«Վավերացնում եմ»
Հայաստանի Հանրապետության
Նախագահ Ռ. Քոչարյան
 8 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 հունվարի 2007 թվականի N 506-Ն

ՍՏԵՂԾԱԳՈՐԾՈՒԹՅՈՒՆՆԵՐԻ ՀՐԱՊԱՐԱԿԱՅԻՆ ԿԱՏԱՐՄԱՆ, ՀԵՌԱՐՁԱԿՄԱՆ, ՁԱՅՆԱԳՐՈՒԹՅՈՒՆՆԵՐԻ ՄԻՋՈՑՈՎ ՎԵՐԱՐՏԱԴՐՈՒԹՅԱՆ, ՎԱՐՁՈՒՅԹՈՎ ՏԱԼՈՒ, ԴԵԿՈՐԱՏԻՎ-ԿԻՐԱՌԱԿԱՆ ԱՐՎԵՍՏԻ ՍՏԵՂԾԱԳՈՐԾՈՒԹՅՈՒՆՆԵՐՆ ԱՐԴՅՈՒՆԱԲԵՐՈՒԹՅԱՆ ՄԵՋ ՎԵՐԱՐՏԱԴՐԵԼՈՒ ՀԱՄԱՐ ՀԵՂԻՆԱԿԱՅԻՆ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ԴՐՈՒՅՔԱՉԱՓԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ԱՊՐԻԼԻ 22-Ի N 251 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Հեղինակային իրավունքի և հարակից իրավունքների մասին» Հայաստանի Հանրապետության օրենքի 13-րդ հոդվածի 5-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել ստեղծագործությունների հրապարակային կատարման, հեռարձակման, ձայնագրությունների միջոցով վերարտադրության, վարձույթով տալու, դեկորատիվ-կիրառական արվեստի ստեղծագործություններն արդյունաբերության մեջ վերարտադրելու համար հեղինակային վարձատրության նվազագույն դրույքաչափերը` համաձայն հավելվածի:

2. «Հեղինակային իրավունքի և հարակից իրավունքների մասին» Հայաստանի Հանրապետության օրենքի 63-րդ հոդվածի համաձայն` գույքային իրավունքները կոլեկտիվ հիմունքներով կառավարող կազմակերպություններն օգտագործողների հետ լիցենզային պայմանագրեր կնքելիս պետք է կիրառեն սույն որոշմամբ հաստատված դրույքաչափերից ոչ պակաս դրույքաչափեր, եթե օրենքով կամ սույն որոշմամբ այլ բան նախատեսված չէ:

3. Ուժը կորցրած ճանաչել Հայաստանի Հանրապետության կառավարության 1999 թվականի ապրիլի 22-ի «Գրականության և արվեստի երկերի օգտագործման որոշ տեսակների համար հեղինակային վարձատրության նվազագույն դրույքաչափերի մասին» N 251 որոշումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2007 թ. հունվարի 17 Երևան

Հավելված ՀՀ կառավարության 2007 թվականի  հունվարի 11-ի N 506-Ն որոշման

ՍՏԵՂԾԱԳՈՐԾՈՒԹՅՈՒՆՆԵՐԻ ՀՐԱՊԱՐԱԿԱՅԻՆ ԿԱՏԱՐՄԱՆ, ՀԵՌԱՐՁԱԿՄԱՆ, ՁԱՅՆԱԳՐՈՒԹՅՈՒՆՆԵՐԻ ՄԻՋՈՑՈՎ ՎԵՐԱՐՏԱԴՐՈՒԹՅԱՆ, ՎԱՐՁՈՒՅԹՈՎ ՏԱԼՈՒ, ԴԵԿՈՐԱՏԻՎ-ԿԻՐԱՌԱԿԱՆ ԱՐՎԵՍՏԻ ՍՏԵՂԾԱԳՈՐԾՈՒԹՅՈՒՆՆԵՐՆ ԱՐԴՅՈՒՆԱԲԵՐՈՒԹՅԱՆ ՄԵՋ ՎԵՐԱՐՏԱԴՐԵԼՈՒ ՀԱՄԱՐ ՀԵՂԻՆԱԿԱՅԻՆ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ԴՐՈՒՅՔԱՉԱՓԵՐԸ

NN ը/կ	Ստեղծագործության տեսակը	Վարձատրության նվազագույն դրույքաչափը
1	2	3
1.	Բնագիր դրամատիկական ստեղծագործություններ      ա) արձակ և տիկնիկային պիեսի դեպքում` - ստեղծագործության հեղինակին - բեմադրող ռեժիսորին - բեմադրող նկարչին - զգեստները ձևավորող նկարչին բ) չափածո պիեսի դեպքում (երբ բեմից արտասանվող տեքստի առնվազն կեսը շարադրված է բանաստեղծական ձևով)` - ստեղծագործության հեղինակին - բեմադրող ռեժիսորին - բեմադրող նկարչին - զգեստները ձևավորող նկարչին	հասույթի (համախառն եկամտի) տոկոսով (տոմսերի վաճառքից ստացված եկամուտը, իսկ անվճար մուտքի դեպքում` միջոցառման համար հատկացված պայմանագրային գումարը)
		բազմարար 11 4 3 1   13 4 3 1	մեկ արար 5 2 1.5 0.5   6 2 1.5 0.5
2.	Թարգմանված դրամատիկական ստեղծագործություններ՝ ա) արձակ պիեսի դեպքում` - պիեսի հեղինակին - թարգմանության հեղինակին - միջակա թարգմանության հեղինակին - բեմադրող ռեժիսորին - բեմադրող նկարչին - զգեստները ձևավորող նկարչին  բ) չափածո պիեսի դեպքում` - պիեսի հեղինակին - թարգմանության հեղինակին - միջակա թարգմանության հեղինակին - բեմադրող ռեժիսորին - բեմադրող նկարչին - զգեստները ձևավորող նկարչին	4 5 2 4 3 1 5 6 2 4 3 1	2 2,5 1 2 1,5 0,5 2,5 3 1 2 1,5 0,5
3.	Ստեղծագործությունների բեմականացումներ՝ - ստեղծագործության հեղինակին - թարգմանության հեղինակին - բեմականացման հեղինակին - բեմականության թարգմանության  հեղինակին - բեմադրող ռեժիսորին - բեմադրող նկարչին - զգեստները ձևավորող նկարչին	2,5 2 6,5 5 4 3 1	1,5 1 3 2,5 2 1,5 0,5
4.	Երաժշտադրամատիկական ստեղծագործություններ՝ ա) օպերայի դեպքում` - երաժշտության հեղինակին - լիբրետոյի հեղինակին - լիբրետոյի թարգմանության հեղինակին - լիբրետոյի միջակա թարգմանության  հեղինակին - պարերը բեմադրողին - բեմադրող ռեժիսորին - բեմադրող նկարչին - զգեստները ձևավորող նկարչին բ) բալետի դեպքում՝ - երաժշտության հեղինակին - լիբրետոյի հեղինակին - պարերը բեմադրողին - բեմադրող նկարչին - զգեստները ձևավորող նկարչին գ) օպերետի, երաժշտական կոմեդիայի, մյուզիքլի դեպքում՝ - երաժշտության հեղինակին - պիեսի հեղինակին - պիեսի թարգմանության հեղինակին - պիեսի միջակա թարգմանության հեղինակին - բեմադրող ռեժիսորին - պարերը բեմադրողին - բեմադրող նկարչին - զգեստները ձևավորող նկարչին	10,5 5 1,5 0,5 1 4 3 1 9 4 6 3 1 5,5 5 1,5 1 4 1 3 1	5 2,5 0,5 0,3 0,5 2 1,5 0,5 4,5 2 3 1,5 0,5 3 2,5 1 0,5 2 0,5 1,5 0,5
5.	Դրամատիկական ստեղծագործությունն ուղեկցող երաժշտության հեղինակին	1 (յուրաքանչյուր գործողության  համար)
