«Գրանցված» է
ՀՀ արդարադատության
նախարարության կողմից
15 դեկտեմբերի 2004 թ.
Պետական գրանցման թիվ 05004335

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

9 նոյեմբերի 2004 թ.

N 278-Ն

Ո Ր Ո Շ ՈՒ Մ

Հաստատված է Հայաստանի Հանրապետության  կենտրոնական բանկի խորհրդի  2004 թ. նոյեմբերի 9-ի թիվ 278-Ն որոշմամբ	Հաստատված է Հայաստանի Հանրապետության ֆինանսների և էկոնոմիկայի նախարարի 2004 թ. դեկտեմբերի 2-ի թիվ 1088-Ա հրամանով
Հայաստանի Հանրապետության կենտրոնական բանկի նախագահ` _________ Տ. Սարգսյան  12 նոյեմբերի 2004 թ.

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՇՎԱՊԱՀԱԿԱՆ ՀԱՇՎԱՌՄԱՆ ԹԻՎ 37 ԵՎ 39 ՍՏԱՆԴԱՐՏՆԵՐԸ ԲԱՆԿԵՐԻ ԵՎ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՀԱՄԱՐ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հաշվապահական հաշվառման մասին» Հայաստանի Հանրապետության օրենքի 4-րդ հոդվածը, «Բանկերի և բանկային գործունեության մասին» Հայաստանի Հանրապետության օրենքի 56-րդ հոդվածը, «Վարկային կազմակերպությունների մասին» Հայաստանի Հանրապետության օրենքի 15-րդ հոդվածը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետի դրույթով` Հայաստանի Հանրապետության կենտրոնական բանկի խորհուրդը որոշում է.

1. Բանկերի և վարկային կազմակերպությունների համար հաստատել Հայաստանի Հանրապետության ֆինանսների և էկոնոմիկայի նախարարության 2000 թվականի հունիսի 20-ի թիվ 116 և 2000 թվականի նոյեմբերի 17-ի թիվ 276 հրամաններով հաստատված Հայաստանի Հանրապետության հաշվապահական հաշվառման ներքոհիշյալ ստանդարտները.

1.1. ՀՀՀՀՍ 37 «Պահուստներ, պայմանական պարտավորություններ և պայմանական ակտիվներ»,

1.2. ՀՀՀՀՍ 39 «Ֆինանսական գործիքներ. ճանաչումը և չափումը»:

2. Սահմանել, որ Հայաստանի Հանրապետության տարածքում գործող բանկերը և վարկային կազմակերպությունները կիրառելու են սույն որոշման 1-ին կետով հաստատված ստանդարտները սույն որոշման ուժի մեջ մտնելու պահից:

3. Սույն որոշումն ուժի մեջ է մտնում 2005 թվականի ապրիլի 1-ից:

ՀՀ կենտրոնական բանկի նախագահ	Տ. Սարգսյան
2004 թ. նոյեմբերի 12 ք. Երևան