«Գրանցված է»
ՀՀ արդարադատության
նախարարության կողմից
25 փետրվարի 2005 թ.
Պետական գրանցման թիվ 05005115

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

21 հունվարի 2005 թ.

N 32-Ն

                                   

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2002 ԹՎԱԿԱՆԻ ԴԵԿՏԵՄԲԵՐԻ 17-Ի ԹԻՎ 436-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, «Արժութային կարգավորման և արժութային վերահսկողության մասին» Հայաստանի Հանրապետության օրենքի 10-րդ և «Իրավական ակտերի մասին» Հայաստանի Հանրապետության օրենքի 16-րդ հոդվածները՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2002 թվականի դեկտեմբերի 17-ի ««Արտարժույթի առք ու վաճառքի գործառնությունների լիցենզավորումը և կարգավորումը» կանոնակարգ 10-ը հաստատելու մասին» թիվ 436-Ն որոշմամբ հաստատված ««Արտարժույթի առք ու վաճառքի գործառնությունների լիցենզավորումը և կարգավորումը» կանոնակարգ 10-ում» (այսուհետ՝ Կանոնակարգ 10) կատարել հետևյալ լրացումները.

1.1. Կանոնակարգ 10-ի 3-րդ գլխի 13.1-րդ կետը լրացնել նոր նախադասությամբ հետևյալ բովանդակությամբ. «Ընդ որում, լիցենզավորվող անձանց գործունեության տարածքի հեռավորությունը ցանկացած ուղղությամբ արտարժույթի առք ու վաճառք իրականացնելու թույլտվություն ունեցող այլ անձանց, այդ թվում՝ բանկերի, վարկային կազմակերպությունների և նրանց մասնաճյուղերի տարածքից պետք է լինի առնվազն 50 մետր:»:

1.2. Կանոնակարգ 10-ի 3-րդ գլխի 13.2-րդ կետի երկրորդ պարբերությունը «մետր» բառից հետո լրացնել «, ինչպես նաև օդանավակայանների, երկու կամ ավելի հարկ ունեցող առևտրի կենտրոնների տարածքում» բառերով:

2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:

ՀՀ կենտրոնական բանկի նախագահ	Տ. Սարգսյան
2005 թ. հունվարի 26 Երևան