«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ

ՆԱԽԱՐԱՐՈՒԹՅԱՆ ԿՈՂՄԻՑ

23 հոկտեմբերի 2003 Թ.

ՊԵՏԱԿԱՆ ԳՐԱՆՑՄԱՆ ԹԻՎ 60003336

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱԿԱՆ ՄԵՆԱՇՆՈՐՀՆԵՐԻ ԿԱՐԳԱՎՈՐՄԱՆ ՀԱՆՁՆԱԺՈՂՈՎ

2 սեպտեմբերի 2003 թ. Երևան

N 52-Ն

Ո Ր Ո Շ ՈՒ Մ

ԿԵՆՍԱԲԱՆԱԿԱՆ ԶԱՆԳՎԱԾԻՑ ԱՐՏԱԴՐՎՈՂ էԼԵԿՏՐԱԿԱՆ էՆԵՐԳԻԱՅԻ ԱՌԱՎԵԼԱԳՈՒՅՆ ՍԱԿԱԳԻՆԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 5-րդ հոդվածի 1-ին կետի ե), զ), թ) և 17-րդ հոդվածի ա) ենթակետերը, կենսազանգվածի էներգիայի օգտագործման համաշխարհային փորձը և Հայաստանի Հանրապետության պայմանների համար մշակված տեխնիկատնտեսական հաշվարկները, հաշվի առնելով կենսազանգվածի էներգիայի բնապահպանական նշանակությունը շրջակա միջավայրի առողջացման առումով և նպատակ ունենալով խրախուսել էներգիայի վերականգնվող աղբյուրների օգտագործման ոլորտում տեղական և արտասահմանյան ներդրումների ներգրավումը` Հայաստանի Հանրապետության բնական մենաշնորհների կարգավորման հանձնաժողովը որոշում է.

1. «Քաղաքային պինդ թափոններ-կենսագազ-էլեկտրաէներգիա» տեխնոլոգիական շրջափուլով գործող էլեկտրակայաններից առաքվող էլեկտրական էներգիայի վաճառքի առավելագույն սակագինը շահագործման առաջին 7 տարիների համար սահմանել 7 ԱՄՆ ցենտ/կՎտժ-ին համարժեք դրամ` առանց ավելացված արժեքի հարկի:

2. «Քաղաքային պինդ թափոններ-կենսագազ-էլեկտրաէներգիա» տեխնոլոգիական շրջափուլով էլեկտրակայաններից առաքվող էլեկտրական էներգիայի սակագների հաշվարկներում սեփական միջոցների շահութաբերության նորման լիցենզավորված գործունեության սկզբից 7 տարի ժամկետով սահմանել 20 տոկոս` հարկումից հետո:

ՀՀ բնական մենաշնորհների կարգավորման հանձնաժողովի նախագահ`

Ռ. Նազարյան