«Վավերացնում եմ»
Հայաստանի Հանրապետության
Նախագահ Ռ. Քոչարյան
 20 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 ապրիլի 2006 թվականի N 616-Ն

ՍՆՆԴԱՄԹԵՐՔԻ ՀԱՄԱՐ ՊԱՐՏԱԴԻՐ ՀԱՅԵՐԵՆ ՄԱԿՆՇՄԱՆ ՊԱՀԱՆՋԻ ԿԻՐԱՌՄԱՆ  ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2006 թվականի ապրիլի 20-ի N 521-Ն որոշմամբ հաստատված միջոցառումների կատարումն ապահովելու նպատակով Հայաստանի Հանրապետության կառավարությունը որոշում է.

1. Սահմանել, որ Հայաստանի Հանրապետություն ներմուծվող (բացառությամբ Հայաստանի Հանրապետության կառավարության 2001 թվականի մարտի 29-ի N 251 որոշմամբ սահմանված` ֆիզիկական անձանց կողմից Հայաստանի Հանրապետության մաքսային սահմանով տեղափոխվող սննդամթերքի բնաիրային չափերի)`

ա) սույն որոշման հավելվածում ընդգրկված սննդամթերքը ենթակա է պարտադիր հայերեն մակնշման` 2007 թվականի հունվարի 1-ից.

բ) սույն որոշման հավելվածում չընդգրկված սննդամթերքը ենթակա է պարտադիր հայերեն մակնշման` 2007 թվականի հուլիսի 1-ից:

2. Սույն որոշումն ուժի մեջ է մտնում 2007 թվականի հունվարի 1-ից:

Հայաստանի Հանրապետության վարչապետ	Ա. Մարգարյան
2006 թ. մայիսի 18 Երևան

Հավելված ՀՀ կառավարության 2006 թվականի ապրիլի 20-ի N 616-Ն որոշման

Ց Ա Ն Կ

2007 ԹՎԱԿԱՆԻ ՀՈՒՆՎԱՐԻ 1-ԻՑ ՊԱՐՏԱԴԻՐ ՀԱՅԵՐԵՆ ՄԱԿՆՇՄԱՆ ԵՆԹԱԿԱ ՍՆՆԴԱՄԹԵՐՔԻ

ԱՏԳ ԱԱ-ի ծածկագիրը	Ապրանքի անվանումը
1	2
0207	ընտանի թռչնի միս և մսամթերք
040110100	կաթ և սերուցք` չխտացրած, և առանց շաքարի և այլ քաղցրացնող նյութերի, ոչ ավելի, քան մեկ տոկոս յուղայնությամբ, ոչ ավելի, քան 2 լիտր նետտո ծավալի փաթեթներով
040120110	կաթ և սերուցք` չխտացրած, և առանց շաքարի և այլ քաղցրացնող նյութերի, ավելի, քան մեկ տոկոս, բայց 3 տոկոսից ոչ ավելի յուղայնությամբ,  ոչ ավելի, քան 2 լիտր նետտո ծավալի փաթեթներով
040120910	կաթ և սերուցք` չխտացրած, և առանց շաքարի և այլ քաղցրացնող նյութերի, ավելի, քան 3 տոկոս, բայց 6 տոկոսից ոչ ավելի յուղայնությամբ, ոչ ավելի, քան 2 լիտր նետտո ծավալի փաթեթներով
040130110	կաթ և սերուցք` չխտացրած, և առանց շաքարի և այլ քաղցրացնող նյութերի, ավելի, քան 6 տոկոս, բայց ոչ ավելի, քան 21 տոկոս յուղայնությամբ, ոչ ավելի, քան 2 լիտր նետտո ծավալի փաթեթներով
040130310	կաթ և սերուցք` չխտացրած, և առանց շաքարի և այլ քաղցրացնող նյութերի, ավելի, քան 21 տոկոս, բայց ոչ ավելի, քան 45 տոկոս յուղայնությամբ, ոչ ավելի, քան 2 լիտր նետտո ծավալի փաթեթներով
040130910	կաթ և սերուցք` չխտացրած, և առանց շաքարի և այլ քաղցրացնող նյութերի, 45 տոկոսից բարձր յուղայնությամբ, ոչ ավելի, քան 2 լիտր նետտո ծավալի փաթեթներով
0402	խտացրած կաթ, կաթի փոշի
0403	սերուցք, մածուն, թթվասեր, թան
0405	կարագ և այլ կաթնային յուղեր
0406	պանիր
0407	թռչնի ձու` կճեպով
0408	ձվի փոշի
090111	սուրճ` չբոված
090121	սուրճ` բոված
0902	թեյ` փաթեթավորված
1507-1515	բուսական յուղեր
1601	երշիկեղեն
1602	մսից պատրաստված կամ պահածոյացված սննդամթերք
1604	ձկից պատրաստված պահածո, ձկան խավիար և փոխարինողներ
1605	կակղամորթներից և անողնաշարավորներից պատրաստված սննդամթերք
1701	շաքար, շաքարավազ
1704	հրուշակեղեն (կոնֆետ, սպիտակ շոկոլադ), ծամոն
1803	կակաո` մածուկ, յուղազերծած և չյուղազերծած
1805	կակաո` փոշի առանց քաղցրացնող նյութերի հավելումների
1806	շոկոլադ (կակաո պարունակող)
190110000	ալյուրից, ձավարեղենից, օսլայից պատրաստված և մանկական կերակուր` մանրածախ առևտրի համար փաթեթավորված
19021	մակարոն
1905	հաց, խմորեղեն, հրուշակեղեն, թխվածք, վաֆլի և այլ հացաբուլկեղեն
200510001	բանջարեղենի պահածո (չսառեցրած, առանց քացախի)` մանկական սննդի համար
200710101	ջեմ, մրգախյուս, մարմելադ պատրաստի` մանկական սննդի համար
200710911	ջեմ, մրգախյուս, մարմելադ պատրաստի` տրոպիկական պտուղներից` մանկական սննդի համար
200710991	ջեմ, մրգախյուս, մարմելադ պատրաստի` այլ պտուղներից` մանկական սննդի համար
2009	մրգահյութեր և բանջարեղենի հյութեր (բացի կոնցենտրատներից)
210111	սուրճ` լուծվող
210112980	լուծվող սուրճի խառնուրդ` սերուցքով և շաքարով
2102	խմորիչներ, թթխմոր
21032000	կետչուպ
210390000	մայոնեզ
210410100	չոր ապուրներ և արգանակներ
2105	պաղպաղակ
2106	կիսել
22	հանքային ջուր և ըմպելիք

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան