«Գրանցված է»
ՀՀ արդարադատության
նախարարության կողմից
8 նոյեմբերի 2002 թ.
Պետական գրանցման թիվ 60302277

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

10 սեպտեմբերի 2002 թ. ք. Երևան

N 225-Ն

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԱՆՏԱՌԱՅԻՆ ՀՐԴԵՀՆԵՐԻ ՄԱՍԻՆ» ՁԵՎ ԹԻՎ 5-ԱՏ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն անտառային հրդեհների մասին» Ձև թիվ 5-ատ պետական վիճակագրական հաշվետվության ձևը և լրացման հրահանգը` համաձայն հավելված 1-ի:

Նախագահ

Ս. Մնացականյան

Հավելված 1   Հաստատված է ՀՀ վիճակագրության պետական խորհրդի 10 սեպտեմբերի 2002 թ. թիվ 225-Ն որոշմամբ

Հ Ր Ա Հ Ա Ն Գ

«ԱՆՏԱՌԱՅԻՆ ՀՐԴԵՀՆԵՐԻ ՄԱՍԻՆ» ՁԵՎ N 5-ԱՏ (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Անտառային հրդեհների մասին» ձև N 5-ատ (տարեկան) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև փետրվարի 15-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ Ա Ժ Ի Ն  1

ՀՐԴԵՀՎԱԾ ԱՆՏԱՌՏԱՐԱԾՔԸ

5. Տող 101-ում բերվում է անտառային հողերի ընդհանուր տարածքը, որից առանձնացվում է անտառածածկ տարածքը (տող 102): Անտառածածկ տարածքների մեջ մտնում են փաստացի փայտանյութի տեսակներով ծածկված տարածքները, որոնք կազմում են անտառբուսականությունը, չհամակցվող անտառ-կուլտուրաները, անտառային տնկարկներն ու տնկադաշտերը, ինչպես նաև ոչ անտառածածկ այն տարածքները, որոնք նախատեսված են անտառաճեցման համար (ցանցառ բուսածածկ, բուսազուրկ, հրդեհված, ոչնչացված տարածքներ, հատատեղեր, բացատներ, ամայի տեղեր):

6. Տող 103-ում բերվում է մակերեսային, բարձրադիր, ստորգետնյա (գրունտային, գրունտատորֆային) հրդեհված տարածքները, որոնցից առանձնացվում է վերգետնյա (տող 104) և ստորգետնյա (տող 105) տարածքները:

7. Տող 106-ում բերվում է մակերեսային, բարձրադիր, ստորգետնյա (գրունտային, գրունտատորֆային) հրդեհված անտառածածկ տարածքները, որոնցից առանձնացվում է վերգետնյա (տող 107) և ստորգետնյա (տող 108) տարածքները:

8. Հաշվետվությունում չեն արտացոլվում անտառային տարածքներում տնտեսական նպատակներով կատարված հետևյալ աշխատանքները. հատատեղերում կուտակված հատման մնացորդների, փայտանյութից մնացած անպետքության (չոր, կանգուն մնացած ծառերի մասեր, հողմակործան ծառեր և մասեր) հրդեհումը՝ սանիտարական և անտառվերականգնման նպատակներով:

Բ Ա Ժ Ի Ն  2

ՀՐԴԵՀՆԵՐԻ ԱՌԱՋԱՑՈՒՄԸ

9. Տող 201-ում բերվում է հաշվետու տարում պետական անտառային ֆոնդում հրդեհների ընդհանուր քանակը:

10. Տող 202-ում բերվում է գյուղատնտեսական օբյեկտների կողմից անտառային բացատներում, մարգագետիններում, խոզաններում խոտերի այրումից առաջացած անտառային հրդեհների քանակը:

11. Տող 203-ում բերվում է անտառմթերմամբ զբաղվող կազմակերպությունների մեղքով առաջացած հրդեհների քանակը:

12. Տող 204-ում բերվում է անտառներում հետախուզական-որոնողական աշխատանքներ իրականացնող քարտեզագրական, երկրաբանական, անտառտնտեսվարական (անտառկառուցողական) և այլ արշավների մեղքով առաջացած անտառային հրդեհների քանակը:

13. «Այլ կազմակերպությունների մեղքով» տողում (205) բերվում է այն հրդեհների քանակը, որոնք առաջացել են.

1) տորֆի, նավթի, գազի հետախուզությամբ և արդյունահանմամբ, անտառային արդյունագործությամբ (փայտածուխի պատրաստում, խեժաթորում, խեժածորում, խեժակտրվածքների պատրաստում և այլն) զբաղվող կազմակերպությունների մեղքով,

2) անտառներում զանգվածային միջոցառումներ իրականացնող կազմակերպությունների մեղքով,

3) անտառային տարածքներով անցնող երկաթուղային և ավտոմոբիլային գործող ճանապարհների (բացի անտառկրող), էլեկտրահաղորդման, կապի, ռադիոֆիկացիայի և խողովակաշարի տեղադրմամբ ու շահագործմամբ զբաղվող կազմակերպությունների մեղքով:

14. Տող 206-ում բերվում է բնակչության կողմից հակահրդեհային անվտանգության կանոնների խախտման հետևանքով առաջացած անտառային հրդեհների քանակը:

15. Տող 207-ում բերվում է կայծակի հետևանքով առաջացած անտառային հրդեհների քանակը:

16. Տողեր 202-207-ում չթվարկված հրդեհների պատճառները բերվում են տողեր 208 և հետագա ազատ տողերում:

Բ Ա Ժ Ի Ն  3

ՀՐԴԵՀՆԵՐԻ ՊԱՏՃԱՌԱԾ ՎՆԱՍԸ

17. Սյունակ 1-ում բերվում է անտառտնտեսություն վարող կազմակերպությունների մեղքով ծագած հրդեհներից ոչնչացած մթերված փայտանյութն ու անտառն արմատի վրա:

18. Սյունակ 2-ում բերվում է հրդեհի հետևանքով անտառտնտեսությանը հասցված վնասի գումարի չափը:

19. Տող 302-ում բերվում է ապրանքային արժեքի կորուստն ի հաշիվ անտառի փչացմանն ու այրվելուն արմատի վրա:

20. Տող 303-ում բերվում է անտառտնտեսությունը վարող կազմակերպությունների մթերած անտառմթերքի ոչնչացած և փչացած մասի ծավալը:

21. Տող 304-ում բերվում է անտառտնտեսություն վարող կազմակերպություններին պատկանող շենքերի, կառուցվածքների և գույքի ոչնչացած մասի արժեքը:

22. Տող 305-ում բերվում է անտառվերականգման աշխատանքների՝ ոչնչացվածների փոխարեն բնական ծագման, նոր տնկիների և անտառային կուլտուրաների աճեցման, ծախսերը:

23. Տող 306-ում բերվում է պետական նշանակության անտառներում այրված տարածքների և հրդեհից առաջացած անպետքությունից մաքրման աշխատանքների արժեքը:

24. Տող 307-ում բերվում է հրդեհների մարման հետ կապված բոլոր տեսակի ծախսերը:

Բ Ա Ժ Ի Ն  4

ՀՐԴԵՀՆԵՐԻ ՀԵՏ ԿԱՊՎԱԾ ՀԵՏԱՔՆՆՈՒԹՅԱՆ ԳՈՐԾԵՐԻ ՇԱՐԺԸ

25. Տող 401-ում բերվում է հրդեհների հետևանքով ակտավորված նյութերի քանակը:

27. Տող 402-ում բերվում է անտառային պահախմբի կողմից հայտնաբերված, արձանագրված և ակտավորված գործերով վարչական կարգով տուգանման դեպքերի քանակը, իսկ փաստացի գանձված տուգանքը` տող 403-ում:

28. Տող 404-ում բերվում է նշանակված վարչական տուգանքը, որից առանձնացվում է փաստացի գանձվածը (տող 405):

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ   ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ Ներկայացվում է համաձայն «Պետական վիճակագրության մասին» ՀՀ օրենքի, սահմանված կարգով հաստատված «Պետական վիճակագրական աշխատանքների ծրագրի» և «Վարչական (տեղեկատվական) ռեգիստրների վարման և դրանցից տեղեկատվության ստացման կարգի» և «Վիճակագրական տեղեկությունների ներկայացման կարգի»   Ով է ներկայացնում ______________________________________________________________ (անվանումը) Գտնվելու վայրը ___________________________________________________ Էլեկտրոնային փոստի հասցեն __________________________________________ Պետական վիճակագրական դիտարկումների համար անհրաժեշտ վիճակագրական տեղեկատվություն չներկայացնելը կամ սահմանված կարգի խախտումով (ոչ արժանահավատ տվյալներ, դրանց ոչ ամբողջական արտացոլում և աղավաղումներ) ներկայացնելը վիճակագրական տեղեկություններ տրամադրողների համար առաջացնում է պատասխանատվություն` ՀՀ օրենքով սահմանված կարգով: Ձև N 5-ատ տարեկան Հաստատված է՝ ՀՀ վիճակագրության պետական խորհրդի 10 սեպտեմբերի 2002 թ. թիվ 225-Ն որոշմամբ   Ներկայացվում է՝ ՀՀ  Ազգային վիճակագրական ծառայություն   Ներկայացնում է՝ ՀՀ բնապահպանության նախարարությունը   Հաշվետվության ներկայացման ժամկետը՝ մինչև փետրվարի 10-ը

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԱՆՏԱՌԱՅԻՆ  ՀՐԴԵՀՆԵՐԻ  ՄԱՍԻՆ

200….թ. համար

Բ ա ժ ի ն  1

Տողի համարը		Ընդամենը, հա
Ա	Բ	1
101	Անտառային հողեր
102	որից՝ անտառածածկ
103	Հրդեհված տարածք
104	այդ թվում՝ վերգետնյա
105	ստորգետնյա
106	Հրդեհված անտառածածկ տարածք
107	այդ թվում՝ վերգետնյա
108	ստորգետնյա

Բ ա ժ ի ն  2

Տողի համարը		Դեպքերի քանակը
Ա	Բ	1
201	Հրդեհների քանակը պետական անտառային ֆոնդում, ընդամենը
202	այդ թվում ըստ պատճառների` գյուղատնտեսական հողատեսքերի հրկիզումից
203	անտառմթերողների մեղքով
204	արշավների մեղքով
205	այլ կազմակերպությունների մեղքով
206	բնակչության մեղքով
207	կայծակից
208
209
210

Բ ա ժ ի ն  3

Տողի համարը			Փայտանյութի ծավալը, խոր.մ	Ընդամենը, հազ.դրամ
Ա	Բ		1	2
301	Անտառտնտեսությանը պատճառված ընդհանուր վնասը		X
302	Այրված և վնասված է	անտառը արմատի վրա
303		մթերված անտառանյութ
304		շենքեր, կառույցներ և այլ ունեցվածք	X
305	Անտառվերականգման աշխատանքների արժեքը		X
306	Տարածքի մաքրման աշխատանքների արժեքը		X
307	Հրդեհների մարման ծախսերը		X

Բ ա ժ ի ն  4

Տողի համարը			Ընդամենը
Ա	Բ		1
401	Ակտավորված նյութերի (դեպքերի) քանակը
402	Անտառային պահախմբի կողմից վարչական կարգով	տուգանման դեպքերի քանակը
403		գանձված տուգանքը, հազ. դրամ
404	Հետաքննությամբ վճռված տուգանքը, հազ. դրամ
405	որից` փաստացի գանձված է, հազ. դրամ
406	Այլ պատժամիջոցներով վճիռների քանակը
407	Բոլոր նյութերով առնչվող անձանց թվաքանակը

Կատարող ___________________ Հեռ. __________________ ____”________________ 200_թ.

Ղեկավար Անուն, ազգանուն ___________________ Պաշտոն _________________________ Ստորագրություն ____________________