040.0381.19.06.98
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱն
ՆԱԽԱԳԱՀ Ռ. ՔՈՉԱՐՅԱՆ
19 հունիսի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 հունիսի 1998 թվականի N 381
քաղ. Երևան
«ԻՋԵՎԱՆՅԱՆ ԳՈՐԳԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ԲԱԺՆԵՄԱՍԻ ՄԱՍՆԱՎՈՐԵՑՄԱՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1.1. (կետն ուժը կորցրել է 19.11.98 N 724)
1.2. «Իջևանյան գորգեր» փակ բաժնետիրական ընկերության կազմից առանձնացնել`
ա) սրճարան-տաղավարը (քաղ. Իջևան, Վասիլյան 4) և այն Հայաստանի Հանրապետության օրենսդրությամբ սահմանված կարգով մասնավորեցնել նրա աշխատավորական կոլեկտիվին որպես «փոքր» օբյեկտ` համաձայն Հայաստանի Հանրապետության կառավարության 1997 թվականի հուլիսի 11-ի «Իջևանյան գորգեր» փակ բաժնետիրական ընկերության պետական բաժնեմասը միջազգային մրցույթով սեփականաշնորհելու մասին» N 268 որոշման.
բ) Ենոքավանի օժանդակ տնտեսությունը (Տավուշի մարզ, գ. Ենոքավան), Խոզամարագի օժանդակ տնտեսությունը (քաղ. Իջևան, Խոզամարագի հանդամաս), 3 անասնագոմերի անավարտ շինարարության օբյեկտները (քաղ. Իջևան, Սպիտակ ջուր հանդամաս), ֆիրմային խանութի անավարտ շինարարության օբյեկտը, պանսիոնատի և սնուցող ջրագծի անավարտ շինարարությունը և դրանք մասնավորեցնել Հայաստանի Հանրապետության օրենսդրությամբ սահմանված կարգով:
1.3. (կետն ուժը կորցրել է 19.11.98 N 724)
1.4. (կետն ուժը կորցրել է 19.11.98 N 724)
1.5. (կետն ուժը կորցրել է 19.11.98 N 724)
1.6. (կետն ուժը կորցրել է 19.11.98 N 724)
2. Ուժը կորցրած ճանաչել Հայաստանի Հանրապետության կառավարության 1996 թվականի սեպտեմբերի 11-ի «Հայաստանի Հանրապետության պետական ձեռնարկությունների սեփականաշնորհման, վարձակալած գույքի գնման թույլտվություն տալու, Հայաստանի Հանրապետության կառավարության 1996 թվականի օգոստոսի 14-ի NN 248, 249 և Հայաստանի Հանրապետության կառավարության 1996 թվականի օգոստոսի 22-ի N 265 որոշումների մեջ փոփոխություններ կատարելու մասին» N 291 որոշման 33.1-35.2-րդ կետերը և Հայաստանի Հանրապետության կառավարության 1997 թվականի հուլիսի 11-ի «Իջևանյան գորգեր» փակ բաժնետիրական ընկերության պետական բաժնեմասը միջազգային մրցույթով սեփականաշնորհելու մասին» N 268 որոշման 4-րդ կետի «բ» ենթակետը, իսկ որոշման 4-րդ կետի «գ» ենթակետից հանել «մանկապարտեզը (քաղ. Իջևան, Վասիլյան փող.)» բառերը:
3. Սույն որոշումն ուժի մեջ է մտնում 1998 թվականի հունիսի 19-ից:
Հայաստանի Հանրապետության |
Ա. Դարբինյան |
Փոփոխող ակտ | Համապատասխան ինկորպորացիան | |
---|---|---|
19.11.1998, N 724 | 19.11.1998, N 381 |
Փոփոխող ակտ | Համապատասխան ինկորպորացիան |
---|