«Վավերացնում եմ»
Հայաստանի Հանրապետության
Նախագահ Ռ. Քոչարյան
8 օգոստոսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 օգոստոսի 2006 թվականի N 1075-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆԴԱՆԻՆԵՐԻ ԿԱՐՄԻՐ ԳՐՔՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՈՒՅՍԵՐԻ ԿԱՐՄԻՐ ԳՐՔՈՒՄ ԸՆԴԳՐԿՎԱԾ ՏԵՍԱԿՆԵՐԻ ՈՒՍՈՒՄՆԱՍԻՐՈՒԹՅԱՆՆ ՈՒ ՊԱՀՊԱՆՈՒԹՅԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2006 թվականի փետրվարի 2-ի «Հայաստանի Հանրապետության կենդանիների Կարմիր գրքի կենդանիների ցանկը և Հայաստանի Հանրապետության բույսերի Կարմիր գրքի բույսերի ցանկը հաստատելու մասին» N 98-Ն որոշման 2-րդ կետի` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության կենդանիների Կարմիր գրքում և Հայաստանի Հանրապետության բույսերի Կարմիր գրքում ընդգրկված տեսակների ուսումնասիրությանն ու պահպանությանն ուղղված միջոցառումների ծրագիրը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. օգոստոսի 7 Երևան

Հավելված ՀՀ կառավարության 2006 թվականի օգոստոսի 3-ի N 1075-Ն որոշման

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆԴԱՆԻՆԵՐԻ ԿԱՐՄԻՐ ԳՐՔՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՈՒՅՍԵՐԻ ԿԱՐՄԻՐ ԳՐՔՈՒՄ ԸՆԴԳՐԿՎԱԾ ՏԵՍԱԿՆԵՐԻ ՈՒՍՈՒՄՆԱՍԻՐՈՒԹՅԱՆՆ ՈՒ ՊԱՀՊԱՆՈՒԹՅԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Կատարման պատասխանատուն	Համակա- տարողը	Ժամկետը	Ֆինանսավոր- ման աղբյուրը և պահանջվող գումարը
1	2	3	4	5	6
1.	Բուսական և կենդանական աշխարհի հազվագյուտ և անհետացող տեսակների (բարձրակարգ և ցածրակարգ բույսեր, սնկեր, ողնաշարավոր և անողնաշարավոր կենդանիներ) արդի վիճակի, տարածվածության, կենսաբանական ու էկոլոգիական հատկանիշների բացահայտում` ա) տեսակների ներկա վիճակը, քանակական և որակական ցուցանիշները պարզելու նպատակով Հայաստանի Հանրապետության բոլոր մարզերում դաշտային ուսումնասիրությունների իրականացում. բ) բուսական և կենդանական աշխարհի հազվագյուտ ու անհետացող տեսակների և սնկերի պոպուլյացիաների աճելավայրերի (ապրելավայրերի) և բազմացման վայրերի վիճակի գնահատում. գ) տարածման (արեալների) քարտեզագրում։	ՀՀ բնապահպանության նախարարություն	ՀՀ ԳԱԱ-ի բուսաբանության ինստիտուտ ՀՀ ԳԱԱ-ի կենդանաբանության ինստիտուտ ՀՀ ԳԱԱ-ի հիդրոէկոլոգիայի և ձկնաբանության ինստիտուտ Երևանի պետական համալսարան	2007 թ. 2-3-րդ եռամսյակներ 2008 թ. 2-3-րդ եռամսյակներ	2007-2009 թթ. միջնաժամկետ ծախսային ծրագիր` 10 մլն 250 հազ. դրամ
2.	Գոյություն ունեցող գիտական տեղեկատվության  մշակում, վերլուծություն և ամփոփում` ա) դաշտային ուսումնասիրությունների աշխատանոցային մշակում.      բ) առկա հավաքածո նյութերի մշակում.     գ) առկա գրական-գիտական տվյալների վերլուծություն.     դ) ամբողջ տեղեկատվության համեմատական վերլուծություն և ամփոփում։	ՀՀ բնապահպանության նախարարություն	ՀՀ ԳԱԱ-ի բուսաբանության ինստիտուտ ՀՀ ԳԱԱ-ի կենդանաբանության ինստիտուտ ՀՀ ԳԱԱ-ի հիդրոէկոլոգիայի և ձկնաբանության ինստիտուտ Երևանի պետական համալսարան	2007-2008 թթ.	2007-2009 թթ. միջնաժամկետ ծախսային ծրագիր` 2 մլն դրամ
3.	Ըստ Բնության պահպանության միջազգային միության  (IUCN) Կարմիր գրքի դասակարգման և չափորոշիչների օգտագործման ուղեցույցի ստացված տվյալների դասակարգում	ՀՀ բնապահպանության նախարարություն	ՀՀ ԳԱԱ-ի բուսաբանության ինստիտուտ ՀՀ ԳԱԱ-ի կենդանաբանության ինստիտուտ ՀՀ ԳԱԱ-ի հիդրոէկոլոգիայի և ձկնաբանության ինստիտուտ Երևանի պետական համալսարան	2008 թ.	2007-2009 թթ. միջնաժամկետ ծախսային ծրագիր` 750 հազ. դրամ
4.	Հայաստանի Հանրապետության Կարմիր գրքերում ընդգրկվող բուսական և կենդանական աշխարհի հազվագյուտ և անհետացող տեսակների ու  սնկերի տեսակային կազմի ճշգրտում` ա) Հայաստանի Հանրապետության Կարմիր գրքերում ընդգրկվող բուսական և կենդանական տեսակների ու սնկերի ճշգրիտ ցուցակների կազմում. բ) յուրաքանչյուր  տեսակի համար բնութագրական ամփոփ նկարագրության պատրաստում.   գ) յուրաքանչյուր տեսակի համար տարածման  (արեալների) քարտեզների կազմում. դ) լուսանկարների և այլ իլյուստրացիոն նյութերի պատրաստում:	ՀՀ բնապահպանության նախարարություն	ՀՀ ԳԱԱ-ի բուսաբանության ինստիտուտ ՀՀ ԳԱԱ-ի կենդանաբանության ինստիտուտ ՀՀ ԳԱԱ-ի հիդրոէկոլոգիայի և ձկնաբանության ինստիտուտ Երևանի պետական համալսարան	2007-2008 թթ.	2007-2009 թթ. միջնաժամկետ ծախսային ծրագիր` 5 մլն դրամ
5.	Հայաստանի Հանրապետության կենդանիների և բույսերի Կարմիր գրքերի հանձնաժողովի կողմից Հայաստանի Հանրապետության Կարմիր գրքերում ընդգրկվող բուսական և կենդանական տեսակների ու սնկերի ցուցակների և այլ նյութերի հաստատում	ՀՀ բնապահպանության նախարարություն		2008 թ.
6.	Հայաստանի Հանրապետության Կարմիր գրքերում ընդգրկվող բուսական և կենդանական տեսակների մասին տեղեկատվության թվայնացում և տվյալների բազաների ստեղծում	ՀՀ բնապահպանության նախարարություն		2008-2009 թթ.	2007-2009 թթ. միջնաժամկետ ծախսային ծրագիր` 3 մլն 120 հազ. դրամ
7.	«Հայաստանի Հանրապետության բույսերի Կարմիր գիրքը հաստատելու մասին» և «Հայաստանի Հանրապետության կենդանիների Կարմիր գիրքը հաստատելու մասին» ՀՀ կառավարության որոշման նախագծերը ՀՀ կառավարություն ներկայացնելը	ՀՀ բնապահպանության նախարարություն		2009 թ.
8.	Հայաստանի Հանրապետության կենդանիների և բույսերի Կարմիր գրքերի և դրանց հանրամատչելի տարբերակների հրատարակում	ՀՀ բնապահպանության նախարարություն		2009 թ.	2007-2009 թթ. միջնաժամկետ ծախսային ծրագիր` 10 մլն 605 հազ. դրամ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան