ՀՀ արդարադատության

նախարարության կողմից

23 դեկտեմբերի 2002թ.

Պետական գրանցման թիվ 60602382

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

20 նոյեմբերի 2002 թ. ք. Երևան

N 18/3-Ն

Ո Ր Ո Շ ՈՒ Մ

ՀԱՄԱՅՆՔԻ ՂԵԿԱՎԱՐԻ ԿՈՂՄԻՑ ՏԵՂԱՄԱՍԱՅԻՆ ԿԵՆՏՐՈՆՆԵՐԻ ԿԱԶՄԱՎՈՐՄԱՆ ՎԵՐԱԲԵՐՅԱԼ ՔԱՂԱՔԱՑԻՆԵՐԻՆ ԵՎ ՏԵՂԱՄԱՍԱՅԻՆ ԿԵՆՏՐՈՆԻ ՏԱՐԱԾՔԸ ՏՆՕՐԻՆՈՂ ՀԱՍՏԱՏՈՒԹՅԱՆ ՂԵԿԱՎԱՐԻՆ ՏԵՂԵԿԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 17-րդ հոդվածի 3-րդ կետով, ՀՀ կենտրոնական ընտրական հանձնաժողովը որոշում է.

Սահմանել համայնքի ղեկավարի կողմից տեղամասային կենտրոնների կազմավորման վերաբերյալ քաղաքացիներին և տեղամասային կենտրոնի տարածքը տնօրինող հաստատության ղեկավարին տեղեկացնելու կարգը (Հավելված):

Հայաստանի Հանրապետության կենտրոնական ընտրական հանձնաժողովի նախագահ

Ա. Սահրադյան

  

Հավելված ՀՀ Կենտրոնական ընտրական հանձնաժողովի 2002 թ. նոյեմբերի 20-ի թիվ 18/3-Ն որոշման

Կ Ա Ր Գ

Համայնքի ղեկավարի կողմից տեղամասային կենտրոնների կազմավորման վերաբերյալ քաղաքացիներին ԵՎ տեղամասային կենտրոնի տարածքը տնօրինող հաստատության ղեկավարին տեղեկացնելու

1. Համայնքի ղեկավարը, քվեարկությունից 45 օր առաջ, համայնքում կազմավորում է տեղամասային կենտրոններ, որոնց մասին, երկօրյա ժամկետում, համայնքի վարչական շենքի տարածքում (քաղաքապետարան, թաղապետարան, գյուղապետարան) և համապատասխան տեղամասային կենտրոնում՝ բոլորի համար տեսանելի վայրում, փակցնում է տեղամասային կենտրոնների և տեղամասերի նկարագրերի վերաբերյալ տեղեկատվություն պարունակող հայտարարություն:

2. Հնարավորության դեպքում նման հայտարարություններ են փակցվում նաև համայնքի ենթակայության ներքո կամ համայնքի տարածքում գտնվող վարչական այլ շենքերում (ԲՇՏ-եր, համատիրություններ, փոստային բաժանմունքներ և այլն) կամ մարդաշատ այլ վայրերում: