ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ

Ո Ր Ո Շ ՈՒ Մ Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ԵՐՐՈՐԴ ԳՈՒՄԱՐՄԱՆ ՎԵՑԵՐՈՐԴ ՆՍՏԱՇՐՋԱՆԻ ՕՐԱԿԱՐԳՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության Ազգային ժողովը որոշում է.

1. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի երկրորդ մասի «ա» ենթակետի համաձայն՝ Հայաստանի Հանրապետության Ազգային ժողովի երրորդ գումարման վեցերորդ նստաշրջանի օրակարգում լրացուցիչ ընդգրկել հետևյալ հարցերը, որոնց վերաբերյալ համապատասխան գլխադասային մշտական հանձնաժողովները ներկայացրել են դրական եզրակացություն.

Հարցի անվանումը	Ներկայացնողը	Գլխադասային հանձնաժողովը
1. ՀՀ մաքսային օրենսգրքում լրացում կատարելու մասին	Կառավարություն 13.09.2005	Ֆինանսավարկային, բյուջետային և տնտեսական հարցերի մշտական հանձնաժողով
2. «Ջրօգտագործողների ընկերությունների և ջրօգտագործողների ընկերությունների միությունների մասին» ՀՀ օրենքում փոփոխություն կատարելու մասին	Կառավարություն 14.09.2005	Ֆինանսավարկային, բյուջետային և տնտեսական հարցերի մշտական հանձնաժողով
3. ՀՀ քաղաքացիական օրենսգրքում լրացումներ և փոփոխություններ կատարելու մասին	ԱԺ պատգամավոր Գ. Մելիքյան 15.09.2005	Պետական-իրավական հարցերի, Ֆինանսավարկային, բյուջետային և տնտեսական հարցերի մշտական հանձնաժողովներ
4. ՀՀ հանրային ծառայությունները կարգավորող հանձնաժողովի 2006 թ. գործունեության ծրագրի մասին	ՀՀ հանրային ծառայությունները կարգավորող հանձնաժողով 26.09.2005	Ֆինանսավարկային, բյուջետային և տնտեսական հարցերի մշտական հանձնաժողով
5. ՀՀ տնտեսական մրցակցության պաշտպանության պետական հանձնաժողովի 2006 թ. տարեկան գործունեության ծրագրի մասին	ՀՀ տնտեսական մրցակցության պաշտպանության պետական հանձնաժողով 29.09.2005	Ֆինանսավարկային, բյուջետային և տնտեսական հարցերի մշտական հանձնաժողով
6. ա) Բազմազավակ մայրերի պետական խրախուսման մասին բ) «ՀՀ պետական պարգևների մասին» ՀՀ օրենքում փոփոխություն և լրացումներ կատարելու մասին գ) «ՀՀ պատվավոր կոչումների մասին» ՀՀ օրենքում փոփոխություն և լրացումներ կատարելու մասին	ԱԺ պատգամավորներ Ս. Բալասանյան Լ. Մկրտչյան Գ. Սահակյան 30.09.2005	Սոցիալական, առողջապահության և բնության պահպանության հարցերի մշտական հանձնաժողով

2. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի երկրորդ մասի «բ» ենթակետի համաձայն՝ Հայաստանի Հանրապետության Ազգային ժողովի երրորդ գումարման վեցերորդ նստաշրջանի օրակարգում լրացուցիչ ընդգրկել հետևյալ հարցերը, որոնց վերաբերյալ համապատասխան գլխադասային մշտական հանձնաժողովները չեն ներկայացրել դրական եզրակացություն.
 

Հարցի անվանումը

Ներկայացնողը

Գլխադասային հանձնաժողովը

3. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի երկրորդ մասի «գ» ենթակետի համաձայն՝ Հայաստանի Հանրապետության Ազգային ժողովի երրորդ գումարման վեցերորդ նստաշրջանի օրակարգում լրացուցիչ ընդգրկել պարտադիր և ըստ անհրաժեշտության քննարկվող հետևյալ հարցերը.

Հարցի անվանումը	Ներկայացնողը	Գլխադասային հանձնաժողովը
1. ա) «Կազմակերպությունների և անհատ ձեռնարկատերերի կողմից ներմուծվող` մաքսատուրքի 0 տոկոս դրույքաչափ ունեցող և ակցիզային հարկով հարկման ոչ ենթակա այն ապրանքների ցանկը հաստատելու մասին, որոնցից ավելացված արժեքի հարկը մաքսային մարմինների կողմից չի հաշվարկվում և գանձվում» ՀՀ օրենքում փոփոխություններ կատարելու մասին բ) «Ավելացված արժեքի հարկի մասին» ՀՀ օրենքում լրացումներ կատարելու մասին	Կառավարություն 21.07.2005	Ֆինանսավարկային, բյուջետային և տնտեսական հարցերի մշտական հանձնաժողով
2. ա) «Հարկերի մասին» ՀՀ օրենքում լրացումներ և փոփոխություն կատարելու մասին բ) «Հայաստանի Հանրապետությունում ստուգումների կազմակերպման և անցկացման մասին» ՀՀ օրենքում լրացումներ կատարելու մասին գ) «Ավելացված արժեքի հարկի մասին» ՀՀ օրենքում փոփոխություն կատարելու մասին դ) ՀՀ քրեական օրենսգրքում փոփոխություն կատարելու մասին	Կառավարություն 12.09.2005	Ֆինանսավարկային, բյուջետային և տնտեսական հարցերի մշտական հանձնաժողով

Հայաստանի Հանրապետության Ազգային ժողովի նախագահ	Ա. Բաղդասարյան
14 նոյեմբերի 2005 թվականի, քաղ. Երևան Ն-226-3