ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

8 հոկտեմբերի 1996 թվականի N 548

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱՐԱՏԻ ՄԱՐԶՈՒՄ ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՀՐԱՄԱՆԱՏԱՐԱԿԱՆ ՇՏԱԲԱՅԻՆ ԶԻՆԱՎԱՐԺՈՒԹՅԱՆ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ՄԱՍԻՆ

Հայաստանի Հանրապետության Արմավիրի մարզի քաղաքացիական պաշտպանության համակարգի ղեկավար կազմի պատրաստականության և բնակչության պաշտպանության գործընթացի կատարելագործման նպատակով`

1. 1996 թվականի հոկտեմբերի 24-25-ը Արարատի մարզում «Քաղաքացիական պաշտպանության միջոցառումների կառավարումը Զովաշենի ջրամբարի ճեղքման վտանգի առաջացման և ճեղքման հետևանքների վերացման միջոցառումների իրականացումը» թեմայով անցկացնել քաղաքացիական պաշտպանության հրամանատարական շտաբային զինավարժություն` դրանում ընդգրկելով`

ա) Արարատի մարզպետին, Արարատի մարզպետարանը, Արարատի մարզի քաղաքացիական պաշտպանության և արտակարգ իրավիճակների շտաբը, քաղաքացիական պաշտպանության մարզային ծառայությունները և մարզի բնակչության տարահանման հանձնաժողովը.

բ) պատգամավորների Արարատի քաղաքային խորհրդի գործադիր կոմիտեն, Արարատի մարզի պատգամավորների Լանջազատի գյուղական խորհրդի գործադիր կոմիտեն և դրանց քաղաքացիական պաշտպանության ծառայությունները.

գ) Արտաշատ քաղաքի տեքստիլ-տրիկոտաժի ֆաբրիկան, բեռնաուղևորատար ավտոտրանսպորտային ձեռնարկությունը և Արարատ քաղաքի N 2 դպրոցը.

դ) դիտարկման և լաբորատոր հսկողության հանրապետական համակարգի և Արարատի մարզային համապատասխան հիմնարկները.

ե) Հայաստանի Հանրապետության արտակարգ իրավիճակների վարչության քաղաքացիական պաշտպանության գունդը` հատուկ մարտավարական զինավարժության ձևով:

2. Զինավարժության ղեկավարման պարտականությունը դնել Հայաստանի Հանրապետության քաղաքացիական պաշտպանության պետի տեղակալ, Հայաստանի Հանրապետության արտակարգ իրավիճակների վարչության պետ-նախարար Ս. Բադալյանի վրա:

3. Արարատի մարզպետին` մինչև 1996 թվականի հոկտեմբերի 20-ը`

ա) ճշտել արտակարգ իրավիճակներում գործելու` մարզի, ինչպես նաև մարզի օբյեկտների, քաղաքների, գյուղերի պլանները և բնակչության պաշտպանության միջոցառումների անցկացման կարգը.

բ) պատրաստության վիճակի բերել կառավարման, կապի և ազդարարման համակարգերը, դիտարկման և լաբորատոր հսկողության հանրապետական համակարգի և մարզային համապատասխան հիմնարկները.

գ) կազմակերպել քաղաքացիական պաշտպանության համակարգի ծառայությունների և ուժերի կազմի համալրման աշխատանքները` համապատասխան մասնագետների մասնակցությամբ.

դ) զինավարժության մասնակիցների հետ նախապատրաստել և անցկացնել շտաբային վարժանքներ` «Բնակչության մասնակի տարահանման կազմակերպման և անցկացման կարգը» թեմայով:

4. Հայաստանի Հանրապետության կապի նախարարությանը` մինչև 1996 թվականի հոկտեմբերի 20-ը ապահովել Արարատի մարզի կապի և ազդարարման համակարգի օբյեկտների պատրաստությունը` քաղաքացիական պաշտպանության կառավարման մարմինների և բնակչության ազդարարումն իրականացնելու համար:

5. Առաջարկել Հայկոոպի վարչությանը և հանձնարարել Հայաստանի Հանրապետության առողջապահության նախարարության, արդյունաբերության նախարարության, առևտրի, սպասարկումների և զբոսաշրջիկության նախարարության, բնապահպանության և ընդերքի նախարարության, գյուղատնտեսության և պարենի նախարարության, կապի նախարարության, էներգետիկայի նախարարության, ներքին գործերի նախարարության, տրանսպորտի և հաղորդակցության նախարարության, քաղաքաշինության նախարարության քաղաքացիական պաշտպանության պետերին` մինչև զինավարժության սկիզբը`

ա) ճշտել գերատեսչական և ենթակա օբյեկտների արտակարգ իրավիճակներում գործելու պլանները.

բ) քաղաքացիական պաշտպանության ծառայությունների և ուժերի կազմը համալրել համապատասխան մասնագետներով և զինավարժության նախապատրաստման նպատակով անցկացնել վարժանքներ ու պարապմունքներ.

գ) զինավարժության ղեկավարման շտաբին տրամադրել քաղաքացիական պաշտպանության հարցերի գծով մեկական մասնագետ, որպես միջնորդ` զինավարժության ղեկավարման շտաբում համապատասխան ծառայության հարցերի լուծման համար:

6. Հայաստանի Հանրապետության արտակարգ իրավիճակների վարչությանը`

ա) ստեղծել զինավարժության անցկացման ղեկավարման շտաբ և մինչև 1996 թվականի հոկտեմբերի 5-ը ավարտել զինավարժության անցկացման անհրաժեշտ փաստաթղթերի մշակման աշխատանքները.

բ) սույն որոշման ցուցումների մասին ծանուցել զինավարժության մասնակից բոլոր շահագրգիռ կողմերի ղեկավարներին.

գ) մինչև 1996 թվականի հոկտեմբերի 15-ը զինավարժության ղեկավարման շտաբի անձնակազմի և միջնորդների հետ զինավարժության ծրագրով անցկացնել համապատասխան հրահանգչական պարապմունքներ.

դ) մինչև 1996 թվականի նոյեմբերի 15-ը զինավարժության անցկացման արդյունքների մասին ամփոփ զեկուցագիր ներկայացնել Հայաստանի Հանրապետության վարչապետին:

7. Զինավարժության ընթացքում իրականացնել`

ա) Արարատի մարզի քաղաքացիական պաշտպանության ղեկավար կազմի կենտրոնացված ազդարարումը և հավաքը.

բ) Արարատի մարզի բնակչության ազդարարումը (մասնակի) քաղաքացիական պաշտպանության ազդանշաններով.

գ) ընդհանուր հետախուզում` ավտոմոբիլային միջոցներով և հետիոտն ձևով.

դ) բնակչության տարահանումն անվտանգ գոտիներ (մասնակի).

ե) տարահանման հանձնաժողովի աշխատանքի ծավալումն Արտաշատ քաղաքում.

զ) դիտարկման և լաբորատոր հսկողության գլխամասային և Արարատի մարզային հիմնարկների աշխատանքների ծավալումը:

Հայաստանի Հանրապետության վարչապետ

Հ. ԲԱԳՐԱՏյան