«Վավերացնում եմ» Հայաստանի Հանրապետության Նախագահ Ռ. Քոչարյան 13 մարտի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 մարտի 2006 թվականի N 254-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՄԱՅԻՍԻ 15-Ի N 698-Ն ԵՎ 2003 ԹՎԱԿԱՆԻ ՕԳՈՍՏՈՍԻ 21-Ի N 1116-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2003 թվականի մայիսի 15-ի «Երևանի Կենտրոն թաղային համայնքի վարչական սահմաններում գտնվող` պետական սեփականություն հանդիսացող զբոսայգիների, պուրակների ու այգիների տարածքները «Կենտրոն-կանաչապատում» փակ բաժնետիրական ընկերությանը վարձակալության իրավունքով տրամադրելու մասին» N 698-Ն որոշման մեջ կատարել հետևյալ փոփոխությունները`

ա) որոշման վերնագրում «վարձակալության» բառը փոխարինել «կառուցապատման» բառով.

բ) որոշման նախաբանում «76-րդ հոդվածի 5-րդ մասին» բառերը փոխարինել
«48¹-րդ հոդվածին» բառերով.

գ) որոշման 1-ին կետում «վարձակալության» բառը փոխարինել «կառուցապատման» բառով.

դ) որոշման 2-րդ և 4-րդ կետերն ուժը կորցրած ճանաչել.

ե) որոշման 3-րդ կետը շարադրել հետևյալ խմբագրությամբ.

«3. Սահմանել, որ մինչև սույն որոշումն ուժի մեջ մտնելը Երևանի Կենտրոն թաղային համայնքի վարչական սահմաններում գտնվող` պետական սեփականություն հանդիսացող և սահմանված կարգով այլ անձանց` օգտագործման իրավունքով հատկացված զբոսայգիների, պուրակների ու այգիների հողամասերի վարձակալության պայմանագրերը պահպանում են իրենց իրավական ուժը մինչև պայմանագրերում նշված ժամկետների ավարտը»:

2. Հայաստանի Հանրապետության կառավարության 2003 թվականի օգոստոսի 21-ի «Երևանի քաղաքապետարանին գույք հանձնելու մասին» N 1116-Ն որոշման մեջ կատարել հետևյալ փոփոխությունները`

ա) որոշման 3-րդ կետում «անհատույց օգտագործման» բառերը փոխարինել «կառուցապատման» բառով.

բ) որոշման 4-րդ կետն ուժը կորցրած ճանաչել:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2006 թ. մարտի 11 Երևան