«ԳՐԱՆՑՎԱԾ է»
ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ
18 մարտի 2003 թ.
ՊԵՏԱԿԱՆ ԳՐԱՆՑՄԱՆ թիվ 60503083

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՈՒՐԴ

12 մարտի 2003 թ. 
ք. Երևան 
N 54-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ 2002 ԹՎԱԿԱՆԻ ՀՈՒՆԻՍԻ 13-Ի N 17-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Քաղաքացիական ծառայության մասին» Հայաստանի Հանրապետության օրենքի 14-րդ հոդվածի 9-րդ, 10-րդ և 12-րդ մասերի պահանջներով` Հայաստանի Հանրապետության քաղաքացիական ծառայության խորհուրդը որոշում է.

Հայաստանի Հանրապետության քաղաքացիական ծառայության խորհրդի 2002 թվականի հունիսի 13-ի «Քաղաքացիական ծառայության թափուր պաշտոն զբաղեցնելու համար մրցույթ անցկացնելու կարգը սահմանելու մասին» N 17-Ն որոշման մեջ կատարել հետևյալ լրացումները և փոփոխությունները.

որոշմամբ հաստատված հավելվածի`

1) 15-րդ կետի 1-ին պարբերությունը լրացնել հետևյալ բովանդակությամբ նոր «է» ենթակետով.

« է) անձնագրի պատճենը».

2) 15-րդ կետը` 2-րդ պարբերությունից հետո, լրացնել հետևյալ բովանդակությամբ նոր պարբերությամբ.

«Մրցույթի նախապատրաստական աշխատանքներն իրականացնող համապատասխան աշխատակազմը սույն կետում նշված քաղաքացիների ներկայացրած փաստաթղթերի պատճենները համեմատում է բնօրինակների հետ և ընդունում է դրանք:».

3) 17-րդ կետի «ցանկը» բառը փոխարինել «անվանումը, ամսաթիվը, ելից կամ մտից համարները, մյուս անհատականացնող տվյալները, ինչպես նաև թերթերի քանակը» բառերով.

4) 19-րդ կետի «փաթեթը» բառից հետո լրացնել «և այդ փաստաթղթերի համապատասխանելիության ու ամբողջականության մասին տեղեկանքը» բառերը.

5) 64-րդ կետը շարադրել հետևյալ խմբագրությամբ.

«64. Մրցույթի արդյունքները հրապարակվում են մրցույթն անցկացնելուց հետո` նույն օրը:».

6) 65-րդ կետից հանել «պաշտոնական» բառը.

7) 66-րդ կետից հանել «պաշտոնական» բառը.

8) 67-րդ կետի 1-ին պարբերության «պաշտոնական հրապարակումից հետո` եռօրյա ժամկետում» բառերը փոխարինել «հրապարակումից անմիջապես հետո» բառերով.

9) 70-րդ կետի «բ» ենթակետն ուժը կորցրած ճանաչել.

10) VII գլխի վերնագրից հանել «ՊԱՇՏՈՆԱԿԱՆ» բառը:

ՀՀ քաղաքացիական ծառայության խորհրդի նախագահ

Մ. Բադալյան