6.	Հասարակական վայրերում ստեղծագործությունների հրապարակային կատարման համար (անվճար մուտքի դեպքում)՝ ա) սրճարաններում, բարերում և այլ հաստատություններում՝   - մինչև 50 քառ. մ մակերեսով  51-100 քառ. մ  101-300 քառ. մ 300 և ավելի քառ. մ բ) խաղատներում և գիշերային ակումբներում գ) ռեստորաններում` - մինչև 50 քառ. մ մակերեսով  51-100 քառ. մ  101-300 քառ. մ  300 և ավելի քառ. մ   դ) մարզական և պարային հրապարակներում ե) սույն կետում նշված օգտագործման համար օգտագործողը վարձատրություն է վճարում նաև իր մոտ կազմակերպվող այլ միջոցառումների ժամանակ երաժշտական ստեղծագործությունների օգտագործման համար` պայմանագրային հիմունքներով ստացած գումարի կամ մուտքի գումարի (ստացած հասույթի)	դրամ (տարեկան)   20000  25000 30000 40000 100000 30000 40000 60000 75000 25000   5 տոկոս
7.	Համերգներ` կազմված՝ ա) սիմֆոնիկ, վոկալ-սիմֆոնիկ կամերային, ժողգործիքների համար գրված ստեղծագործություններից բ) պարային (խորեոգրաֆիկ) ստեղծագործություններից գ) վոկալ-պարային համերգ դ) այլ համերգներ, այդ թվում` թատերականացված, էստրադային, ամանորյա հանդեսներ, պարահանդես- ներ, վարիետե ծրագրեր և այլն	մուտքի գումարի (հասույթի)   տոկոսով 7 (ամբողջ ծրագրի համար) 6 (ամբողջ ծրագրի համար, որից 3-ը` պարերը բեմադրողին)   5 (ամբողջ ծրագրի համար, որից 2-ը` պարերը բեմադրողին) 5 (ամբողջ ծրագրի համար)
8.	Կրկեսային ծրագրեր՝ ա) մեկ ինքնուրույն բաժին զբաղեցնող և հատուկ կրկեսային մնջախաղի, հրավառության, բալետի, սյուժետային ատրակցիոնի համար գրված երաժշտության համար բ) կրկեսային ծրագրում մեկ ինքնուրույն բաժին զբաղեցնող մնջախաղի, հրավառության, սյուժետային ատրակցիոնի, բալետի կատարման համար	1 (ամբողջ ծրագրի համար) 0,5 (յուրաքանչյուր բաժնի համար` լրացուցիչ) 0,5 (յուրաքանչյուր բաժնի համար` լրացուցիչ)
9.	Զանգվածային հրապարակներում (3000-ից ավելի տեղ ունեցող փակ և բաց հրապարակները, ինչպես նաև հանդիսատեսների համար տեղերի որոշակի թիվ չունեցող հրապարակները, եթե վաճառվել է 3000-ից ավելի մուտքի տոմս) թատերականացված, էստրադային, կրկեսային ներկայացումների, համերգների համար, ինչպես նաև մարզական մրցումները, մարզիկների ցուցադրական ելույթները, նորաձևությունների ցուցադրումն ուղեկցող տեքստով կամ առանց տեքստի երաժշտական ստեղծագործությունների օգտագործման համար	ստացված հասույթի 2 տոկոսը
10.	Հրապարակված երաժշտական ստեղծագործությունները ռադիոհաղորդումներում օգտագործելու համար՝   ա) ընդհանուր հաղորդումներում երաժշտական ստեղծագործությունների մինչև 30 տոկոս ծավալի դեպքում`   բ) 30-60 տոկոսի դեպքում՝   գ) 60 տոկոսից ավելիի դեպքում՝	օգտագործողի համախառն եկամտից (տոկոս) 1  տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 25-ապատիկից ոչ պակաս 1,5 տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 50-ապատիկից ոչ պակաս   2 տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 75-ապատիկից ոչ պակաս
11.	Հրապարակված երաժշտական ստեղծագործությունները հեռուստահաղորդումներում օգտագործողի համախառն եկամտից (տոկոս) ա) ընդհանուր հաղորդումներում երաժշտական ստեղծագործությունների մինչև 30 տոկոս ծավալի դեպքում՝ բ) 30-60 տոկոսի դեպքում՝   գ) 60 տոկոսից ավելիի դեպքում՝	օգտագործելու համար՝    1 տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 100-ապատիկից ոչ պակաս   1,5 տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 150-ապատիկից ոչ պակաս 2 տոկոս` օգտագործողի համախառն եկամտից կամ միանվագ ամսական պայմանագրային գումար` նվազագույն աշխատավարձի 200-ապատիկից ոչ պակաս
12.	Հրապարակված երաժշտական ստեղծագործությունները մալուխային հեռուստատեսությամբ հաղորդելու և վերահաղորդելու համար	5 տոկոս` բաժանորդներից հավաքված գումարներից
13.	Ստեղծագործությունները ձայնագրության (տեսագրության) միջոցով վերարտադրելու համար ա) ստեղծագործության ձայնագրության (տեսագրության) եզակի օրինակի (մայր օրինակի) պատրաստման դեպքում` բ) ստեղծագործության ձայնագրության (տեսագրության) մայր օրինակից վերարտադրելու դեպքում`	10 տոկոս` եզակի օրինակի պատրաստման համար ստացված եկամտից   10 տոկոս` յուրաքանչյուր պատրաստված օրինակի բացթողման գնից
14.	Ձայնագրության (տեսագրության), տեսալսողական ստեղծագործության օրինակներն առևտրային նպատակով բազմացնելու դեպքում՝	8 տոկոս` ստացված եկամտից
15.	Ձայնագրության (տեսագրության), տեսալսողական ստեղծագործության օրինակը վարձույթով հանձնելու դեպքում՝	8 տոկոս` վարձույթի հասույթից
16.	Ձայնագրության (տեսագրության), տեսալսողական ստեղծագործության օրինակը թվային միջավայրում օգտագործելու դեպքում՝	10 տոկոս` յուրաքանչյուր բեռնավորման համար ստացված համախառն եկամտից կամ  միանվագ գումար, որը որոշված է գույքային իրավունքները կոլեկտիվ հիմունքներով կառավարող կազմակերպության և օգտագործողի միջև կնքված լիցենզային պայմանագրով
17.	Դեկորատիվ-կիրառական արվեստի գործեր` ա) դեկորատիվ-կիրառական արվեստի գործնական նշանակության երկեր, ինչպես նաև դեկորատիվ և հուշանվերային փոքր ու հասարակ գործածական իրեր, արդուզարդի առարկաներ     բ) դեկորատիվ-կիրառական բնույթի` գործնական նշանակության առարկաներ (պատյան, փաթեթանյութ, գեղարարության (կոսմետիկա) սրվակներ և այլն)	բացթողման գնի տոկոսը     5   1,5

1. Ներկայացման գործողությունների թիվ համարվում է այն թիվը, որը նշված է հեղինակի կողմից ստեղծագործությունը կոլեկտիվ կառավարող կազմակերպությունում գրանցելիս կամ թատրոնի (օգտագործողի) հետ կնքված պայմանագրում:

2. Թատրոնները, կատարողների (համերգային) կոլեկտիվներն իրենց հյուրախաղերի ծրագիրը գրանցում են գույքային իրավունքները կոլեկտիվ հիմունքներով կառավարող կազմակերպությունում:

3. Հայաստանի Հանրապետությունում անցկացվող թատերական, համերգային հյուրախաղերի համար սույն դրույքաչափերով սահմանված հեղինակային վարձատրությունը վճարում է հյուրախաղեր կազմակերպող անձը: Հեղինակային վարձատրություն վճարող անձը պարտավոր է նախապես, նախքան ելույթը կայանալը, ստանալ հրավիրված կոլեկտիվի ներկայացման կամ համերգի ծրագիրը:

4. Հնչյունագրի և տեսագրության կրկնակի օգտագործումը դիտվում է առանձին օգտագործում, և դրա համար վարձատրությունը վճարվում է յուրաքանչյուր օգտագործման համար:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան