«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302362

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

9 օգոստոսի 2002 թ. ք. Երևան

N 129-Ն

Ո Ր Ո Շ ՈՒ Մ

«ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ ԸՆԹԱՑԻԿ ԾԱԽՍԵՐԸ» ԹԻՎ 4 (ՏԱՐԵԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Գյուղատնտեսական արտադրանքի արտադրության ընթացիկ ծախսերը» թիվ 4 (տարեկան) ընտրանքային հետազոտության հարցաթերթը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1 Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 129-Ն որոշմամբ

Հ Ր Ա Հ Ա Ն Գ

«ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ ԸՆԹԱՑԻԿ ԾԱԽՍԵՐԸ» ԹԻՎ 4 (ՏԱՐԵԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. «Գյուղատնտեսական արտադրանքի արտադրության ընթացիկ ծախսերը»` թիվ 4 (տարեկան) ընտրանքային հետազոտման հարցաթերթի լրացման կարգը:

2. Հարցաթերթը լրացվում է վիճակագիրների կողմից, ընտրանքային դիտարկմամբ ընդգրկված գյուղացիական տնտեսություններում, որոնք այդ մասին նախապես տեղեկացվում են և վիճակագրության մարզային վարչության տարածքային բաժանմունքին է ներկայացվում հաշվետվության ձևի վրա նշված ժամկետներին և պարբերականությամբ:

3. Հարցաթերթի ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. Հարցաթերթի առաջին` «Բուսաբուծություն» բաժնի «Տարածությունը»` թիվ 1 և «Համախառն բերքը»` թիվ 2 սյունակները լրացվում են «Բուսաբուծական մթերքների արտադրությունը»` թիվ 1 հարցաթերթի, «Տարածությունը, հեկտար»` թիվ 1 և «Համախառն բերքը, ցենտներ»` թիվ 2 սյունակների համապատասխան մշակաբույսերի տվյալներով:

6. «Տնտեսության անդամների աշխատանքային ծախսեր, մարդ-ժամ»` թիվ 3 սյունակում լրացվում է տնտեսության բոլոր անդամների կողմից առանձին մշակաբույսերի մշակության վրա, ծախսած մարդ-ժամերի քանակը: Այսպես, ենթադրենք տնտեսությունում հացահատիկի մշակության վրա 2 անդամներ տարվա ընթացքում աշխատել են 10 օր, օրական միջին հաշվով 3 ժամ, ուրեմն հացահատիկի մշակության վրա ծախսվել է ընդամենը 60 մարդ-ժամ (2x10x3): Նման ձևով հաշվարկվում է նաև մյուս մշակաբույսերի վրա կատարված աշխատանքային ծախսերը: Այն դեպքում, երբ տնտեսության որևէ անդամ (անդամներ) միաժամանակ աշխատել են մի քանի մշակաբույսերի մշակման վրա, ապա ծախսված մարդ-ժամերը, ըստ առանձին մշակաբույսերի, բաժանվում է մոտավոր հաշվարկով, հաշվի առնելով յուրաքանչյուր մշակաբույսի վրա կատարված աշխատանքների առանձնահատկությունները:

7. «Վարձու աշխատողների աշխատանքային ծախսեր, մարդ-ժամ»` թիվ 4 սյունակում, լրացվում են վարձու աշխատողների կողմից տվյալ մշակաբույսի վրա տարվա ընթացքում, ծախսված մարդ-ժամերը: Այս սյունակում է արտացոլվում նաև բարեկամների, ծանոթների, ընկերների և այլոց կողմից օգնության կարգով տնտեսությունում աշխատած մարդ-ժամերը:

8. «Վարձու աշխատողների աշխատանքային ծախսեր, դրամ» թիվ 5 սյունակում, լրացվում է կատարված աշխատանքի համար վարձու աշխատողներին վճարված գումարը: Եթե վարձու աշխատանքը վճարվել է բնամթերքով, ապա լրացվում է այդ բնամթերքի արժեքը շուկայական գներով:

9. Հարցաթերթի «Վարձու տեխնիկայի աշխատանքային ծախսեր, մարդ-ժամ» և «դրամ»` թիվ 6 և թիվ 7 սյունակները լրացվում են տնտեսությունում վարձու տեխնիկայի (տրակտոր, կոմբայն, խոտհնձիչ, կերահավաք, հակավորող և այլն) աշխատած ժամերը և դրանց դիմաց վճարված գումարները: Բնամթերքով վճարելու դեպքում նունպես բնամթերքի արժեքը ցույց է տրվում շուկայական գներով:

10. «Սերմեր և տնկանյութեր, դրամ»` թիվ 8 սյունակում սեփական արտադրության կամ օգնության կարգով ստացված սերմի և տնկանյութի արժեքը լրացվում է ցանքի պահին առկա շուկայական գներով:

11. «Վառելանյութ և քսայուղեր, դրամ»` թիվ 9 ու «Պարարտանյութեր և թունաքիմիկատներ, դրամ»` թիվ 10 սյունակները` լրացվում են գնման գներով: Եթե դրանք ձեռք են բերվել ապրանքափոխանակման կարգով, ապա արժեքը հաշվարկվում է փոխանակվող ապրանքի` փոխանակման պահին գործող շուկայական գներով:

12. «Ոռոգման ջրի վարձը, դրամ»` թիվ 11 սյունակում` լրացվում է հաշվետու տարում ծախսած ոռոգման ջրի ամբողջ վարձի գումարը, անկախ նրանից, թե հարցման պահին վարձի որ մասն է վճարվել:

13. «Տրանսպորտային ծախսեր, դրամ»` թիվ 12 սյունակում լրացվում է սերմերի, վառելանյութի, պարարտանյութերի, թունաքիմիկատների և այլն դաշտ տեղափոխելու ու բերքը դաշտից տուն տեղափոխելու վրա կատարված տրանսպորտային ծախսերի արժեքը:

14. «Հարկեր, ընդամենը»` թիվ 13 սյունակը լրացվում է հաշվետու տարում վճարման ենթակա հարկերի ընդհանուր գումարը:

15. Մնացած բոլոր ծախսերը, որոնք չեն արտացոլվել նախորդ սյունակներում, լրացվում են «Այլ ծախսեր, ընդամենը»` թիվ 14 սյունակում:

16. Հարցաթերթի երկրորդ` «Անասնապահություն» բաժնի «Տնտեսության անդամների աշխատանքային ծախսեր, մարդ-ժամ» թիվ 2 և «Վարձու աշխատողների աշխատանքային ծախսեր», թիվ 3` «մարդ-ժամ» և թիվ 4` «դրամ» սյունակները լրացվում են նույն կարգով, ինչպես առաջին բաժնի համապատասխան սյունակները:

17. «Գնովի և սեփական արտադրության կերեր, դրամ»` թիվ 5 սյունակում` տարվա ընթացքում ծախսված սեփական արտադրության կերերի արժեքը հաշվարկվում է հարցաթերթի լրացման պահին կերերի շուկայական գներով:

18. Եթե տնտեսության անդամների և վարձու աշխատողների աշխատանքը, կերերը և այլն ծախսվել են միաժամանակ մի քանի անասնատեսակների վրա, ապա մարդ-ժամերի, կերերի և այլնի բաժանումն անհրաժեշտ է կատարել մոտավոր հաշվարկով: Եթե սյունակներից մեկում նշված ծախսը կատարվել է տարադրամով (ռուսական ռուբլի, ԱՄՆ դոլար), ապա այն անհրաժեշտ է վերածել դրամի` ծախսը կատարելու պահի գործող արտարժույթի փոխանակման կուրսով:

19. «Արտադրանքի քանակը»` թիվ 14 սյունակում տնտեսությունում արտադրված մսի քաշաճը որոշելու համար տվյալ տարվա ընթացքում ծնված մատղաշների քաշին ավելացվում է տարվա ընթացքում նրանցից և մյուս տարիքի մատղաշ անասուններից ստացված քաշաճը և հանվում է տարվա ընթացքում անկում եղած մատղաշների քաշը: Եթե տնտեսությունում անասունները չեն կշռվում (ինչը շատ հավանական է), ապա վերոհիշյալ հաշվարկը կատարվում է մոտավոր տվյալներով: Հիշեցման կարգով հայտնում ենք, որ նոր ծնված հորթը միջին հաշվով կշռում է 18-22 կգ, գառը կամ ուլը` 1,5-2 կգ, խոճկորը` 0,8-1 կգ, հավի ճուտը` 35 գրամ և ճագարը` 0,1-0,15 կգ:

Հարցաթերթ թիվ 4

տարեկան

Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 129-Ն որոշմամբ

Մարզ______________________ Տնտեսության ծածկագիրը _________________       տարեկան

Գյուղական համայնք____________________  Ուսումնասիրված տնտեսությունների քանակը____

Ներկայացվում է` վիճակագիրների կողմից հունվարի 17-ին

ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ 200__ Թ. ԸՆԹԱՑԻԿ ԾԱԽՍԵՐԸ

Բ ա ժ ի ն  I

Բուսաբուծություն

Տողի N	Մշակաբույսերի անվանումը	Տարածու- թյունը, հա	Համա- խառն բերքը, ցենտ.	Տնտեսու- թյան անդամ- ների աշխա- տան- քային ծախսեր, մարդ-ժամ	Վարձու աշխատողների աշխատան- քային ծախսեր,		Վարձու տեխնիկայի աշխատան- քային ծախսեր,		Սերմեր և տնկա- նյութեր, դրամ	Վառելա- նյութ և քսա- յուղեր, դրամ	Պարար- տանյու- թեր և թու- նաքի- միկատ- ներ, դրամ	Ոռոգ- ման ջրի վարձը, դրամ	Տրանս- պորտա- յին ծախ- սեր, դրամ	Հարկեր, ընդա- մենը, դրամ	Այլ ծախ- սեր, դրամ
					մարդ- ժամ	դրամ	մարդ- ժամ	դրամ
Ա	Բ	1	2	3	4	5	6	7	8	9	10	11	12	13	14
1	Հացահատիկ
2	Ծխախոտ
3	Խորդենի
4	Կարտոֆիլ
5	Բանջարեղեն
6	Բոստան (ձմերուկ, սեխ)
7	Պտուղ
8	Խաղող
9	Միամյա խոտեր
10	Բազմամյա խոտեր
11	Կերի արմատապտուղ
12	Այլ մշակաբույսեր		X

Ծանոթություն.

8-րդ սյունակում դրսից ձեռք բերված սերմերի և տնկանյութի արժեքը լրացվում է ձեռք բերման գներով, իսկ սեփական արտադրության սերմերի և տնկանյութի արժեքը հաշվարկվում է շուկայական գներով

Բ ա ժ ի ն  II

Անասնապահություն

Տողի N

Անասնա- տեսակը

Գլխա- քանակը, գլուխ

Տնտեսու- թյան ան- դամների աշխատան- քային ծախսեր, մարդ-ժամ

Վարձու աշխատողների աշխատանքային ծախսեր,

Գնովի և սեփական արտադ- րու- թյան կերեր, դրամ

Վառելա- նյութ և քսա- յուղեր, դրամ

Դեղո- րայք, դրամ

Տրանս- պորտա- յին ծախ- սեր, դրամ

Անաս- նաշեն- քերի պահ- պանման և վերանո- րոգման ծախսեր, դրամ

Հար- կեր, ընդա- մենը, դրամ

Այլ ծախ- սեր, դրամ

Արտադրանքը

մարդ-ժամ

դրամ

անվա- նումը

չափի միա- վորը

քա- նա- կը

Ա

Բ

1

2

3

4

5

6

7

8

9

10

11

12

13

14

13

Կովեր

կաթ

ցենտներ

14

Մատղաշ և բտման տակ դրված խոշոր եղջերավոր անասուն

միս (քաշաճ)

ցենտներ

15

Ոչխարներ և այծեր

միս (քաշաճ)

ցենտներ

16

կաթ

ցենտներ

17

բուրդ

կգ

18

Խոզեր

միս (քաշաճ)

ցենտներ

19

Հավեր` ածան

ձու

հատ

20

մատղաշ

միս

կգ

21

ճագարներ

միս

կգ

22

Այլ անասուններ

միս

կգ

23

Մեղվա- ընտանիքներ

մեղր

կգ

Ծանոթություն.

5-րդ սյունակում սեփական կերերի ծախսը հաշվարկվում է շուկայական գներով:

Վիճակագիր`_________________________ անուն, ազգանուն, ստորագրություն

____ __________________ 200 թ.