040.0171.11.03.98

«Վավերացնում եմ»
Հայաստանի Հանրապետության
Նախագահի պաշտոնակատար
Ռ. Քոչարյան
11 մարտի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 մարտի 1998 թվականի N 171

քաղ. Երևան

ԱԳՐԱՐԱՅԻՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

«Ագրարային պետական տեսչությունների մասին» Հայաստանի Հանրապետության օրենքի 2 հոդվածին համապատասխան Հայաստանի Հանրապետության կառավարությունը որոշում է`

Հաստատել`

ա) երկրագործության կանոնները (կցվում է).

բ) անասնապահության կանոնները (կցվում է).

գ) գյուղատնտեսական տեխնիկայի շահագործման կանոնները (կցվում է).

դ) Հայաստանի Հանրապետությունում օգտագործման համար թույլատրված բույսերի պաշտպանության քիմիական և կենսաբանական միջոցների անվանացանկը (կցվում է).

(«դ» կետը խմբ. 30.09.00 N 608)

ե) Հայաստանի Հանրապետության համար կարանտինային նշանակություն ունեցող բույսերի վնասատուների, հիվանդությունների և մոլախոտերի անվանացանկը (կցվում է).

զ) կարանտինային անվտանգության ապահովման նպատակով կարանտինային օբյեկտ հանդիսացող բույսերի ու բուսական ծագում ունեցող մթերքի, սերմերի և տնկանյութի անվանացանկը (կցվում է):

Հայաստանի Հանրապետության վարչապետ

Ռ. Քոչարյան

Հաստատված է ՀՀ կառավարության 1998 թվականի մարտի 11-ի N 171 որոշմամբ

ԵՐԿՐԱԳՈՐԾՈՒԹՅԱՆ ԿԱՆՈՆՆԵՐԸ

I. Ընդհանուր դրույթներ

1. Սույն կանոններով սահմանվում են Հայաստանի Հանրապետությունում գյուղատնտեսական գործունեությամբ զբաղվող տնտեսավարող սուբյեկտների և քաղաքացիների կողմից իրականացվող երկրագործության կանոնները:

2. Գյուղատնտեսական գործունեությամբ զբաղվող տնտեսավարող սուբյեկտները և քաղաքացիներն իրենց գործունեության ընթացքում ղեկավարվում են Հայաստանի Հանրապետության օրենսդրությամբ և սույն կանոններով:

II. Հողերի մշակությունը, պարարտանյութերի ու թունանյութերի օգտագործումը, մոլախոտային բուսականության դեմ տարվող պայքարը

3. Գյուղատնտեսական գործունեությամբ զբաղվող տնտեսավարող սուբյեկտները և քաղաքացիները պարտավոր են իրականացնել`

ա) հողի հիմնական, նախացանքային, հետցանքային և միջշարքային մշակության համալիր միջոցառումները.

բ) հողի հողատարումը կանխարգելող համալիր միջոցառումները.

գ) հողի երկրորդային աղակալումը և ճահճացումը կանխարգելող համալիր միջոցառումները.

դ) հողի խորքային ջրերի թույլատրելի մակարդակի պահպանումը, ինչպես նաև մշակաբույսերի ոռոգման ընթացքում գերխոնավության կանխարգելումը.

ե) հողի օգտակար հատկանիշների պահպանման համալիր միջոցառումները.

զ) հողը պարարտանյութերի, թունանյութերի և կենսապատրաստուկների վնասակար մնացորդների աղտոտումից պաշտպանելու միջոցառումները.

է) հողի հիմնական սննդատարրերի (ազոտ, ֆոսֆոր, կալիում) պակասը լրացնող համալիր միջոցառումները.

ը) պարարտացման համալիր միջոցառումների կատարման ընթացքում սանիտարական և ֆիտոսանիտարական անվտանգությունը:

4. Արգելվում է`

ա) համապատասխանության սերտիֆիկատ չունեցող, ինչպես նաև Հայաստանի Հանրապետությունում օգտագործման համար թույլատրված բույսերի պաշտպանության քիմիական և կենսաբանական միջոցների անվանացանկում չընդգրկված, ինչպես նաև ընդգրկված, բայց ժամկետանց թունանյութերի և կենսաբանական միջոցների ներկրումն ու օգտագործումը.

բ) սանիտարական և ֆիտոսանիտարական նորմերին չհամապատասխանող պահեստներում ու շինություններում պարարտանյութերի, թունանյութերի և կենսապատրաստուկների պահպանումը.

գ) պահեստներում պարարտանյութերի, թունանյութերի, կենսապատրաստուկների և սննդամթերքի համատեղ պահպանումը, փոխադրամիջոցներով դրանց միաժամանակյա փոխադրումը.

դ) բուսաբուծական այն մթերքի իրացումը, որը պարունակում է թունանյութերի պարարտանյութերի անթույլատրելի քանակություն:

(4-րդ կետը խմբ. 30.09.00 N 608)

III. Սերմնանյութի և տնկանյութի արտադրությունը, ներմուծումը, իրացումն ու որակի պահպանումը

5. Գյուղատնտեսական գործունեությամբ զբաղվող տնտեսավարող սուբյեկտները և քաղաքացիները պարտավոր են ապահովել`

ա) սերմնանյութի ու տնկանյութի արտադրության համար հողի և տեղանքի ընտրությունը.

բ) մշակաբույսերի փոխանակությունը.

գ) սերմնանյութի ու տնկանյութի սորտայնության (սորտ, հիբրիդ, վերարտադրություն) դասի և որակի վկայականի առկայությունը.

դ) սորտերի շրջանացվածությունը.

ե) սերմնանյութի և տնկանյութի նախացանքային մշակությունը` զտումը, տեսակավորումը, ախտահանումը.

զ) սերմնադաշտերի և տնկարանների գնահատման (ապրոբացիա) հատուկ միջոցառումների իրականացումը.

է) սերմնանյութի ու տնկանյութի ներկրման, փոխադրման, պահպանման, վաճառքի և օգտագործման համալիր միջոցառումների (փաթեթավորում, պիտակավորում, որակի և կարանտինային վկայական) իրականացումը:

6. Արգելվում է անհայտ ծագում ունեցող սերմնանյութի և տնկանյութի օգտագործումը:

IV. Բույսերի տարածված և կարանտինային հիվանդությունների, վնասատուների և մոլախոտերի դեմ տարվող պայքարը

7. Գյուղատնտեսական գործունեությամբ զբաղվող տնտեսավարող սուբյեկտները և քաղաքացիները պարտավոր են ապահովել`

ա) գյուղատնտեսական հողատեսքերի, ցանքերի և տնկարկների առավել վտանգավոր, այդ թվում կարանտինային հիվանդությունների, վնասատուների և մոլախոտերի դեմ պայքարի համալիր միջոցառումների իրականացումը.

բ) հողում և բուսական ծագում ունեցող մթերքում թունանյութերի թույլատրելի մնացորդային առավելագույն քանակը չգերազանցելը.

գ) կարանտինային ծառայության կողմից կարանտինային օբյեկտ հանդիսացող ներկրվող բույսերի, բուսական ծագում ունեցող մթերքի, տնկանյութերի, փոխադրամիջոցների և փաթեթանյութերի զննումն ու փորձազննումը:

8. Արգելվում է`

ա) հանրապետությունում օգտագործման համար անթույլատրելի թունանյութերի և կենսապատրաստուկների օգտագործումը.

բ) մինչև 18 տարեկան, բժշկական քննություն չանցած անձանց և հղի կանանց ներգրավումը թունանյութերի հետ կատարվող աշխատանքներում.

գ) ախտահանված սերմերի` որպես սնունդ, անասնակեր օգտագործումը.

դ) հանրապետության կարանտինային դրություն հայտարարված տարածքներից առանց կարանտինային վկայագրի բույսերի, բուսական ծագում ունեցող մթերքի, սերմերի և տնկանյութի ներմուծումն ու արտահանումը:

Հաստատված է ՀՀ կառավարության 1998 թվականի մարտի 11-ի N 171 որոշմամբ

ԱՆԱՍՆԱՊԱՀՈՒԹՅԱՆ ԿԱՆՈՆՆԵՐԸ

I. Ընդհանուր դրույթներ

1. Սույն կանոններով սահմանվում են Հայաստանի Հանրապետությունում գյուղատնտեսության ոլորտում անասնապահական գործունեությամբ զբաղվող տնտեսավարող սույբեկտների և քաղաքացիների կողմից իրականացվող անասնապահության կանոնները:

2. Անասնապահական գործունեությամբ զբաղվող տնտեսավարող սուբյեկտներն ու քաղաքացիներն իրենց գործունեության ընթացքում ղեկավարվում են Հայաստանի Հանրապետության օրենսդրությամբ և սույն կանոններով:

II. Կենդանիների վարակիչ հիվանդությունների տարածման կանխումն ու վերացումը

3. Տնտեսավարող սուբյեկտները և քաղաքացիները պարտավոր են`

ա) տեղեկացնել համապատասխան անասնաբուժական ծառայությանը նոր կենդանիներ ձեռք բերելու մասին.

բ) օժանդակել կենդանիների (թռչունների, մորթատու գազանների, ձկների ու մեղուների) վարակիչ հիվանդությունների տարածումը կանխարգելող և այդ հիվանդությունները վերացնող միջոցառումների անցկացմանը.

գ) համապատասխան անասնաբուժական ծառայություն ներկայացնել կենդանիներին` զննման, ախտորոշիչ հետազոտման, կանխարգելիչ պատվաստման համար.

դ) անհապաղ տեղյակ պահել համապատասխան անասնաբուժական ծառայությանը կենդանիների հանկարծակի անկումների կամ միաժամանակյա զանգվածային հիվանդության բոլոր դեպքերի մասին.

ե) ժամանակին հավաքել և տեխնիկական օգտահանման կամ ոչնչացման ենթարկել կենդանիների դիակները.

զ) սահմանված ժամկետներում ապահովել անասնաշենքերի, կենդանական ծագում ունեցող մթերքի և հումքի պահպանման ու վերամշակման կառույցների ախտահանման, միջատազերծման և դերատիզացման աշխատանքները:

III. Մարդու և կենդանիների համար ընդհանուր հիվանդություններից բնակչության պաշտպանությունը

4. Անասնապահական գործունեությամբ զբաղվող տնտեսավարող սուբյեկտներին և քաղաքացիներին արգելվում է`

ա) սահմանված կարգով անասնաբուժասանիտարական փորձաքննության չենթարկված մսի, կենդանիների սպանդից գոյացած մսային և այլ մթերքի, կաթի, կաթնամթերքի, ձվի ու անասնապահական այլ մթերքի սննդի նպատակով իրացումը.

բ) անասնապահական թափոններով շրջապատի բնական միջավայրի աղտոտումը.

գ) անթույլատրելի վայրերում անասնապահական մթերքի և հումքի իրացումը:

IV. Անասնապահության և տոհմային գործի վարումը

5. Անասնապահական գործունեությամբ զբաղվող տնտեսավարող սուբյեկտներին և քաղաքացիներին արգելվում է`

ա) կենդանիներին խոշտանգելը, ծեծելը և այլ դաժան վերաբերմունքը.

բ) հանրապետությունում շրջանացված ցեղերից զատ, այլ ցեղերի կենդանիների ներկրումը, բուծումն ու դրանց վաճառքը.

գ) տոհմակայաններում անորակ սերմի (սպերմայի) վաճառքն ու օգտագործումը.

դ) գյուղատնտեսական կենդանիների արհեստական սերմնավորման ծառայությունների մատուցումն այն անձանց կողմից, որոնք չունեն համապատասխան մասնագիտական որակավորում:

V. Անասնապահական մթերքի և հումքի արտադրությունը, փոխադրումը, պահպանությունն ու իրացումը

6. Անասնապահական գործունեությամբ զբաղվող տնտեսավարող սուբյեկտները և քաղաքացիները պարտավոր են`

ա) այլ վայր փոխադրվող կենդանիներին (ներառյալ թռչունները, մորթատու գազանները, ձկները, մեղուները և այլն), կենդանական ծագում ունեցող մթերքը և հումքն ուղեկցելիս ունենալ անասնաբուժական վկայականներ.

բ) շուկաներում իրացվող կենդանիների համար ունենալ համապատասխան անասնաբուժական փաստաթղթեր.

գ) մթերման կետերում, շուկաներում կամ առևտրի այլ կետերում, պահեստավորման կամ վաճառքի համար ստացվող կենդանական ծագում ունեցող մթերքը և հումքը ներկայացնել անասնաբուժասանիտարական փորձաքննության.

դ) բրուցելյոզ և տուբերկուլյոզ հիվանդությունների նկատմամբ դրական հակազդող կենդանիների, ինչպես նաև տուբերկուլյոզի նկատմամբ դրական հակազդող թռչունների սպանդը կատարել մսի վերամշակման ձեռնարկություններում (հատուկ պայմաններում` սալիկապատված շինություններում` սառնարանային խցիկի առկայությամբ, ապահովված ջրով, կոյուղով, ուր աշխատանքից հետո կատարվում է ամենօրյա ընթացիկ ախտահանություն).

ե) շուկաներ (այդ թվում` խանութներ և իրացման թույլատրելի վայրեր) վաճառքի համար բերված կաթը, կաթնամթերքը ներկայացնել պարտադիր անասնաբուժասանիտարական փորձաքննության.

զ) մթերելիս ու առաքելիս կաշվե և մորթեհումքը ներկայացնել պարտադիր լաբորատոր հետազոտման սիբիրախտ հիվանդության ստուգման նպատակով:

7. Արգելվում է`

ա) 14 օրականից փոքր գյուղատնտեսական կենդանիների սպանդը` մսի համար.

բ) հիվանդության մեջ կասկածելի կենդանիների և թռչունների սպանդը` մսի համար.

գ) սիբիրախտի դեմ պատվաստված կամ բուժման ենթարկված կենդանիների սպանդը պատվաստումից հետո 14 օրվա, իսկ դաբաղ հիվանդության դեմ պատվաստված կենդանիների սպանդը 21 օրվա ընթացքում.

դ) հարկադիր մորթված կենդանիների մսեղիքի օգտագործումն առանց անասնաբուժական լաբորատոր հետազոտման այն ենթարկելու.

ե) անասնաբուժասանիտարական փորձաքննության չենթարկված կաթի և կաթնամթերքի իրացումը.

զ) կենդանիների վարակիչ հիվանդությունների նկատմամբ անապահով բնակավայրերից ու տնտեսություններից ստացված կաթի և կաթնամթերքի օգտագործումն ու իրացումը:

VI. Անասնաբուժական դեղամիջոցների, ախտահանիչ նյութերի փոխադրումը, պահպանումը, օգտագործումը

8. Անասնապահության գործունեությամբ զբաղվող տնտեսավարող սուբյեկտներին և քաղաքացիներին արգելվում է օգտագործել և իրացնել դեղաբանական ձեռնարկում (ֆարմակոպեա) չգրանցված դեղամիջոցները, հատուկ կերային լրացակերերը, պատվաստամիջոցները և այլ կենսաբանական պատրաստուկներ կամ նորմատիվ փաստաթղթերի պահանջներին չհամապատասխանող պատրաստուկները:

VII. Կարանտինային հիվանդությունների և այլ երկրներից Հայաստանի Հանրապետության տարածք վարակիչ հիվանդությունների ներթափանցման կանխարգելումը

9. Անասնապահական գործունեությամբ զբաղվող տնտեսավարող սուբյեկտներին և քաղաքացիներին թույլատրվում է կենդանիներ, կենդանական ծագում ունեցող մթերք, հումք և անասնակեր ներմուծել ու արտահանել միայն Հայաստանի Հանրապետության պետական սահմանի անցման կետերում համապատասխան անասնաբուժական փաստաթղթեր ներկայացնելու դեպքում:

10. Ներմուծվող կամ արտահանվող կենդանիների մոտ վարակիչ հիվանդություններ հայտնաբերելիս կատարվում է հիվանդ կենդանիների մեկուսացում, հիվանդության վերացում, տարածքի վարակազերծում:

Հաստատված է ՀՀ կառավարության 1998 թվականի մարտի 11-ի N 171 որոշմամբ

ԳՅՈՒՂԱՏՆՏԵՍԱԿԱՆ ՏԵԽՆԻԿԱՅԻ ՇԱՀԱԳՈՐԾՄԱՆ ԿԱՆՈՆՆԵՐԸ

I. Ընդհանուր դրույթներ

1. Սույն կանոններով սահմանվում են Հայաստանի Հանրապետությունում գյուղատնտեսական գործունեությամբ զբաղվող տնտեսավարող սուբյեկտների և քաղաքացիների կողմից իրականացվող գյուղատնտեսական տեխնիկայի շահագործման կանոնները:

2. Գյուղատնտեսական գործունեությամբ զբաղվող տնտեսավարող սուբյեկտները և քաղաքացիներն իրենց գործունեության ընթացքում ղեկավարվում են Հայաստանի Հանրապետության օրենսդրությամբ և սույն կանոններով:

II. Տրակտորների, ինքնագնաց շասսիների, տրակտորային կցանքների, պետական ու միասնական համարանիշների ապահովումը

3. Հայաստանի Հանրապետությունում պարտադիր պետական գրանցման ենթակա են տնտեսավարող սուբյեկտներին պատկանող, ինչպես նաև քաղաքացիների սեփականություն հանդիսացող արդյունաբերական ձեռնարկություններում պատրաստված կամ ինքնաշեն տրակտորները և այլ մեքենաներ (այսուհետև` գյուղատնտեսական տեխնիկա):

4. Տնտեսավարող բոլոր սուբյեկտները, ինչպես նաև քաղաքացիները պարտավոր են գյուղատնտեսական տեխնիկան ձեռք բերելու օրվանից 5-օրյա ժամկետում սահմանված կարգով այն գրանցել կամ դրա դուրսգրման դեպքում հանել հաշվառումից:

5. Առանց տեխնիկական վկայագրերի և պետհամարանիշների գյուղատնտեսական տեխնիկայի շահագործումն արգելվում է:

III. Գյուղատնտեսական տեխնիկան գրանցելը և հաշվառումից հանելը

8. Գյուղատնտեսական տեխնիկան գրանցելիս տնտեսավարող սուբյեկտները և քաղաքացիները պարտավոր են ներկայացնել`

ա) դիմում (ձևերը կցվում են).

բ) գյուղատնտեսական տեխնիկայի կամ ինքնաշեն մեքենաների ագրեգատների ու հանգույցների ձեռքբերման օրինականությունը հաստատող փաստաթղթեր.

գ) տեխնիկական անձնագիր` տրված արտադրող գործարանի կողմից, կամ դրա կրկնօրինակը:

7. Գյուղատնտեսական տեխնիկան գրանցվում է սեփականատիրոջ կողմից անձնագիր ներկայացվելու դեպքում:

8. Տրված տեխնիկական վկայագիրը ստորագրվում է ագրարային պետական տեսուչի կողմից և վավերացվում գյուղատնտեսական տեխնիկայի պետական տեսչության կնիքով:

9. Գյուղատնտեսական տեխնիկան գրանցվում է սեփականատիրոջ մշտական կամ ժամանակավոր գրանցման վայրում:

10. Նոր գյուղատնտեսական տեխնիկան գրանցվում է առանց տեխզննում անցկացնելու, իսկ շահագործման մեջ եղածները և ինքնաշեն մեքենաները` ագրարային պետական տեսուչի կողմից տեխզննում անցկացվելուց հետո:

11. Գրանցված յուրաքանչյուր գյուղատնտեսական տեխնիկայի համար սեփականատիրոջը տրվում է պետհամարանիշ` ըստ ՀՍՏ-110-95, և համապատասխան տեխնիկական վկայագիր:

12. Գյուղատնտեսական տեխնիկան հաշվառումից հանելը կատարվում է`

ա) սեփականատիրոջ դիմումի հիման վրա.

բ) ձեռնարկության, հիմնարկի, կազմակերպության հաշվեկշռից դուրս գրված մեքենաների վերաբերյալ ակտերի հիման վրա:

IV. Գյուղատնտեսական տեխնիկայի վարման իրավունքի փաստաթղթերը և տեխնիկական զննման կազմակերպումն ու անցկացումը

13. Բոլոր տրակտորները և ինքնագնաց մեքենաները, կախված դրանց տեսակներից, նշանակությունից և ղեկավարման առանձնահատկություններից, դասակարգվում են «ա», «բ», «վ», «գ», «դ» և «ե» կարգերի:

14. Տրակտորիստ-մեքենավարն իրավունք ունի վարելու միայն վարման իրավունքի վկայականում նշված կարգի տրակտորներն ու ինքնագնաց մեքենաները:

15. Անվտանգ շահագործման ու շրջակա միջավայրի էկոլոգիական վիճակի վրա ազդող անսարքությունների հայտնաբերման և կանխման նպատակով տարին մեկ անգամ գյուղատնտեսական տեխնիկայի պետական տեսչության կողմից կազմակերպվում ու անցկացվում է մեքենաների տեխնիկական վիճակի զննում (տեխզննում):

16. Տեխնիկական զննման ենթակա է տնտեսավարող սուբյեկտների և քաղաքացիների սեփականություն հանդիսացող գյուղատնտեսական տեխնիկան:

V. Գյուղատնտեսական տեխնիկայի տեխնիկական վիճակը և շահագործումը

17. Տրակտորիստ-մեքենավարը պարտավոր է իր մոտ ունենալ և ագրարային տեսուչի պահանջով ներկայացնել`

ա) տվյալ կարգի տրանսպորտային միջոցը վարելու իրավունքի վկայական.

բ) տրանսպորտային միջոցի հաշվառման փաստաթղթեր.

գ) ուղեգիր կամ երթուղային թերթ (բացառությամբ ոչ պետական սեփականություն հանդիսացող տրանսպորտային միջոցների).

դ) սահմանված կարգով հաստատված լիազորագիր (տրանսպորտային միջոցի սեփականատիրոջ բացակայության դեպքում):

18. Տրակտորիստ-մեքենավարին արգելվում է`

ա) ոգելից խմիչք կամ թմրադեղ օգտագործած վիճակում վարել տրանսպորտային միջոցը.

բ) տրանսպորտային միջոցի վարումը հանձնել այնպիսի անձանց, որոնք գտնվում են ալկոհոլ կամ թմրանյութեր օգտագործած վիճակում.

գ) տրակտորներով, տրակտորային կցասայլերով և կցանքներով փոխադրել մարդկանց.

դ) գերազանցել տվյալ տրանսպորտային միջոցի, տրակտորի կամ ինքնագնաց մեքենաների տեխնիկական բնութագրով սահմանված առավելագույն արագությունը.

ե) երթուղում արհեստականորեն դժվարացնել մյուս տրանսպորտային միջոցների կանոնավոր երթևեկությունը.

զ) վարորդական խցիկում սահմանված թվից ավելի մարդկանց և բեռներ փոխադրելը:

Ձև 1   ___________________ (մարզի անվանումը)   գյուղատնտեսական տեխնիկայի մարզային պետական տեսուչ պրն_______________               Դ Ի Մ ՈՒ Մ   Խնդրում եմ ____________________________________________ (գործի էությունը) 1. __________________________________________________ 2. __________________________________________________ 3. __________________________________________________ 4. __________________________________________________ Տվյալներ` _____________________________________________ (տրակտոր, կոմբայն, ինքնագնաց, շասսի)   մեքենայի տիպը` _____________ մակնիշը` _____________________ թողարկման տարեթիվը` __________արտադրող գործարանը` ___________ գործարանային համարը` _________շարժիչի համարը` _______________ տեխնիկական վկայագիրը` _________պետհամարանիշը` ______________ Ձևակերպումը վստահվում է կատարելու __________________________                                                                          (անունը, ազգանունը) Անձնագիր_______________  տրված ________________________              (սերիա, N) որի ստորագրությունը` ___________________________հաստատում են`   Ձեռնարկության ղեկավարը __________________________________ (ստորագրությունը) Գլխավոր հաշվապահը _____________________________________ (ստորագրությունը) Պետական տեսուչի գրանցումները Տրված են` պետհամարանիշ __________________________________     (սերիա, N) _____________________Տեխնիկական վկայագիր _______________   «__»___________ 19__թ.                                    ________________ (ստորագրությունը)

Ձև 2   ______________գյուղատնտեսական տեխնիկայի պետական տեսչությանը       (մարզի անվանումը)   Քաղաքացի __________________________________________-ից (անունը, ազգանունը) Ծննդյան թիվը___________________ բնակավայրը_______________ ___________________________________________________  (հասցեն) Անձնագիր ________________տրված ________________________                                 (սերիա, N) ___________________________________________________  Աշխատանքի վայրը` _______________________________________   Դ Ի Մ ՈՒ Մ   Խնդրում եմ ____________________________________________ (խնդրի էությունը) ____________________________________________________ (մեքենայի տիպը, մակնիշը) գործարանային համարը` _______________շարժիչի համարը` __________ պետհամարանիշը` _______________տեխանձնագրի համարը` __________ թողարկման տարեթիվը` _____________________________________   Դիմումին կցվում են հետևյալ փաստաթղթերը. 1. __________________________________________________ 2. __________________________________________________ 3. __________________________________________________   «__»___________ 19__թ.                                    ________________ (ստորագրությունը)   Պետական տեսուչի ծառայողական նշումները, մեքենային տվյալների համապատասխանությունը դիմումում նշվածին.   «__»___________ 19__թ.                          Տեսուչ ________________ (ստորագրությունը)   տրված է համարանիշ ______________________________________ (սերիա, N) տեխնիկական անձնագիր ____________________________________ (սերիա, N)   «__»___________ 19__թ.                          Տեսուչ ________________ (ստորագրությունը)

Հաստատված է ՀՀ կառավարության 1998 թվականի մարտի 11-ի N 171 որոշմամբ

Ա Ն Վ Ա Ն Ա Ց Ա Ն Կ

Հայաստանի Հանրապետությունում օգտագործման համար թույլատրված բույսերի պաշտպանության քիմիական և կենսաբանական միջոցների

Առևտրական անվանումը	Ազդող նյութը	Պատրաստուկային ձևը
1	2	3

Միջատասպան - տզասպան պատրաստուկներ
Ակտարա	տիամետօքսան	250 գ/կգ կխ
Ակտելլիկ (ֆոսֆեցիդ)	պիրիմիֆոսմեթիլ	500 գ/լ էխ
Անոմետրին (րովիկուրտ, վիսմետրին)	պերմետրին	250 գ/լ էխ
Անտիո	ֆորմոտիոն	250 գ/լ էխ
Ապոլլո	կլոֆենտիզին	500 գ/լ կխ
Արրիվո (ցիմբուշ, ցիպերկիլ, րիպկորտ, ցիտկոր, շերպա)	ցիպերմետրին	250 գ/լ էխ
Բազուդին (դիազինոն)	դիազինոն	600 մլ/լ էխ, 100 գ/կգ հ., 600 մլ/լ ջէխ,
Բի - 58 նոր	դիմետոատ	380 գ/լ էխ
Բուլդոկ	բետացիֆլուտրին	25 գ/լ էխ
Վերտիմեկ	աբամեկտին	18 գ/լ էխ
Դանիտոլ	ֆենպրոպատրին	100 գ/լ կխ, էխ
Դեցիս	դելտամետրին	25 գ/լ էխ, կխ
Դիմիլին	դիֆլուբենզուրոն	250 գ/կգ թ.փ.
Դուրսբան	քլորպիրիֆոս	408 գ/լ էխ
Ինսեգար	ֆենօքսիկարբ	250 գ/կգ թ.փ.
Կարատե	լյամբդացիգալոտրին	50 գ/լ էխ
Կարբոֆոս	մալատիոն	500 գ/լ էխ
Կալիպսո	տիակլոպրիդ	480 գ/լ կխ
Կոնֆիդոր	իմիդոկլոպրիդ	200 գ/լ էխ
Լեբայցիդ	ֆենտիոն	500 գ/լ կխ
Մագտոքսին	մագնեզիումի ֆոսֆիդ	660 գ/կգ գ., հաբ.
Մավրիկ 2 F	ֆլյուվալինատ	223 գ/լ կխ
Մետաբրոմ 980	մեթիլ բրոմիդ	980 գ/կգ գազ
Մեթալդեհիդ	մեթալդեհիդ	50 գ/կգ հ.
Միտակ	ամիտրաց	200 գ/լ էխ
Նեորոն	բրոմպրոպիլատ	500 գ/լ էխ
Նիսսորան	գեկսիտիազոկս	100 գ/կգ թ.փ., 50 գ/լ էխ
Նուրելլ-Դ	քլորպիրիֆոս+ +ցիպերմետրին	500+50 գ/լ էխ
Օմայթ	պրոպարգիդ	300 գ/կգ թ.փ., 570 գ/լ էխ
Պեգաս	դիաֆենտիուրոն	250 գ/լ կխ
Պրեպարատ 30	նավթայուղեր	760 գ/կգ հյէ
Պրեստիժ	իմիդակլոպրիդ+ +պենսիսուրոն	290 գ/լ կխ
Ռիպկորդ	ցիպերմետրին	400 գ/լ էխ
Ծծումբ	ծծումբ	800 գ/կգ փ
Սանմայթ	պիրիդաբեն	200 գ/կգ թփ
Սումի-ալֆա	էսֆենվալերատ	50 գ/լ էխ
Սումիտիոն	ֆենիտրոտիոն	500 գ/լ էխ
Սումիցիդին	ֆենվալերատ	200 գ/լ էխ
Տալստար	բիֆենտրին	100 գ/լ էխ
Ֆաստակ	ալֆացիպերմետրին	100 գ/լ էխ
Ֆոզալոն (զոլոն)	ֆոզալոն	350 գ/լ էխ
Ֆյուրի	զետացիպերմետրին	100 գ/լ ջէ
Ֆոստոքսին	ալյումինի ֆոսֆիդ	560 գ/կգ հ
Ֆուֆանոն	մալատիոն	570 գ/լ էխ
Խոստակվիկ	խեպտենոֆոս	500 գ/լ էխ
Ոֆատոքս	պարատիոն մեթիլ	300 գ/կգ փ
Կենսաբանական միջատասպան պատրաստուկներ
Ինսեկտին	Bac.thur, var. insectus	60 մլդ.սպ/գ, ԿԱ-2000 ԱՄ/գ թփ
Ինսեկտին	Bac.thur, var. insectus էկզոտոկսին	30 մլրդ.սպոր/գ, ԿԱ-1000 ԱՄ/գ թփ
Լեպիդոցիդ, խիտ	Bac.thur, var. kurstaki	100 մլրդ.սպոր/գ թփ
Բիտօքսիբացիլին	Bac.thur, var. thuringiensis,	ԿԱ-1500 ԱՄ/գ չփ
Բիտօքսիբացիլին	Bac.thur, var. thuringiensis,	ԿԱ-2000 ԱՄ/գ թփ
	էկզոտոկսին
Բովերին	Beauveria bassiana	շտամ TC 92 2 մլրդ. սպոր/գ հեղուկ
Վերտիցիլին	Verticillium lecanii	շտամ PY 4/1 2 մլրդ. սպոր/գ հեղուկ
Նեմատոդասպան պատրաստուկներ
Վիդատ	օկսամիլ	100 գ/կգ հ
Սնկասպան պատրաստուկներ
Ակրոբատ ՄՑ	դիմետոմորֆ+մանկոցեբ	690 գ/կգ թփ
Ալտո	ցիպրոկոնազոլ	400 գ/լ կխ
Արցերիդ	մետալակսիլ+ +պոլիկարբացին	/70+530 գ/կգ/ թփ
Անտրակոլ	պրոպինեբ	700 գ/կգ/ թփ
Ատեմի հ	ծծումբ+ցիպրոկոնազոլ	/800+8գ/կգ/ ջլհ
Բայլետոն	տրիադիմեֆոն	250 գ/կգ թփ
Ֆունդազոլ (բենլատ, բենոմիլ)	բենոմիլ	500 գ/կգ թփ
Վեկտրա	բրոմուկոնազոլ	100 գ/լ կխ
Դիտան Մ-45	մանկոցեբ	800 գ/կգ թփ
Պղնձարջասպ	պղնձի սուլֆատ	980 գ/կգ լփ
Պղնձի քլորօքսիդ	պղնձի քլորօքսիդ	900 գ/կգ թփ
Կուպկրօկսատ	պղնձի եռհիմնային սուլֆատ	345 գ/կգ կխ
Միկալ պլյումինի	ֆոսէթիլ+ +ֆոլպետ	/500+250 գ/կգ/ թփ
Մոնսերեն	պենսիոուրոն+կապտան	125+500 գ/կգ/ փ
Մելոդի դու	իմպրովալիկարբ+ +պրոպինեբ	670 գ/կգ թփ
Մելոդի կոմպակտ	իմպրովալիկարբ+ֆոլպետ	435 գ/կգ թփ
Մելոդի կա	իմպրովալիկարբ+պղինձ	392 գ/կգ թփ
Օքսիխոմ	պղնձի քլորօքսիդ+ +օքսադիկսիլ	700+100 գ/կգ թփ
Պոլիխոմ	պղնձի քլորօքսիդ+ +պոլիկարդին	(200+600 գ/կգ) թփ
Ռիդոմիլ գոլդ ՄՑ-68	մետալակսիլ+մանկոցեբ	80+640 գ/կգ թփ
Իմպակտ	ֆլուտրիաֆոլ	125 գ/լ կխ
Ծծումբ կոլոիդ	ծծումբ Սկոր դիֆենոկոնազոլ	250 գ/լ էխ
Տիլտ	պրոպիկոնազոլ	250 գ/լ էխ
Տիլտ	պրեմիում պրոպիկոնազոլ	375 գ/կգ թփ
Տոպազ	պենկոնազոլ	100 գ/լ էխ
Տուբարիդ	պղնձի քլորօքսիդ+ +մետալակսիլ	500+100 գ/կգ թփ
Ֆոլիկուր	տեբուկոնազոլ	250 գ/լ էխ
Խորուս	ցիպրոդինիլ	750 գ/կգ ջդհ
Էուպարեն Մ	տոլիֆլուանիդ	500 գ/կգ թփ
Հորիզոն	տեբուկոնազոլ	250 գ/լ կխ
Սնկասպան ախտահանիչներ
Վիտավաքս 200	կարբօքսին+տիրամ	375+375 գ/կգ թփ
Վիտավաքս 200	ֆֆ կարբօքսին+տիրամ	170+170 գ/լ ջկխ
Վիտատիուրամ	կարբօքսին+տիրամ	500+300 գ/կգ թփ
Դիվիդենդ	դիֆենոկոնազոլ	30 գ/լ կխ
Ռաքսիլ	տեբուկոնազոլ	60 գ/լ էխ
ՏՄՏԴ	տիրամ	800 գ/կգ թփ
Ֆենորամ	կարբօքսին+տիրամ	470+230 գ/կգ թփ
Ֆենորամ սուպեր	կարբօքսին+տիրամ	470+230 գ/կգ թփ
Մոլախոտասպան պատրաստուկներ
2.4-Դ ամինային աղ	դիմեթիլ ամինային աղ	688 գ/լ ջլ
2.4-Դ 500 ամինային աղ	դիմեթիլ ամինային աղ	500 գ/լ ջլ
Ալիրօքս	ԷՊՏՑ+անտիդոտ	720 գ/լ էխ
Բանվել	դիկամբա /դիմեթիլ ամինային աղ/	480 գ/լ ջլ
Բազագրան	բենտազոն	480 գ/լ ջլ
Բազագրան Մ	բենտազոն+ՄՑՊԱ /դիմեթիլ ամինային աղ/	250+125 գ/լ ջլ
Բաստա	ամոնիումի գլյուֆոսինատ	200 գ/լ ջլ
Բետանալ ԱՄ	դեսմիդիֆամ	175 գ/լ էխ
Բյուկտրիլ Դ	բրոմօքսինիլ+2,4 Դ	225+225 գ/լ էխ
Գեզագարդ-50	պրոմետրին	500 գ/կգ թփ
Գլիսոլ	գլիֆոսատ /իզոպրոպիլամինային աղ/	360 գ/լ ջլ
Գրանստար	տրիբենուրոն մեթիլ	750 գ/կգ չհկ
Դեզորմոն	2.4-Դ/դիմեթիլ ամինային աղ	600 գ/լ ջլ
Դիալեն	2.4 Դ+դիկամբա	342 գ/լ+34.2 գ/լ ջլ
Բուտիզան Ս	մետազաքլոր	500 գ/լ կխ
Կլինի	գլիֆոսատ	360 գ/լ ջլ
Զելեկ-սուպեր	գալօքսիֆոպ-Ր- -էտոքսիմեթիլ /եթեր/	104 գ/լ էխ
Զենկոր	մետրիբուզին	700 գ/կգ թփ
Իգրան	տերբուտրին	500 գ/կգ թփ
Կվարց-սուպեր	իզոպրոտուրոն+ +դիֆլյուֆենիկան	500+50 գ/լ ջսխ
Լենտագրան	պիրիդատ	600 գ/լ էխ
Լոնտրել-300	կլոպիրալիդ	300 գ/լ ջլ
Պարդներ	բրոմօքսինիլ /եթերի օքտանոատ/	225 գ/լ էխ
Պիրամին	քլորիդազոն	650 գ/կգ թփ
Պրիմէքստրա	մեթոլաքլոր+ +ատրազին	330+170 գ/լ կխ
Պումա-սուպեր 100	ֆենօքսապրոպ+Պ-էթիլ+ +անտիդոտ	100+27 գ/լ էխ
Ռաունդապ	գլիֆոսատ /իզոպրոպիլ ամինային աղ/	360 գ/լ ջլ
Ռեգլոն	դիկվատ	150 գ/լ ջլ
Ռոնիտ 6-ե	ցիկլոատ	720 գ/լ էխ
Սեմերոն	դեսմետրին	250 գ/կգ թփ
Ստարանե	ֆլուրոկսիպիր	200 գ/լ էխ
Ստոմպ	պենդիմեթալին	330 գ/լ էխ
Տարգա-սուպեր	խիզալոֆոպ-P-էթիլ	54,6 գ/լ էխ
Տոպիկ	կլոդինաֆոպ- պրոպարգիլ+անտիդոտ	80+20 գ/լ էխ
Տոպոգարդ	տերբուտրին+ +տերբուտիլազին	350+150 գ/կգ թփ
Տոտրիլ	իօքսինիլ /եթերի օքտանոատ/	225 գ/լ էխ
Տրեֆլան	տրիֆլուրալին	240 գ/լ էխ
Ֆենագոն	2.4 դիքլոր բուտիլային էսթեր	420 գ/լ էխ
Ֆյուզիլադսուպեր	ֆենոկսապրորբուտիլ	125 գ/լ էխ
Հարնես	ացետոքլոր	900 գ/լ էխ
Էրադիկան 6 ե	ԷՊՏՑ+անտիդոտ	720 գ/լ էխ
Մկնասպան պատրաստուկներ
Գլիֆտոր	1-3 դիֆտոր պրոպանոլ-2	720 մլ/լ տ
Կլերատ	բրոդիֆակում	0.05 գ/կգ հ
Շտորմ Բ	ֆլոկումաֆեն	0.05 գ/կգ ր
Ցինկի ֆոսֆիդ	Ցինկի ֆոսֆիդ	20% տ.փ.
Բակտորոդենցիդ	Salmonella հատիկային enteritidis, var., Tssatchenko, <Դ>խումբ	տիտր 1 միլ/գ
Ծանոթություն
էխ - էմուլսիոն խտություն	փ.- փոշի	ջկխ - ջրակախութային խտություն
կխ - կախույթային խտություն	ջ.լ.հ.- ջրում լուծվող	ջ.լ.խ.- ջրում լուծվող խտություն
հ - հատիկավորված	հատիկավորված լ.փ. - լուծվող փոշի	հ.լ.է. -հատիկավորված լուծվող էմուլսիա
թ.փ. - թրջվող փոշի	ջ.դ.հ. - ջրադիսպերսիոն հատիկավորված	կա -կենսաբանական ակտիվություն
չ.փ. - չոր փոշի	ջ.լ. - ջրային լուծույթ	ԱՄ -ակտիվության միավոր
տ - տեխնիկական	չհկ - չոր հոսուն կախույթ

(Անվանացանկը խմբ. 30.09.00 N 608)