Գլխավոր տեղեկություն
Համար
N 539-Ա
Տիպ
Որոշում
Ակտի տիպ
Base act (05.05.2006-till now)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
04.05.2006
Ստորագրող մարմին
ՀՀ վարչապետ
Ստորագրման ամսաթիվ
04.05.2006
Վավերացնող մարմին
ՀՀ Նախագահ
Վավերացման ամսաթից
04.05.2006
Ուժի մեջ մտնելու ամսաթիվ
05.05.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
4 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 մայիսի 2006 թվականի N 539-Ա

 

2006 ԹՎԱԿԱՆԻ ՄԱՅԻՍԻ 3-ԻՆ ՏԵՂԻ ՈՒՆԵՑԱԾ ԱՎԻԱՎԹԱՐԻ ԱՐԴՅՈՒՆՔՈՒՄ ԶՈՀՎԱԾ ԱՆՁԱՆՑ ՀՈՒՂԱՐԿԱՎՈՐՈՒԹՅԱՆԸ ՊԵՏԱԿԱՆ ԱՋԱԿՑՈՒԹՅՈՒՆ ՑՈՒՑԱԲԵՐԵԼՈՒ ՄԱՍԻՆ

 

2006 թվականի մայիսի 3-ին տեղի ունեցած ավիավթարի արդյունքում զոհված` Հայաստանի Հանրապետության քաղաքացի հանդիսացող անձանց հուղարկավորությանը պետական աջակցություն ցուցաբերելու նպատակով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից (բյուջետային ծախսերի տնտեսագիտական դասակարգման «Ընթացիկ ներքին այլ տրանսֆերտային վճարներ» հոդվածով) հատկացնել`

ա) Հայաստանի Հանրապետության աշխատանքի և սոցիալական հարցերի նախարարությանը` 129,000.0 հազ. դրամ` հուղարկավորությանը, գերեզմանների տապանաքարերի պատրաստմանը և տեղադրմանն աջակցելու նպատակով (յուրաքանչյուր զոհվածի հաշվով` 1,500.0 հազ. դրամ).

բ) Երևանի քաղաքապետարանին` 15,255.0 հազ. դրամ` հուղարկավորությանն աջակցելու նպատակով Երևանի քաղաքապետարանի «Բնակչության հատուկ սպասարկում» փակ բաժնետիրական ընկերությանը տրամադրելու համար (յուրաքանչյուր զոհվածի հաշվով` 135.0 հազ. դրամ):

2. Թույլատրել Հայաստանի Հանրապետության աշխատանքի և սոցիալական հարցերի նախարարին 2006 թվականի մայիսի 3-ին տեղի ունեցած ավիավթարի արդյունքում զոհվածների հուղարկավորությունը կատարող անձանց կանխիկ ձևով տրամադրել սույն որոշման 1-ին կետի «ա» ենթակետով հատկացված միջոցները:

3. Թույլատրել Հայաստանի Հանրապետության ֆինանսների և էկոնոմիկայի նախարարությանն իրեն սպասարկող Հայաստանի Հանրապետության ֆինանսների և էկոնոմիկայի նախարարության աշխատակազմի գանձապետական բաժնում բացել գանձապետական արտաբյուջետային ժամանակավոր հաշիվ` 2006 թվականի մայիսի 3-ին տեղի ունեցած ավիավթարի արդյունքում զոհված` Հայաստանի Հանրապետության քաղաքացի հանդիսացող անձանց ընտանիքներին նյութական օգնություն ցուցաբերելու նպատակով ֆիզիկական և իրավաբանական անձանց կողմից հանգանակվող միջոցների հավաքագրման և դրանք, ըստ հանգանակողների կողմից նշված ուղղությունների, ծախսելու համար:


Հայաստանի Հանրապետության
վարչապետ

 Ա. Մարգարյան
   

2006 թ. մայիսի 4
Երևան