«Վավերացնում եմ»
Հայաստանի Հանրապետության
Նախագահ Ռ. Քոչարյան
15 փետրվարի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 փետրվարի 2007 թվականի N 125-Ա

«ՈՐՈՏԱՆ-ԱՐՓԱ-ՍԵՎԱՆ» ԹՈՒՆԵԼՆԵՐԻ ՇԱՀԱԳՈՐԾՄԱՆ ՎԱՐՉՈՒԹՅՈՒՆ» ՊԵՏԱԿԱՆ ՀԻՄՆԱՐԿԻ ՊԱՀՊԱՆՄԱՆ, ՈՐՈՏԱՆ-ԱՐՓԱ-ՍԵՎԱՆ ՋՐԱՅԻՆ ՀԱՄԱԿԱՐԳԻ ՇԱՀԱԳՈՐԾՄԱՆ, ՏԵԽՆԻԿԱԿԱՆ ՎԻՃԱԿԻ ԲԱՐԵԼԱՎՄԱՆ ԵՎ ՆՈՐՈԳՄԱՆ 2007 ԹՎԱԿԱՆԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքը և Հայաստանի Հանրապետության կառավարության 2006 թվականի դեկտեմբերի 21-ի «Հայաստանի Հանրապետության 2007 թվականի պետական բյուջեի կատարումն ապահովող միջոցառումների մասին» N 1851-Ա որոշման 19.1-ին կետի «ա» ենթակետը՝ Հայաստանի Հանրապետության կառավարությունը որոշում է.

Հաստատել «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 10 խմբի 03 ենթախմբի «01. «ՈԱՍ ԹՇ վարչություն» ՊՀ-ի պահպանում, Որոտան-Արփա-Սևան ջրային համակարգի շահագործում, տեխնիկական վիճակի բարելավում և նորոգում» ծրագրով նախատեսված «Որոտան-Արփա-Սևան» թունելների շահագործման վարչություն» պետական հիմնարկի պահպանման, Որոտան-Արփա-Սևան ջրային համակարգի շահագործման, տեխնիկական վիճակի բարելավման և նորոգման 2007 թվականի ծրագիրը՝ համաձայն հավելվածի:

Հայաստանի Հանրապետության վարչապետ	Ա. Մարգարյան
2007 թ. փետրվարի 9 Երևան

Հավելված ՀՀ կառավարության 2007 թվականի փետրվարի 8-ի N 125-Ա որոշման

2 0 0 7  Թ Վ Ա Կ Ա Ն Ի  Ծ Ր Ա Գ Ի Ր

«ՈՐՈՏԱՆ-ԱՐՓԱ-ՍԵՎԱՆ» ԹՈՒՆԵԼՆԵՐԻ ՇԱՀԱԳՈՐԾՄԱՆ ՎԱՐՉՈՒԹՅՈՒՆ» ՊԵՏԱԿԱՆ ՀԻՄՆԱՐԿԻ ՊԱՀՊԱՆՄԱՆ, ՈՐՈՏԱՆ-ԱՐՓԱ-ՍԵՎԱՆ ՋՐԱՅԻՆ ՀԱՄԱԿԱՐԳԻ ՇԱՀԱԳՈՐԾՄԱՆ, ՏԵԽՆԻԿԱԿԱՆ ՎԻՃԱԿԻ ԲԱՐԵԼԱՎՄԱՆ ԵՎ ՆՈՐՈԳՄԱՆ

NN ը/կ	Ծրագրի, ենթածրագրի անվանումները	Աշխատանքների նկարագիրը	Ծրագրի, ենթա- ծրագրի արժեքը (հազ. դրամ)	Ենթածրագրի իրականացման հետևանքով հիդրոհանգույցում առաջացող արդյունքը	Ծանոթագրություն
1	2	3	4	5	6
	«Որոտան-Արփա-Սևան» թունելների շահագործման վարչություն» պետական հիմնարկի պահպանում, Որոտան-Արփա-Սևան ջրային համակարգի շահագործում, տեխնիկական վիճակի բարելավում և նորոգում, այդ թվում`		911790.0
1.	«Որոտան-Արփա-Սևան» թունելների շահագործման վարչություն» պետական հիմնարկի պահպանում	պետական հիմնարկի պահպանման ծախսերի իրականացում՝ համաձայն պահպանման ծախսերի նախահաշվի	41310.0	Հիմնարկն իրականացնում է նաև վերականգնողական աշխատանքների նկատմամբ որակի տեխնիկական հսկողության գործառույթները:
2.	Որոտան-Արփա-Սևան ջրային համակարգի շահագործում	հավատարմագրային կառավարչի կողմից իրականացվող հիդրոհանգույցի շահագործում և պահպանում	270480.0	դեպի Սևանա լիճ տեղափոխվող ջրի նախատեսված ծավալի ապահովում	Ծառայությունները մատուցվում են հավատարմագրային կառավարչի կողմից` համաձայն 17.08.2004 թ. NԾՁԲ-04/36 պայմանագրի:
3.	Որոտան-Արփա-Սևան ջրային համակարգի տեխնիկական վիճակի բարելավում և նորոգում, այդ թվում՝		600000.0		Աշխատանքներն իրականացվելու են հավատարմագրային կառավարչի կողմից՝ համաձայն 17.08.2004 թ. NԾՁԲ-04/36 պայմանագրի:
		3.1. «Արփա-Սևան» ջրատարի N 2 թունելի Եղեգիսի շինարարական բազայի վերականգնում	280000.0	Արդյունքում ստեղծվում է շինարարական տեղամաս, որը հնարավորություն է տալիս թունելի վերակառուցման աշխատանքների իրականացման դեպքում ապահովել աշխատանքների կազմակերպման առավելագույն մակարդակ:
		3.2. «Որոտան-Արփա-Սևան» թունելի Ծովինարի տեղամասի ելքամասի բաց ջրանցքի նորոգման և բարեկարգման աշխատանքների իրականացում	75000.0	Արդյունքում ապահովվում է թունելից դուրս եկող ջրի բնականոն ելքը, քայքայումից պաշտպանվում են հարակից տարածքները, ինչպես նաև ապահովվում է պնևմաանվավոր տրանսպորտի համար բնականոն մուտք դեպի թունել՝ վերականգնողական աշխատանքներ իրականացնելու նպատակով:
		3.3. N 2 թունելի ՈՒՀ 187+50 - ՈՒՀ 279+00 հատվածի վերականգնում-վերակառուցում` «Եղեգիս» շինհրապարակից, այդ թվում՝	245000.0	Արդյունքում վերականգնվում է N 2 թունելի սկզբնամասի հատակը, ապահովվում են հաղորդակցության ուղիները՝ թունելի` առավել վատ վիճակում գտնվող հատվածների վերականգնողական աշխատանքներն իրականացնելու համար:
		3.3.1. N 2 թունելի ՈՒՀ 187+50 - ՈՒՀ 246+20 հատվածում հակադարձ թաղի քայքայված հատվածների վերակառուցում (շուրջ 250 գծմ)	131000.0	Արդյունքում ապահովվում է երկաթուղային տրանսպորտի անցանելիությունը:
		3.3.2. N 2 թունելի ՈՒՀ 246+20 - ՈՒՀ 248+20 հատվածում նեղծիր ռելսային գծերի և ուղետարանցային հանգույցների տեղադրում (շուրջ 2 կմ)	76000.0
		3.3.3. N 2 թունելի ՈՒՀ 246+20 - ՈՒՀ 248+20 հատվածում սեղմված օդի խողովակաշարի մոնտաժում (շուրջ 2 կմ)	38000.0

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան