ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅՈՒՆ

Ո Ր Ո Շ ՈՒ Մ

15 փետրվարի 1995 թվականի թիվ 24

Հայաստանի Հանրապետության տարածքում գործող բանկերի ԵՎ այլ ֆինանսավարկային կազմակերպությունների կողմից Հայաստանի Հանրապետության կենտրոնական բանկ ներկայացվող հաշվետվությունների ձԵՎերի ԵՎ դրանց ներկայացման ժամկետների մասին

Ի կատարումն «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 3 և 40 հոդվածների ու «Բանկերի և բանկային գործունեության մասին» Հայաստանի Հանրապետության օրենքի 28 հոդվածի պահանջների, բանկերի և այլ ֆինանսավարկային կազմակերպությունների գործունեության լիարժեք հսկողությունը, հաշվետվություններում դրանց գործունեության վերաբերյալ տեղեկատվության ամբողջականությունը ապահովելու նպատակով Հայաստանի Հանրապետության կենտրոնական բանկի վարչությունը որոշում է.

1. Հաստատել Հայաստանի Հանրապետության տարածքում գործող բանկերի և այլ ֆինանսավարկային կազմակերպությունների կողմից Հայաստանի Հանրապետության կենտրոնական բանկ ներկայացվող հաշվետվությունների ձևերը և դրանց ներկայացման ժամկետները (հավելվածներ 1, 2, 3):

2. Սահմանել, որ Հայաստանի Հանրապետության կենտրոնական բանկի կողմից բանկային գործառնություն իրականացնելու համար արտոնագիր ստացած այլ կազմակերպությունների կողմից ներկայացվող հաշվետվությունների ձևերը և ներկայացման ժամկետները հաստատում է Հայաստանի Հանրապետության կենտրոնական բանկի նախագահը:

3. Սահմանել, որ սույն որոշմամբ հաստատված հաշվետվությունների ձևերից բացի, բանկերի գործունեության վերահսկողության, թեմատիկ ուսումնասիրությունների կատարման, բանկային վիճակագրության կազմակերպման նպատակով Հայաստանի Հանրապետության կենտրոնական բանկի նախագահի որոշմամբ կարող են պահանջվել նաև լրացուցիչ տեղեկություններ:

4. Հայաստանի Հանրապետության կենտրոնական բանկի դրամաշրջանառության կարգավորման վարչությանը` մեկշաբաթյա ժամկետում մշակել և Հայաստանի Հանրապետության ֆինանսների նախարարության հետ համաձայնեցնել Հայաստանի Հանրապետության պետական բյուջեի դրամարկղային սպասարկման և կանխիկ դրամաշրջանառության կանխատեսման համար անհրաժեշտ հաշվետվությունների ձևերը և ներկայացնել Հայաստանի Հանրապետության կենտրոնական բանկի վարչության հաստատմանը:

5. Սույն որոշման ընդունման պահից ուժը կորցրած ճանաչել Հայաստանի Հանրապետության կենտրոնական բանկի վարչության 1994 թվականի սեպտեմբերի 5-ի թիվ 74 որոշման 4-րդ կետը:

քաղ.Երևան 24

Հավելված N 1

Հայաստանի Հանրապետության տարածքում գործող բանկերի կողմից Հայաստանի Հանրապետության կենտրոնական բանկ ներկայացվող հաշվետվության ձԵՎերը.

1 Հաշվեկշիռ (ամսական)	ձև N 1
2 Հաշվապահական հաշվառման հավաքական (կոնսոլիդացված) հաշվեկշիռ (եռամսյակային)	ձև N 2
3 Հաշվետվություն բանկի շահույթի (վնասի) մասին (եռամսյակային)	ձև N 3
4 Հաշվետվություն շահույթի բաշխման վերաբերյալ (եռամսյակային)	ձև N 4
5 Հաշվետվություն բանկի ֆոնդերի շարժի վերաբերյալ (տարեկան)	ձև N 5
6 Հաշվետվություն վարկային ներդրումների վերաբերյալ (եռամսյակային)	ձև N 7
7 Տեղեկանք խոշոր վարկերի մասին (եռամսյակային)	ձև N 7/1
8 Հաշվետվություն արտարժույթի տնօրինման նորմատիվների վերաբերյալ (շաբաթական)	ձև N 8
9 Հաշվետվություն տնտեսական նորմատիվների վերաբերյալ (ամսական)	ձև N 9
10 Հաշվետվություն կանոնադրական կապիտալի ձևավորման մասին (ամսական)	ձև N 10
11 Հաշվետվություն հիմնական միջոցների շարժի վերաբերյալ (տարեկան)	ձև N 11
12 Հաշվետվություն կապիտալ ներդրումների վերաբերյալ (տարեկան)	ձև N 12
13 Հաշվետվություն ՀՀ կենտրոնական բանկում տեղաբաշխվող պարտադիր պահուստավորման  վերաբերյալ (դրամով, ամսական)	ձև N 13
14 Հաշվետվություն ՀՀ կենտրոնական բանկում տեղաբաշխվող պարտադիր պահուստավորման վերաբերյալ արտարժույթով, (շաբաթական)	ձև N 13/1
15 Հաշվետվություն արտարժույթի փոխանակման կետերի գործունեության վերաբերյալ (տասնօրյա)	ձև N 20
16 Հաշվետվություն հաճախորդների արտարժույթի առք ու վաճառքի գործառնությունների վերաբերյալ (շաբաթական)	ձև N 21
17 Հաշվետվություն արտարժույթով միջոցների ներգրավման և տեղաբաշխման մասին (ամսական)	ձև N 22
18 Հաշվետվություն արտարժույթի պարտադիր վաճառքի մասին  (յուր. օրական գործարքի համար, մինչև ապրիլի 10-ը)	ձև N 23
19 Հաշվետվություն արժեթղթերի թողարկման արդյունքների մասին (յուրաքանչյուր թողարկման համար)
20 Հաշվետվություն արժեթղթերի թողարկման մասին (տարեկան)
21 Տեղեկանք բնակչությունից ներգրաված ավանդների ակտիվային ապահովվածության վերաբերյալ (տասնհինգօրյա )	ձև N 25
22 Հաշվետվություն բանկի արտասահմանյան ակտիվների և պասսիվների շարժի մասին (եռամսյակային)	ձև N 26
23 Հաշվետվություն ձեռնարկությունների, բնակչության ցպահանջ և ժամկետային դեպոզիտների (ավանդների) միջին տոկոսադրույքների վերաբերյալ (շաբաթական)	ձև N 27
24 Հաշվետվություն տրված վարկերի միջին տոկոսադրույքների վերաբերյալ (շաբաթական)	ձև N 28
25 Հաշվետվություն արտարժութային թղթակցային հաշիվների վերաբերյալ	ձև N 29

Հաշվետվության ներկայացման ժամկետները

- Արդշինբանկ, Հայագրոբանկ, Հայէկոնոմբանկ բանկերը ամսական և եռամսյակային հաշվետվությունները ներկայացնում են մինչև հաշվետու ժամանակաշրջանին հաջորդող ամսվա 10-ը, տարեկան հաշվետվությունները` մինչև հաջորդող տարվա փետրվարի 5-ը:

- Հայխնայբանկը ամսական և եռամսյակային հաշվետվությունները ներկայացնում է մինչև հաշվետու ժամանակաշրջանին հաջորդող ամսվա 20-ը, տարեկան հաշվետվությունները` մինչև հաջորդող տարվա փետրվարի 15-ը:

- մյուս բանկերը ամսական և եռամսյակային հաշվետվությունները ներկայացնում են մինչև հաշվետու ժամանակաշրջանին հաջորդող ամսվա 5-ը, տարեկան հաշվետվությունները` մինչև հաշվետու տարվան հաջորդող տարվա հունվարի 20-ը:

- շաբաթական հաշվետվությունները ներկայացվում են հաշվետու շաբաթվան հաջորդող երկուշաբթի օրը, 10-օրյա հաշվետվությունները` հաջորդող 2 աշխատանքային օրերի ընթացքում, 15-օրյա հաշվետվությունները` ամսվա առաջին կեսի համար մինչև ամսի 20-ը, երկրորդ կեսի համար մինչև հաջորդ ամսվա 5-ը:

Անհրաժեշտության դեպքում Հայաստանի Հանրապետության կենտրոնական բանկը կարող է վերանայել հաշվետվությունների ներկայացման ժամկետները:

Տարեկան հաշվապահական հաշվետվությանը կից տրվում են թղթակցային հաշիվների, այլ դեբիտորներ և կրեդիտորներ ու այլ ծախսեր հաշիվների, ինչպես նաև ֆոնդերի բացատրությունները:

Հավելված N 2

Հայաստանի Հանրապետության տարածքում գործող ապահովագրական ընկերությունների կողմից Հայաստանի Հանրապետության կենտրոնական բանկ ներկայացվող հաշվետվության ձԵՎերը

1 Հաշվեկշիռ	ձև N 54
2 Հաշվետվություն ապահովագրական ընկերության գործունեության արդյունքների մասին (ամսական)	ձև N 1 ԱՊ
3 Հաշվետվություն ապահովագրական ընկերության կանոնադրական կապիտալի ձևավորման մասին (ամսական)	ձև N 4 ԱՊ
4 Հաշվետվություն ապահովագրական ընկերության վարկային ներդրումների մասին (եռամսյակային)	ձև N 6 ԱՊ
5 Հաշվետվություն ապահովագրական ընկերության ֆոնդերի կազմի և շարժի մասին (տարեկան)	ձև N 7 ԱՊ

Հաշվետվության ներկայացման ժամկետները

Ամսական և եռամսյակային հաշվետվությունները ներկայացվում են մինչև հաշվետու ժամանակաշրջանին հաջորդող ամսվա 5-ը, տարեկան հաշվետվությունները` մինչև հաջորդող տարվա հունվարի 20-ը:

Անհրաժեշտության դեպքում Հայաստանի Հանրապետության կենտրոնական բանկը կարող է վերանայել հաշվետվությունների ներկայացման ժամկետները:

Տարեկան հաշվապահական հաշվետվությանը կից տրվում են թղթակցային հաշիվների, այլ դեբիտորներ և կրեդիտորներ ու այլ ծախսեր հաշիվների, ինչպես նաև ֆոնդերի բացատրությունները:

Հավելված N 3

Հայաստանի Հանրապետության տարածքում գործող գրավատների կողմից Հայաստանի Հանրապետության կենտրոնական բանկ ներկայացվող հաշվետվության ձԵՎերը

1 Հաշվեկշիռ (ամսական) (ՀՀ ֆինանսների նախարարության կողմից հաստատված ձևով)	ձև N 1
2 Հաշվետվություն ֆինանսական արդյունքների և դրանց օգտագործման մասին (եռամսյակային) (ՀՀ ֆինանսների նախարարության կողմից հաստատված ձևով)	ձև N 2
3 Հաշվետվություն գրավատան գործունեության արդյունքների մասին (ամսական)	ձև N 3-Գ
4 Հաշվետվություն գրավատան կանոնադրական կապիտալի ձևավորման մասին (եռամսյակային)	ձև N 4-Գ
5 Հաշվետվություն գրավատան ֆոնդերի կազմի և շարժի մասին (տարեկան)	ձև N 7-Գ

Հաշվետվության ներկայացման ժամկետները

Ամսական և եռամսյակային հաշվետվությունները ներկայացվում են մինչև հաշվետու ժամանակաշրջանին հաջորդող ամսվա 5-ը, տարեկան հաշվետվությունները` մինչև հաջորդող տարվա հունվարի 20-ը:

Անհրաժեշտության դեպքում Հայաստանի Հանրապետության կենտրոնական բանկը կարող է վերանայել հաշվետվությունների ներկայացման ժամկետները:

Տարեկան հաշվապահական հաշվետվությանը կից տրվում են թղթակցային հաշիվների, այլ դեբիտորներ և կրեդիտորներ ու այլ ծախսեր հաշիվների, ինչպես նաև ֆոնդերի բացատրությունները: