ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

21 օգոստոսի 1996 թվականի N 472

քաղ. Երևան

ԶԻՆԾԱՌԱՅՈՂՆԵՐԻ ԿԵՆՍԱԹՈՇԱԿՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԱՇԽԱՏԱՆՔՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՈՑԻԱԼԱԿԱՆ ԱՊԱՀՈՎՈՒԹՅԱՆ, ԶԲԱՂՎԱԾՈՒԹՅԱՆ, ԲՆԱԿՉՈՒԹՅԱՆ ՏԵՂԱՇԱՐԺԻ ԵՎ ՓԱԽՍՏԱԿԱՆՆԵՐԻ ՀԱՐՑԵՐԻ ՆԱԽԱՐԱՐՈՒԹՅՈՒՆՈՒՄ ԿԵՆՏՐՈՆԱՑՆԵԼՈՒ ՄԱՍԻՆ

1. Զինծառայողների կենսաթոշակների հաշվարկման և վճարման աշխատանքները Հայաստանի Հանրապետության սոցիալական ապահովության, զբաղվածության, բնակչության տեղաշարժի և փախստականների հարցերի նախարարությունում կենտրոնացնելու և այդ գործում միասնական քաղաքականություն իրականացնելու նպատակով Հայաստանի Հանրապետության սոցիալական ապահովության, ԶԲԱՂՎԱԾՈՒԹՅԱՆ, բնակչության տեղաշարժի և փախստականների հարցերի նախարարության կենտրոնական ապարատի աշխատողների թվաքանակն ավելացնել 8 միավորով` նախարարության կենտրոնական ապարատի կենսաթոշակային ապահովության վարչության կազմում ենթաստորաբաժին ստեղծելու նպատակով:

2. Գաղտնի:

3. Ընդունել ի գիտություն, որ փոխադրման կարգով Հայաստանի Հանրապետության սոցիալական ապահովության, զբաղվածության, բնակչության տեղաշարժի և փախստականների հարցերի նախարարություն տեղափոխված զինծառայողների համար պահպանվում են աշխատանքի վարձատրության գործող պայմանները և Հայաստանի Հանրապետության օրենսդրությամբ սահմանված այլ արտոնություններ:

4. Հայաստանի Հանրապետության ֆինանսների նախարարությանը` սույն որոշումից բխող փոփոխություններ կատարել Հայաստանի Հանրապետության համապատասխան նախարարությունների 1996 թվականի ծախսերի նախահաշիվներում:

Հայաստանի Հանրապետության վարչապետ

Հ. ԲԱԳՐԱՏյան