041.0692.15.11.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

15 նոյեմբերի 1999 թվականի N 692
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿԱՌԱՎԱՐՄԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՀԱՆՁՆԱԺՈՂՈՎԻ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԲԱՐԵՓՈԽՈՒՄՆԵՐԻ ԱՇԽԱՏԱՆՔԱՅԻՆ ԽՄԲԻ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության վարչապետի 1999 թվականի սեպտեմբերի 3-ի «Հայաստանի Հանրապետության պետական կառավարման համակարգի բարեփոխումների առաջնահերթ միջոցառումների մասին» N 544 որոշման`

1. Հաստատել Հայաստանի Հանրապետության պետական կառավարման համակարգի բարեփոխումների հանձնաժողովի քաղաքացիական ծառայության բարեփոխումների աշխատանքային խմբի հետևյալ անհատական կազմը`

Ա. Պետրոսյան	- ՀՀ արդարադատության նախարարի տեղակալ (խմբի ղեկավար)
Ա. Գևորգյան	- ՀՀ Նախագահի առաջին օգնական, ՀՀ Նախագահի աշխատակազմի ղեկավարի առաջին տեղակալ
Կ. Հայրապետյան	- ՀՀ կառավարության աշխատակազմի սոցիալական հարցերի վարչության պետ
Ս. Եղիազարյան	- ՀՀ ֆինանսների նախարարության սոցիալական ոլորտի բյուջետային ծախսերի ֆինանսական ծրագրերի վարչության պետի տեղակալ
Ա. Ծատուրյան	- ՀՀ արդարադատության նախարարության միջազգային- իրավական հարաբերությունների վարչության գլխավոր խորհրդատու (խմբի քարտուղար)

2. Ուժը կորցրած ճանաչել Հայաստանի Հանրապետության վարչապետի 1995 թվականի դեկտեմբերի 28-ի «Հայաստանի Հանրապետության կառավարման համակարգում կառուցվածքային բարեփոխումների գործընթացն արագացնելու նպատակով ստեղծված միջգերատեսչական հանձնաժողով ստեղծելու մասին» N 366 որոշման (Հայաստանի Հանրապետության վարչապետի 1996 թվականի հուլիսի 20-ի N 435 որոշման խմբագրությամբ) 1-ին կետը և 1998 թվականի հուլիսի 22-ի «Աշխատանքային խումբ ստեղծելու մասին» N 436 որոշումը:

Հայաստանի Հանրապետության վարչապետ

Ա. Սարգսյան