«Վավերացնում եմ»
Հայաստանի Հանրապետության
Նախագահ Ռ. Քոչարյան
11 մայիսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
27 ապրիլի 2006 թվականի N 568-Ն
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ
«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության պաշտպանության նախարարության ենթակայության «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկը վերակազմավորման ձևով վերակազմակերպել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության:
2. Ընդունել ի գիտություն, որ «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպությունը «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի իրավահաջորդն է` փոխանցման ակտին համապատասխան:
3. «Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի տնօրինության` պետական սեփականություն հանդիսացող 92248.0 դրամ արժողությամբ գույքը` բացառությամբ պետական սեփականություն հանդիսացող հողերի, շենքերի, շինությունների, պատմամշակութային նշանակության և նվազագույն աշխատավարձի 10000-ապատիկը գերազանցող գույքի, սեփականության իրավունքով հանձնել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպությանը:
«Հայաստանի ազգագրության պետական թանգարանի և Սարդարապատի ճակատամարտի հուշահամալիր» պետական հիմնարկի տնօրինության` պետական սեփականություն հանդիսացող 279894.0 դրամ արժողությամբ գույքը` պետական սեփականություն հանդիսացող հողերը, շենքերը, շինությունները, պատմամշակութային նշանակության և նվազագույն աշխատավարձի 10000-ապատիկը գերազանցող գույքն անժամկետ և անհատույց օգտագործման իրավունքով ամրացնել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպությանը` դրանց նպատակային նշանակությանը համապատասխան օգտագործելու պայմանով:
4. Սահմանել, որ «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության գործունեության նպատակն ու առարկան` մշակութային գործունեության իրականացումն է, հայ ժողովրդի ազգագրությունն ու կենցաղը, մշակույթը, Սարդարապատի հերոսամարտը ներկայացնող թանգարանային առարկաների և թանգարանային հավաքածուների հայտնաբերումը, ուսումնասիրումը, հաշվառումը, պահպանումը և հրապարակումը, ինչպես նաև պատմամշակութային անշարժ հուշարձանի` Սարդարապատի հուշահամալիրի ճարտարապետական կոթողների ու զբոսայգու պահպանությունը:
5. Թույլատրել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները`
ա) հետազոտություններ և մշակումներ հասարակական ու հումանիտար գիտությունների բնագավառում.
բ) ցուցահանդեսների կազմակերպում.
գ) հուշարձանի պատկերով հուշանվերների պատրաստում և իրացում.
դ) թանգարանների գործունեություն և պատմական վայրերի ու շենքերի պահպանություն.
ե) հրատարակչական գործ:
6. «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության ֆինանսավորումն իրականացվում է Հայաստանի Հանրապետության օրենսդրությամբ սահմանված կարգով:
7. «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «դ», «ե» և «է» ենթակետերով ու 14-րդ հոդվածով նախատեսված լիազորությունները վերապահել Հայաստանի Հանրապետության պաշտպանության նախարարին:
8. Հայաստանի Հանրապետության պաշտպանության նախարարին՝ սույն որոշումն ուժի մեջ մտնելուց հետո մեկամսյա ժամկետում`
ա) հաստատել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության կանոնադրությունը.
բ) ապահովել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպության պետական գրանցումը.
գ) հաստատել «Սարդարապատի հուշահամալիր, Հայաստանի ազգագրության և ազգային ազատագրական պայքարի պետական թանգարան» պետական ոչ առևտրային կազմակերպությանը սեփականության իրավունքով հանձնվող և ամրացվող գույքի կազմը:
9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ա. Մարգարյան |
|
|