Գլխավոր տեղեկություն
Համար
N 385-Ա
Տիպ
Որոշում
Ակտի տիպ
Base act (05.04.2006-till now)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
30.03.2006
Ստորագրող մարմին
ՀՀ վարչապետ
Ստորագրման ամսաթիվ
01.04.2006
Վավերացնող մարմին
ՀՀ Նախագահ
Վավերացման ամսաթից
04.04.2006
Ուժի մեջ մտնելու ամսաթիվ
05.04.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
4 ապրիլի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մարտի 2006 թվականի N 385-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

Նախորդ բյուջետային տարիների արդյունքներով առաջացած պարտքերի մարման նպատակով Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության արտաքին գործերի նախարարությանը հատկացնել`

ա) 2005 թվականի ապրիլի 20-23-ը Լեհաստանի Հանրապետության նախկին նախագահ Լ. Վալենսայի` Հայաստանի Հանրապետություն կատարած պաշտոնական այցի շրջանակներում «Արմենիա» հյուրանոցային համալիր» փակ բաժնետիրական ընկերության կողմից մատուցված ծառայության հետ կապված ծախսերը փոխհատուցելու նպատակով՝ 115000 դրամ (բյուջետային ծախսերի տնտեսագիտական դասակարգման «Այլ ծառայությունների ձեռքբերման ծախսեր» հոդվածով).

բ) 2005 թվականի օգոստոսի 29-31-ը Արգենտինայի Հանրապետության արտաքին հարաբերությունների, միջազգային առևտրի և պաշտամունքի նախարար Ռ. Բիելսայի` Հայաստանի Հանրապետություն կատարած պաշտոնական այցի շրջանակներում «Երևան» հյուրանոց» բաց բաժնետիրական ընկերության կողմից մատուցված ծառայության հետ կապված ծախսերը փոխհատուցելու նպատակով՝ 246800 դրամ (բյուջետային ծախսերի տնտեսագիտական դասակարգման «Այլ ծառայությունների ձեռքբերման ծախսեր» հոդվածով).

գ) 2005 թվականի նոյեմբերի 27-29-ը Եվրոպական հանձնաժողովի արտաքին հարաբերությունների Արևելյան Եվրոպայի, Հարավային Կովկասի և Կենտրոնական Ասիայի երկրների տնօրինության ղեկավար Հյու Մինգարելիի` Հայաստանի Հանրապետություն կատարած պաշտոնական այցի շրջանակներում «Արմենիա» հյուրանոցային համալիր» փակ բաժնետիրական ընկերության կողմից մատուցված ծառայության հետ կապված ծախսերը փոխհատուցելու նպատակով` 27000 դրամ (բյուջետային ծախսերի տնտեսագիտական դասակարգման «Այլ ծառայությունների ձեռքբերման ծախսեր» հոդվածով):


Հայաստանի Հանրապետության
վարչապետ

 Ա. Մարգարյան
   

2006 թ. ապրիլի 1
Երևան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան