Սիսակյան 3) գույքային համալիրից հանրակացարանի «Մասիս» ԱՄ-ի (Հայաստանի Հանրապետության արդյունաբերության և առևտրի նախարարություն, Շենգավիթի 44 փող., 1-ին մասնաշենք) գույքային համալիրից մանկապարտեզի շենքերն առանձնացնելու և Երևանի քաղաքապետարանին հանձնելու մասին` դրանք որպես բնակարանային ֆոնդ վերափոխելու և օգտագործելու նպատակով:

2. Երևանի քաղաքապետին` շահագրգիռ մարմինների հետ, ըստ պատրաստվածության աստիճանի, Հայաստանի Հանրապետության կառավարություն ներկայացնել ոչ բնակելի շենքերի ու շինությունների` որպես բնակարանային ֆոնդ վերափոխման մասին առաջարկություններ: