«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302366

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

9 օգոստոսի 2002 թ. ք. Երևան

N 126-Ն

Ո Ր Ո Շ ՈՒ Մ

«ԲՈՒՍԱԲՈՒԾԱԿԱՆ ՄԹԵՐՔԻ ԱՐՏԱԴՐՈՒԹՅՈՒՆԸ» ԹԻՎ 1 (ԱՄՍԱԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Բուսաբուծական մթերքի արտադրությունը» թիվ 1 (ամսական) ընտրանքային հետազոտության հարցաթերթը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1 Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 126-Ն որոշմամբ

Հ Ր Ա Հ Ա Ն Գ

«ԲՈՒՍԱԲՈՒԾԱԿԱՆ ՄԹԵՐՔԻ ԱՐՏԱԴՐՈՒԹՅՈՒՆԸ» ԹԻՎ 1 (ԱՄՍԱԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բուսաբուծական մթերքի արտադրությունը» թիվ 1 (ամսական) ընտրանքային հետազոտության հարցաթերթի լրացման կարգը:

2. Հարցաթերթը լրացվում է վիճակագիրների կողմից, ընտրանքային դիտարկմամբ ընդգրկված գյուղացիական տնտեսություններում, որոնք այդ մասին նախապես տեղեկացվում են և վիճակագրության մարզային վարչության տարածքային բաժանմունքին է ներկայացվում հաշվետվության ձևի վրա նշված ժամկետներին և պարբերականությամբ:

3. Հարցաթերթի ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. Հարցաթերթի «Տարածությունը, հեկտար»` թիվ 1 և 2 սյունակների տվյալները, 1-29 տողերով, լրացվում են 0,01 ճշտությամբ, իսկ «Համախառն բերքը, ցենտներ»` թիվ 3; 4 և «1 հա-ի միջին բերքատվությունը, ցենտներ»` թիվ 5; 6 սյունակների տվյալները` 0,1 ճշտությամբ:

6. Օրինակ: Ենթադրենք տնտեսությունը կատարել է 8500 քմ հացահատիկային մշակաբույսերի ցանք, որից ոռոգվող` 4500 քմ և ստացել է 15 ցենտներ համախառն բերք, որից ոռոգվող տարածությունից` 10 ցենտներ: Այս դեպքում, հարցաթերթիկի թիվ 1 տողը լրացվում է հետևյալ կերպ. թիվ 1 սյունակ` 0,85, թիվ 2 սյունակ` 0,45, թիվ 3 սյունակ` 15, թիվ 4 սյունակ` 10, թիվ 5 սյունակ` 17,6 (15:0,85), թիվ 6 սյունակ` 22,2 (10:0,45): Նույն կերպ լրացվում են նաև մյուս բոլոր տողերը:

7. «Հացահատիկային և հատիկաընդեղենային մշակաբույսեր»` թիվ 1 տողը, բոլոր սյունակներով, լրացվում է աշնանացան և գարնանացան բոլոր տեսակի հացահատիկային և հատիկաընդեղենային մշակաբույսերի վերաբերյալ տվյալներով: Այս տողի տվյալները ներառում են թիվ 2 և թիվ 3 տողերի և այլ հացահատիկային մշակաբույսերի (դրանց առկայության դեպքում) տվյալների հանրագումարը:

8. «Ընդամենը բանջարեղեն»` թիվ 8 տողի տվյալները, թիվ 1; 2 և թիվ 3; 4 սյունակներով, ներառում են թիվ 9-12 տողերի և այլ բանջարանոցային մշակաբույսերի (դրանց առկայության դեպքում) տվյալների հանրագումարը:

9. «Պտուղ, ընդամենը»` թիվ 14 տողի տվյալները, թիվ 1; 2 և թիվ 3; 4 սյունակներով, պետք է հավասար լինեն «Կորիզավորներ»` թիվ 16, «Հնդավորներ»` թիվ 20 և «Մերձարևադարձային մշակաբույսեր և ընկուզապտուղներ»` թիվ 23 տողերի տվյալների գումարին:

10. «Կերային մշակաբույսեր, ընդամենը»` թիվ 26 տողի տվյալները լրացվում են միայն թիվ 1; 2 «Տարածությունը, ընդամենը», թիվ 3;4 «Համախառն բերքը, ցենտներ» սյունակների համար և ներառում են թիվ 27-29 տողերի և այլ կերային մշակաբույսերի (դրանց առկայության դեպքում) տվյալների հանրագումարը:

11. «Ծաղիկներ, հատ» թիվ 30 տողի տվյալները լրացվում են միայն «ընդամենը» թիվ 3 սյունակում:

Հարցաթերթ թիվ 1

ամսական

Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 126-Ն որոշմամբ

Մարզ_______________ Տնտեսության ծածկագիրը______________

Ներկայացվում է` վիճակագիրների կողմից Ներկայացման ժամկետը` հուլիսի 3-ին    օգոստոսի 3-ին    սեպտեմբերի 4-ին    հոկտեմբերի 5-ին    նոյեմբերի 5-ին    դեկտեմբերի 12-ին

 ԲՈՒՍԱԲՈՒԾԱԿԱՆ ՄԹԵՐՔԻ ԱՐՏԱԴՐՈՒԹՅՈՒՆԸ

200__ թ. _______________ դրությամբ

Տողի N	Մշակաբույսերի անվանումը	Տարածու- թյունը, հեկտար		Համախառն բերքը, ցենտներ		1 հա-ի միջին բերքատվու- թյունը, ցենտներ
		ընդա- մենը	որից` ոռոգ- վող	ընդա- մենը	որից` ոռոգվող ցանքատա- րածութ- յուն- ներից	ընդա- մենը	ոռոգվող ցանքատա- րածութ- յուն- ներից
Ա	Բ	1	2	3	4	5	6
1	Հացահատիկային և հատիկաընդեղենային մշակաբույսեր
2	այդ թվում` գարի
3	ցորեն
4	որից` աշնանացան ցորեն
5	Ծխախոտ
6	Խորդենի
7	Կարտոֆիլ
8	Բանջարեղեն, ընդամենը
9	այդ թվում` լոլիկ
10	վարունգ
11	կաղամբ
12	գլուխ սոխ
13	Բոստանային մշակաբույսեր
14	Պտուղ, ընդամենը
15	այդ թվում` բերքատու հասակի
16	կորիզավորներ
17	որից` ծիրան
18	դեղձ
19	սալոր
20	հնդավորներ
21	որից` խնձոր
22	տանձ
23	Մերձարևադարձային մշակաբույսեր և ընկուզապտուղներ
24	Խաղող, ընդամենը
25	այդ թվում` բերքատու հասակի
26	Կերային մշակաբույսեր, ընդամենը					X	X
27	այդ թվում` միամյա խոտ
28	բազմամյա խոտ
29	կերի արմատապտուղ
30	Ծաղիկներ (հատ)	X	X		X	X	X

Վիճակագիր`_________________________ անուն, ազգանուն, ստորագրություն

____ __________________ 200 թ.