603.0065.24.08.01

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

24 օգոստոսի 2001 թ. ք. Երևան

N 65

Ո Ր Ո Շ ՈՒ Մ

«ՀՀ 2001 Թ. ՄԱՐԴԱՀԱՄԱՐԻ ՀԱՇՎԱՌՈՒՄՆ ՕԴԱՆԱՎԱԿԱՅԱՆՆԵՐՈՒՄ ԵՎ ՍԱՀՄԱՆԱՅԻՆ ԱՆՑՄԱՆ ԿԵՏԵՐՈՒՄ ԱՆՑԿԱՑՆԵԼՈՒ ՄԱՍԻՆ ՑՈՒՑՈՒՄՆԵՐԸ» ՀԱՍՏԱՏԵԼՈՒ ՄԱՍԻՆ

Ղեկավարվելով «Մարդահամարի մասին» ՀՀ օրենքի 7-րդ հոդվածի 2-րդ մասով սահմանված դրույթով, Հայաստանի Հանրապետության վիճակագրության պետական խորհուրդը որոշում է.

հաստատել «ՀՀ 2001 թ. մարդահամարի հաշվառումն օդանավակայաններում և սահմանային անցման կետերում անցկացնելու մասին Ցուցումները» (կցվում է):

Նախագահ`

Ս. Մնացականյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

(ՀՀ ԱՎԾ)

Ց ՈՒ Ց ՈՒ Մ Ն Ե Ր

ՀՀ 2001 Թ. ՄԱՐԴԱՀԱՄԱՐԻ ՀԱՇՎԱՌՈՒՄՆ ՕԴԱՆԱՎԱԿԱՅԱՆՆԵՐՈՒՄ ԵՎ ՍԱՀՄԱՆԱՅԻՆ ԱՆՑՄԱՆ ԿԵՏԵՐՈՒՄ ԱՆՑԿԱՑՆԵԼՈՒ ՄԱՍԻՆ

Երևան 2001

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՀՀ մարդահամար 2001 թ.

Հաստատված է ՀՀ վիճակագրության պետական խորհրդի 24.08.2001 թ. N 65 որոշմամբ

Սույն ցուցումները մշակված են «Մարդահամարի մասին» ՀՀ օրենքի 7-րդ հոդվածի համաձայն և նպատակաուղղված են համապատասխան մեթոդաբանական ցուցում տալ ՀՀ 2001 թ. մարդահամարի ժամանակ, օդային և ցամաքային սահմաններով Հայաստանի Հանրապետությունից մեկնող և Հայաստանի Հանրապետություն ժամանող անձանց հաշվառումն իրականացնելու մասին:

I. ԸՆԴՀԱՆՈՒՐ ԴՐՈՒՅԹՆԵՐ

1. Ցուցումները սահմանում են մարդահամարի հաշվառման (կրիտիկական) պահից` հոկտեմբերի 9-ի լույս 10-ի 00 ժամից մինչև առավոտյան ժամը 8-ը, օդանավակայաններում, Բավրա, Մեղրի, Այրում, Գոգավան և Բագրատաշեն սահմանային (մաքսային) անցման կետերում հաշվառման իրականացումը` Ձև 1 Ա (կցվում է) հաշվետվային ձևով:

2. Հաշվետվային ձևը ներկայացվում են օդանավակայանների և Բավրա, Մեղրի, Այրում, Գոգավան, Բագրատաշեն սահմանային (մաքսային) անցման կետերի կողմից:

3. ՀՀ 2001 թ. մարդահամարի ժամանակ հաշվառվում է բնակչության երկու կատեգորիա` մշտական, ներառյալ ժամանակավոր բացակայողները և առկա, ներառյալ ժամանակավոր ներկա գտնվողները: Համաձայն սահմանված մեթոդաբանության, բնակչության հաշվառման ամբողջականությունն ապահովելու նպատակով, հոկտեմբերի 9-ի լույս 10-ի գիշերն իրականացվում է տեղաշարժվող այն անձանց հաշվառում, որոնք կարող են դուրս մնալ հաշվառման դաշտից, քանզի հաշվարարների աշխատանքը սկսվում է հոկտեմբերի 10-ի առավոտյան ժամը 8-ից:

4. ՀՀ 2001 թ. մարդահամարի ժամանակ օդանավակայաններում և սահմանային (մաքսային) անցման կետերում հաշվառման ենթակա են.

4.1. բոլոր այն մեկնող ուղևորները (ներառյալ օտարերկրյա քաղաքացիները և քաղաքացիություն չունեցող անձինք), ովքեր հոկտեմբերի 9-ի լույս 10-ի գիշերը գտնվել են օդանավակայանում կամ սահմանային (մաքսային) անցման կետերում` 00 ժամից մինչև առավոտյան ժամը 8-ը ՀՀ սահմաններից դուրս (այդ թվում` անգամ դեպի Քաշաթաղի շրջան, ԼՂՀ և ԱՊՀ երկրներ) տանող չվերթներով (ուղերթներով) մեկնելու նպատակով,

4.2. բոլոր չվերթների (ուղերթների) ժամանող ուղևորները (ներառյալ օտարերկրյա քաղաքացիները և քաղաքացիություն չունեցող անձինք), ովքեր հոկտեմբերի 9-ի լույս 10-ի գիշերը` 00 ժամին վայրէջք են կատարել օդանավակայանում կամ ժամանել են Հայաստանի Հանրապետություն սահմանային (մաքսային) անցման կետերով, այսինքն մարդահամարի հաշվառման պահին գտնվել են Հայաստանի Հանրապետությունում:

5. ՀՀ 2001 թ. մարդահամարի ժամանակ օդանավակայաններում և սահմանային (մաքսային) անցման կետերում հաշվառման ենթակա չեն.

5.1. ուղևորներին ճանապարհող անձինք,

5.2. ինքնաթիռների (ուղղաթիռների) և ավտոբուսների (այդ թվում միկրոավտոբուսների և տաքսիների) անձնակազմը,

5.3. օդանավակայաններում և սահմանային (մաքսային) անցման կետերում, ինչպես նաև դրանց հարակից տարածքում հանրային սննդի և այլ ծառայություններ մատուցող տնտեսավարող սուբյեկտների (ճաշարաններ, բուֆետներ, վարսավիրանոցներ և այլն) աշխատակիցները:

5-րդ կետում թվարկված անձանց հաշվառումն իրականացվում է ըստ իրենց բնակության վայրի:

II. ՀԱՇՎԱՌՈՒՄՆ ԻՐԱԿԱՆԱՑՆԵԼՈՒ ԿԱՐԳԸ

Օդանավակայաններում և սահմանային (մաքսային) անցման կետերում մարդահամարի հաշվառումն իրականացվում է 2001 թ. հոկտեմբերի 9-ի լույս 10-ի գիշերը.

1. Սույն հրահանգի 4.1, 4.2. կետերում թվարկված անձանց հաշվառումն իրականացվում է օդանավակայաններում և սահմանային (մաքսային) անցման կետերում` 00-ից մինչև առավոտյան ժամը 8-ը` յուրաքանչյուրի վերաբերյալ համապատասխան տվյալները լրացնելով մարդահամարի «Հարցման թերթ»-ում (Ձև 1Ա):

2. Օդանավակայանում և սահմանային (մաքսային) անցման կետերում «Հարցման թերթ»-ի հասցեամասում լրացվում է մարզի և բնակավայրի անվանումը, որի տարածքում գտնվում է օդանավակայանը կամ սահմանային (մաքսային) անցման կետը, իսկ կազմակերպության անվանումը տողում` գրվում է օդանավակայանի կամ սահմանային (մաքսային) անցման կետի անվանումը (օրինակ` «Զվարթնոց» օդանավակայան, «Գոգավանի» սահմանային անցման կետ և այլն):

3. Ձև 1 Ա-երը համարակալվում են յուրաքանչյուրն իր` օդանավակայանի կամ սահմանային (մաքսային) անցման կետի, սահմանում: Յուրաքանչյուր չվերթի կամ երթուղու համար կազմվում է առանձին (համարակալումով) «Հարցման թերթ»: Եթե տվյալ երթուղու համար լրացվում են մեկից ավելի Ձև 1 Ա հաշվետվային ձևեր, ապա առաջին թերթի հասցեամասում` համարից հետո ավելացվում է «ա», երկրորդում` «բ» տառերը և այդպես շարունակ (օրինակ` 1ա, 1բ, 1գ և այլն), իսկ լրացված վերջին հաշվետվային ձևի 1-ին սյունակի «ընդամենը» տողում գրառվում է տվյալ չվերթի (երթուղու) «Հարցման թերթերում» հաշվառված անձանց ընդհանուր թվաքանակը:

Յուրաքանչյուր անձի համար լրացվում են հաշվետվական ձևում պահանջվող անհատական տվյալները` ազգանուն, անուն, հայրանունը, ծննդյան` օրը, ամիսը, տարին, սեռը, մշտական բնակության վայրը, քաղաքացիության երկիր` համապատասխան տեղեկատվության համար նախատեսված սյունակի սպիտակ հատվածում, իսկ մուգ գույնով առանձնացված վանդակները չեն լրացվում:

4. Մինչև հոկտեմբերի 15-ը լրացված, լրացման ամբողջականության ստուգում անցած «Հարցման թերթ»` Ձև 1 Ա հաշվետվային ձևերը վավերացվում և հանձնվում են ՀՀ ԱՎԾ համապատասխան մարզային գործակալություն (պետին):

 Ձև 1-Ա

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ   ՀՀ մարդահամար 2001 թ.		Հաստատված է ՀՀ վիճակագրության պետական խորհրդի 24.08.2001 թ. N 65 որոշմամբ
		Ներկայացնում են օդանավակայանները և սահմանային անցման կետերը ՀՀ ԱՎԾ մինչև 2001 թ. հոկտեմբերի 15-ը

Հ Ա Ր Ց Մ Ա Ն  Թ Ե Ր Թ  N ___

ՀՀ 2001 Թ. ՄԱՐԴԱՀԱՄԱՐԻ ԺԱՄԱՆԱԿ ՕԴԱՆԱՎԱԿԱՅԱՆՆԵՐՈՒՄ ԵՎ ՍԱՀՄԱՆԱՅԻՆ ԱՆՑՄԱՆ ԿԵՏԵՐՈՒՄ ՀԱՇՎԱՌՄԱՆ ԵՆԹԱԿԱ ՈՒՂԵՎՈՐՆԵՐԻ

 Մարզ __________________բնակավայր __________________ կազմակերպություն

հ/հ	Ազգանուն, անուն, հայրանուն	Սեռը (ար=1 իգ=2)	Ծ ն ն դ յ ա ն			Մշտական բնակության վայրը (Հայաստանի դեպքում մարզը և բնակավայրը, այլ դեպքում` երկիրը)				Քաղաքացիության երկիրը
			օրը	ամիսը	տարին
1	2	3	4			5				6

հ/հ	Ազգանուն, անուն, հայրանուն	Սեռը (ար=1 իգ=2)	Ծ ն ն դ յ ա ն			Մշտական բնակության վայրը (Հայաստանի դեպքում մարզը և բնակավայրը, այլ դեպքում` երկիրը)				Քաղաքացիության երկիրը
			օրը	ամիսը	տարին
1	2	3	4			5				6

Ընդամենը

Պատասխանատու անձ

____________ ստորագրություն

____________________ (Ազգանուն, Ա.Հ.)

___________ (պաշտոնը)

___ _________ 2001 թ.

Գրանցված է
Հայաստանի Հանրապետության
արդարադատության նախարարության կողմից
4 հոկտեմբերի 2001 թ.
Պետական գրանցման թիվ 60301157