«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ
27 դեկտեմբերի 2002 Թ.

ՊԵՏԱԿԱՆ ԳՐԱՆՑՄԱՆ ԹԻՎ 60502406

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՈՒՐԴ

13 դեկտեմբերի 2002 թ. ք. Երևան

N 141-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ 2002 ԹՎԱԿԱՆԻ ՀՈՒՆԻՍԻ 1-Ի N 14-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Քաղաքացիական ծառայության մասին» Հայաստանի Հանրապետության օրենքի 30-րդ հոդվածի 3-րդ մասով` Հայաստանի Հանրապետության քաղաքացիական ծառայության խորհուրդը որոշում է.

ՀՀ քաղաքացիական ծառայության խորհրդի 2002 թվականի հունիսի 1-ի «Քաղաքացիական ծառայողների անձնական գործերը և գրանցամատյանը վարելու կարգը հաստատելու մասին» N 14-Ն որոշման մեջ կատարել հետևյալ փոփոխությունները և լրացումները.

ա) որոշմամբ հաստատված կարգի (այսուհետ` Կարգ) 6-րդ կետը լրացնել հետևյալ բովանդակությամբ նոր պարբերությամբ.

«Անձնական գործի շապիկը ներառում է անձնական գործի համարը, քաղաքացիական ծառայողի անունը, ազգանունը և հայրանունը, ինչպես նաև գործի վարման սկիզբը, դադարեցման և արխիվացման ամսաթվերը (Ձև N 1):».

բ) Կարգի 7-րդ կետի «գ» ենթակետի «(Ձև N 1)» բառերը փոխարինել «(Ձև N 2)» բառերով.

գ) ուժը կորցրած ճանաչել Կարգի 7-րդ կետի «ժբ» և «ժթ» ենթակետերը և 31-րդ կետի «ժբ» ենթակետը.

դ) Կարգի 7-րդ կետի «զ» ենթակետը «կրթությունը» բառից առաջ լրացնել «անձնագրի, զինվորական գրքույկի և» բառերով,

ե) Կարգի 7-րդ կետը լրացնել հետևյալ բովանդակությամբ նոր «զ¹» և «զ²» ենթակետերով.

«զ¹) դատական կարգով անգործունակ կամ սահմանափակ գործունակ ճանաչվելու, Օրենքով նախատեսված հիվանդություններից որևէ մեկով չտառապելու և այլ տեղեկությունների վերաբերյալ հայտարարությունը (Ձև N 3) (Օրենքի 50-րդ հոդվածի համաձայն քաղաքացիական ծառայող համարվող անձինք հայտարարությունը լրացնում են ըստ Ձև N 4-ի).

«զ²) Հայաստանի Հանրապետության կառավարությանն առընթեր ՀՀ ոստիկանության կողմից տրամադրվող դատվածության բացակայության մասին տեղեկանքը.».

զ) ուժը կորցրած ճանաչել Կարգի 7-րդ կետի «թ» ենթակետը.

է) Կարգի 8-րդ կետից հանել «, որին կցվում է անձնական գործում ընդգրկված փաստաթղթերի ցանկը» բառերը.

ը) Կարգի 19-րդ կետի «անձնական գործը վարելու և անձնական գործի վարումը դադարեցնելու ժամկետը, դադարեցման պատճառները, ինչպես նաև անձնական գործի վարման վերսկսման ժամկետը» բառերը փոխարինել «անձնական գործում փաստաթուղթը կցելու, անձնական գործից փաստաթուղթը հանելու և վերադարձնելու ամսաթվերը, ինչպես նաև փաստաթուղթը հանելու նպատակը և փաստաթուղթը ստացողի անունը, ազգանունը, պաշտոնը և ստորագրությունը» բառերով,

թ) Կարգի 22-րդ կետի «(Ձև N 2)» բառերը փոխարինել «(Ձև N 5)» բառերով.

ժ) Կարգի 23-րդ կետը շարադրել հետևյալ խմբագրությամբ.

«23. Օրենքի 50-րդ հոդվածի համաձայն քաղաքացիական ծառայող համարված անձանց անձնական գործերի վարումը համապատասխան մարմինների կադրային ստորաբաժանումներն համապատասխանեցնում են սույն կարգի պահանջներին (բացառությամբ սույն կարգի 7-րդ կետի «ա»,«բ» և «ը» ենթակետերի պահանջների):».

ժա) Կարգի 24-րդ կետի երկրորդ պարբերությունը «տեղեկությունները» բառից հետո լրացնել «,որոնց գրանցումն իրականացվում է քաղաքացիական ծառայության կադրերի ռեզերվում գրանցելու և ռեզերվից հանելու կարգով սահմանված ժամկետներում» բառերով.

ժբ) Կարգի 25-րդ կետի «առնվազն յուրաքանչյուր տարին մեկ անգամ» բառերը փոխարինել «սույն կարգով սահմանված ժամկետներում» բառերով.

ժգ) Կարգի 30-րդ կետի լրացնել հետևյալ բովանդակությամբ նոր «դ» ենթակետով.

«դ) քաղաքացիական ծառայության պաշտոնների անվանումները և ծածկագրերը.».

ժդ) Կարգի 30-րդ կետը լրացնել հետևյալ բովանդակությամբ նոր «ե» ենթակետով.

«ե) համապատասխան մարմինների հաստիքային միավորների ընդհանուր քանակը և հաստիքային միավորների քանակը ըստ քաղաքացիական ծառայության պաշտոն չհամարվող հաստիքների.».

ժե) Կարգի 31-րդ կետի «բ» ենթակետի «պաշտոնը» բառից հետո լրացնել «, ծածկագիրը» բառը.

ժզ) Կարգի 31-րդ կետը լրացնել «բ¹» ենթակետով հետևյալ բովանդակությամբ.

«բ¹) պաշտոնի նշանակման հիմքը և ամսաթիվը.».

ժէ) Կարգի 31-րդ կետի «ժդ» ենթակետի «համապատասխան փաստաթուղթը կամ տեղեկանքը» բառերը փոխարինել «պետական նմուշի փաստաթղթի համարը» բառերով.

ժը) Կարգի 36-րդ կետի «ա» ենթակետում «(Ձև N 3)» բառերը փոխարինել «(Ձև N 6)» բառերով.

ժթ) Կարգի 36-րդ կետի «բ» ենթակետը շարադրել հետևյալ խմբագրությամբ.

«բ) մինչև յուրաքանչյուր եռամսյակի հաջորդ ամսվա 10-ը` նոր նշանակված քաղաքացիական ծառայողների և գրանցամատյանում ընդգրկված համապատասխան մարմիններում քաղաքացիական ծառայողների մասին տեղեկությունները (Ձև N 7), ինչպես նաև քաղաքացիական ծառայության պաշտոնից ազատված քաղաքացիական ծառայողների տվյալները (Ձև N 8).».

ի) Կարգի 37-րդ կետը շարադրել հետևյալ խմբագրությամբ.

«37. Գրանցամատյանը թղթյա կրիչի վրա ձևավորվում է առնվազն երեք տարին մեկ անգամ: Նոր գրանցամատյանը թղթյա կրիչի վրա Խորհուրդը կազմում է մինչև այդ տարվա մարտի 31-ը: Նոր գրանցամատյանը կազմելուց հետո նախորդ գրանցամատյանի տեղեկություններ պարունակող փաստաթուղթը փակվում և արխիվացվում է:

Գրանցամատյանի բոլոր էջերը համարակալվում են, կարվում և կնքվում Խորհրդի կնիքով:».

իա) Կարգի 38-րդ կետը «տրամադրում է» բառից հետո լրացնել «տվյալ մարմնի վերաբերյալ» բառերով.

իբ) Կարգին կից Ձև N 1-4 շարադրել նոր խմբագրությամբ (Ձև N 1, N 2, N 3, N 4).

իգ) Կարգը կից լրացնել նոր Ձև N 5-ով, Ձև N 6-ով, Ձև N 7-ով և Ձև N 8-ով:

Հայաստանի Հանրապետության քաղաքացիական ծառայության խորհրդի նախագահ

Մ. Բադալյան

Ձև N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ք Ա Ղ Ա Ք Ա Ց Ի Ա Կ Ա Ն  Ծ Ա Ռ Ա Յ Ո Ղ Ի

Ա Ն Ձ Ն Ա Կ Ա Ն  Գ Ո Ր Ծ

N ______

____________________________________________________________

ազգանուն

____________________________________________________________

անուն, հայրանուն

Սկսված է` __ ____ 200  թ.	Վերսկսված է` __ ____ 200  թ.	Վերսկսված է` __ ____ 200  թ.
Դադարեցված է` __ ____ 200  թ.	Դադարեցված է` __ ____ 200  թ.	Դադարեցված է` __ ____ 200  թ.
Արխիվացված է` __ ____ 200  թ.	Արխիվացված է` __ ____ 200  թ.	Արխիվացված է` __ ____ 200  թ.

Ձև N 2

Ձև N 3

Հ Ա Յ Տ Ա Ր Ա Ր ՈՒ Թ Յ ՈՒ Ն

_________________________________-ի

անունը, ազգանունը և հայրանունը

Ղեկավարվելով «ՀՀ քաղաքացիական ծառայության մասին» ՀՀ օրենքի դրույթներով հայտնում եմ հետևյալը.

ա) դատական կարգով անգործունակ կամ սահմանափակ գործունակ _____________________

(ճանաչված եմ, ճանաչված չեմ)

բ) ՀՀ կառավարության 2002թ. հունիսի 27-ի թիվ 908 որոշմամբ հաստատված հիվանդությունների ցանկում ընդգրկված հիվանդություններից որևէ մեկով _______________________________

(տառապում եմ, չեմ տառապում)

___________________________________________________

գ) համակարգչով և ժամանակակից այլ տեխնիկական միջոցներով աշխատելու ունակություն ___________________________________________________

(ունեմ, չունեմ)

• Տիրապետում եմ համակարգչային ծրագրերին (Վինդոուզ, Վոռդ, Էքսել, Աքսես և այլն)

___________________________________________________

___________________________________________________

դ) առևտրային կազմակերպությունների կանոնադրական կապիտալում 10 և ավելի տոկոս բաժնեմաս _____________________________________________________

(ունեմ, չունեմ)

ե) այլ վճարովի աշխատանք (բացառությամբ գիտական, ստեղծագործական և մանկավարժական աշխատանքներից) ______________________________________

(իրականացնում եմ, չեմ իրականացնում)

զ) անձամբ ձեռնարկատիրական գործունեությամբ _________________________________

(զբաղվում եմ, չեմ զբաղվում)

է) անմիջական ենթակայության կամ վերահսկողության տակ մերձավոր ազգակցական կամ խնամիական կապերի (ծնող, ամուսին, զավակ, եղբայր, քույր, ամուսնու ծնող) մեջ ____________________________________________________

գտնվում եմ, չեմ գտնվում

Նախազգուշացված եմ` կեղծ տվյալներ և փաստաթղթեր ներկայացնելու համար, պաշտոնում նշանակվելու դեպքում զբաղեցրած պաշտոնից ազատվելու և սահմանված կարգով պատասխանատվության ենթարկելու մասին:

__________________

Լրացնողի ստորագրությունը

___ _______ 200  թ.

Ձև N 4

Հ Ա Յ Տ Ա Ր Ա Ր ՈՒ Թ Յ ՈՒ Ն

_________________________________-ի

անունը, ազգանունը և հայրանունը

Ղեկավարվելով «ՀՀ քաղաքացիական ծառայության մասին» ՀՀ օրենքի դրույթներով հայտնում եմ հետևյալը.

ա) առևտրային կազմակերպությունների կանոնադրական կապիտալում 10 և ավելի տոկոս բաժնեմաս __________________________________________________

(ունեմ, չունեմ)

բ) այլ վճարովի աշխատանք (բացառությամբ գիտական, ստեղծագործական և մանկավարժական աշխատանքներից) __________________________________________________

(իրականացնում եմ, չեմ իրականացնում)

գ) անձամբ ձեռնարկատիրական գործունեությամբ _______________________________

(զբաղվում եմ, չեմ զբաղվում)

դ) անմիջական ենթակայության կամ վերահսկողության տակ մերձավոր ազգակցական կամ խնամիական կապերի (ծնող, ամուսին, զավակ, եղբայր, քույր, ամուսնու ծնող) մեջ _______________________________

գտնվում եմ, չեմ գտնվում

Նախազգուշացված եմ` կեղծ տվյալներ և փաստաթղթեր ներկայացնելու համար, պաշտոնում նշանակվելու դեպքում զբաղեցրած պաշտոնից ազատվելու և սահմանված կարգով պատասխանատվության ենթարկելու մասին:

__________________

Լրացնողի ստորագրությունը

___ _______ 200  թ.

Ձև N 5

Վ Ե Ր Գ Ի Ր

անձնական գործում առկա փաստաթղթերի

_________________________________-ի

(քաղաքացիական ծառայողի ազգանունը, անունը, հայրանունը)

Հ/Հ	Փաստա-թղթերի անվանումը	Էջերի հերթական համարները	Էջերի քանակը	Անձնական գործին կցելու ամսաթիվը	Անձնական գործից հանելու ամսաթիվը	Անձնական գործից հանելու նպատակը	Ստացողի անունը, ազգանունը և պաշտոնը	Ստացողի ստորագրու- թյունը և ստացման ամսաթիվը	Վերա-դարձման ամսաթիվը
1	2	3	4	5	6	7	8	9	10

Անձնական գործը ստուգված է`	__ ______ 200___թ.	___________________________
		կադրային ստորաբաժանման ղեկավարի ստորագրությունը
	__ ______ 200___թ.	___________________________
		կադրային ստորաբաժանման ղեկավարի ստորագրությունը
	__ ______ 200___թ.	___________________________
		կադրային ստորաբաժանման ղեկավարի ստորագրությունը

Ձև N 6

Տ Վ Յ Ա Լ Ն Ե Ր

200- թվականի հունվարի 1-ի դրությամբ հաստատված համապատասխան մարմնի հաստիքային միավորների մասին

___________________________________________________
(համապատասխան մարմնի անվանումը)

Հ/Հ	Ստորաբա-ժանման անվանումը	Ստորաբաժանումների հաստիքային միավորների քանակը			Քաղաքա- ցիական ծառայության պաշտոնի		Ծանոթու-թյուն
		Քաղ. ծառայության պաշտոնների քանակը	Քաղ. ծառայության պաշտոն չհամարվող պաշտոնների քանակը	Ընդամենը (3+4)__	Անվա-նումը	Ծած-կագիրը
1	2	3	4	5	6	7	8
ԸՆԴԱՄԵՆԸ

Կ.Տ.
Համապատասխան մարմնի	___________________
աշխատակազմի ղեկավար	(ստորագրություն)

Ձև N 7

Տ Ե Ղ Ե Կ ՈՒ Թ Յ ՈՒ Ն Ն Ե Ր

Նոր նշանակված քաղաքացիական ծառայողների եվ գրանցամատյանում ընդգրկված քաղաքացիական ծառայողների հաշվառման տվյալների փոփոխությունների մասին

_______________________________________________

համապատասխան մարմնի անվանումը

Հ/Հ Ստորաբաժանման անվանումը Քաղաքացիական ծառայության պաշտոնի Պաշտոնի նշանակման Քաղաքացիական ծառայության պաշտոն զբաղեցնող անձի Անվանումը Ծածկագիրը Հիմքը Ամսաթիվը Անունը, Ազգանունը, Հայրանունը Քաղաքացիական ծառայության դասային աստիճանները Դասային աստիճանը Դասային աստիճանի շնորհման ամսաթիվը 1 2 3 4 5 6 7 8 9 Ծննդյան ամսաթիվը Ծննդավայրը Սեռը Ընտանեկան դրությունը Անձնագրի տվյալները (սերիան, համարը և ում կողմից է տրվել) Բնակության վայրը Հեռախոսահամարները Կրթությունը Ուսումնական հաստատությունը Ուսման սկիզբը 10 11 12 13 14 15 16 17 18 19   Ուսման ավարտը Մասնագիտությունը Որակավորումը Զինապարտությունը Զինվորական կոչումը Գիտական աստիճանները (կոչումները) Պետական պարգևները   Աստիճանը (կոչումը) Շնորհման ամսաթիվը Պարգևը Պարգևի շնորհման ամսաթիվը Ուսումնական հաստատությունը 20 21 22 23 24 25 26 27 28 29     Վերջին վերապատրաստման Վերջին ատեստավորման Պարտադիր գործուղման Աշխատանքի ստաժը տ/ամ/օր Ծանոթություն Սկիզբը Ավարտը Ծրագրի անվանումը Պետական նմուշի փաստաթղթի համարը Ամսաթիվը Արդյունքը Սկիզբը Ավարտը Հիմք հանդիսացող փաստաթղթի ամսաթիվը և համարը Ընդհանուր Քաղաքացիական ծառայություն 30 31 32 33 34 35 36 37 38 39 40 41

Կ.Տ.
200  թ. _______ ____	Համապատասխան մարմնի	_______________
	աշխատակազմի ղեկավար	(ստորագրություն)

Ձև N 8

Տ Ե Ղ Ե Կ ՈՒ Թ Յ ՈՒ Ն Ն Ե Ր

Քաղաքացիական ծառայության պաշտոնից ազատված քաղաքացիական ծառայողների մասին

_______________________________________________

համապատասխան մարմնի անվանումը

Հ/Հ	Կառուցվածքային ստորաբաժանման անվանումը	Պաշտոնը	Պաշտոնի ծածկագիրը	Ազգանունը, անունը, հայրանունը	Ազատման հիմքերը	Ազատման տարին, ամիսը, ամսաթիվը
1	2	3	4	5	6	7

Կ.Տ.
200  թ. _______ ____	Համապատասխան մարմնի	_______________
	աշխատակազմի ղեկավար	(ստորագրություն)