Գլխավոր տեղեկություն
Համար
N 650-Ն
Տիպ
Որոշում
Ակտի տիպ
Base act (27.06.2005-till now)
Կարգավիճակ
Գործում է
Սկզբնաղբյուր
ՀՀՊՏ 2005.06.17/38(410) Հոդ.720
Ընդունող մարմին
ՀՀ կառավարություն
Ընդունման ամսաթիվ
19.05.2005
Ստորագրող մարմին
ՀՀ վարչապետ
Ստորագրման ամսաթիվ
30.05.2005
Վավերացնող մարմին
ՀՀ Նախագահ
Վավերացման ամսաթից
08.06.2005
Ուժի մեջ մտնելու ամսաթիվ
27.06.2005

«Վավերացնում եմ»
Հայաստանի Հանրապետության
Նախագահ Ռ. Քոչարյան
8 հունիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 մայիսի 2005 թվականի N 650-Ն

ՀԱՇՎԵԿՇՌԱՅԻՆ ԱՐԺԵՔ ՉՈՒՆԵՑՈՂ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՀԱՇՎԵԿՇՌԱՅԻՆ ԱՐԺԵՔՆԵՐԻ ՈՐՈՇՄԱՆ ԿԱՐԳԸ ՀԱՍՏԱՏԵԼՈՒ ԵՎ ԴՐԱՆՔ ՀԱՄԱՅՆՔՆԵՐԻՆ ՀԱՆՁՆԵԼՈՒ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ

Հաշվեկշռային արժեք չունեցող անավարտ շինարարության օբյեկտների հաշվեկշռային արժեքների որոշման և դրանք համայնքներին հանձնելու գործընթացը կանոնակարգելու նպատակով` Հայաստանի Հանրապետության կառավարությունը որոշում է.

1. Հաստատել`

ա) հաշվեկշռային արժեք չունեցող անավարտ շինարարության օբյեկտների հաշվեկշռային արժեքների որոշման կարգը` համաձայն N 1 հավելվածի.

բ) հաշվեկշռային արժեք չունեցող անավարտ շինարարության օբյեկտների միակողմանի ընդունման ակտի ձևը` համաձայն N 2 հավելվածի։

2. Առաջարկել Հայաստանի Հանրապետության տեղական ինքնակառավարման մարմիններին իրենց սեփականությունը հանդիսացող` հաշվեկշռային արժեք չունեցող անավարտ շինարարության օբյեկտների հաշվեկշռային արժեքները որոշելիս առաջնորդվել սույն որոշման 1-ին կետով սահմանված կարգով:

3. Սահմանել, որ հաշվեկշռային արժեք չունեցող անավարտ շինարարության օբյեկտները հաշվեկշիռ ընդունվում են Հայաստանի Հանրապետության մարզպետարանների (Երևանում` Երևանի քաղաքապետարանի) և համապատասխան համայնքի կողմից առաջադրվող անդամներից կազմված հանձնաժողովի կողմից` սույն որոշման 2-րդ կետով հաստատված միակողմանի ընդունման ակտի միջոցով:

4. Հայաստանի Հանրապետության քաղաքաշինության նախարարին` սույն որոշումն ուժի մեջ մտնելուց հետո մեկամսյա ժամկետում հաստատել Հայաստանի Հանրապետության տարածքում կառուցվող շենքերի, կառուցվածքների և շինարարական աշխատանքների տեսակների արժեքի խոշորացված ցուցանիշները:

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
վարչապետ

 Ա. Մարգարյան


2005 թ. մայիսի 30
Երևան
     

Հավելված N 1
ՀՀ կառավարության 2005 թվականի
մայիսի 19-ի N 650-Ն որոշման


Կ Ա Ր Գ

ՀԱՇՎԵԿՇՌԱՅԻՆ ԱՐԺԵՔ ՉՈՒՆԵՑՈՂ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՀԱՇՎԵԿՇՌԱՅԻՆ ԱՐԺԵՔՆԵՐԻ ՈՐՈՇՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է հաշվեկշռային արժեք չունեցող անավարտ շինարարության օբյեկտների (այսուհետ` անավարտ շինարարության օբյեկտներ) հաշվեկշռային արժեքների որոշման կարգը:

2. Սույն կարգը չի տարածվում մասնավորեցման ենթակա անավարտ շինարարության օբյեկտների գնահատման գործընթացի վրա:

3. Անավարտ շինարարության օբյեկտների հաշվեկշռային արժեքների որոշումը նախապատրաստական և հաշվեկշռային արժեքների որոշման աշխատանքների իրականացումն է:

4. Անավարտ շինարարության օբյեկտների հաշվեկշռային արժեքների որոշման նախապատրաստական աշխատանքները ներառում են հետևյալ գործողությունները՝

ա) օբյեկտների տեղազննում, գույքագրում և իրականացված աշխատանքների ծավալի որոշում,

բ) օբյեկտների վերաբերյալ տեխնիկական փաստաթղթերի ուսումնասիրում,

գ) հավաքագրված տեղեկատվական տվյալների մշակում և վերլուծություն,

դ) հաշվարկների կատարում և հաշվեկշռային արժեքների որոշման համար անհրաժեշտ տվյալների փաթեթի կազմում:

5. Անավարտ շինարարության օբյեկտների հաշվեկշռային արժեքների որոշման նախապատրաստական աշխատանքների ընթացքում, անհրաժեշտության դեպքում, այդ օբյեկտների գործառնական (ֆունկցիոնալ) մաշվածության և (կամ) շինարարության ընդհատման վաղեմության որոշման հետ կապված կարող են հրավիրվել համապատասխան մասնագիտացված կազմակերպության փորձագետներ:

6. Անավարտ շինարարության օբյեկտների հաշվեկշռային արժեքների որոշման պահ է համարվում համապատասխան մարմնի (մարզպետի, Երևանի քաղաքապետի, համայնքի ղեկավարի) կողմից եզրափակիչ ակտը հաստատելու օրը:

7. Անավարտ շինարարության օբյեկտների հաշվեկշռային արժեքների որոշման նպատակով համապատասխան մարմնի (մարզպետի, Երևանի քաղաքապետի, համայնքի ղեկավարի) հրամանով ստեղծվում է հաշվեկշռային արժեքների որոշման հանձնաժողով (այսուհետ` հանձնաժողով):

II. ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՀԱՇՎԵԿՇՌԱՅԻՆ ԱՐԺԵՔՆԵՐԻ ՈՐՈՇՈՒՄԸ

8. Անավարտ շինարարության օբյեկտների հաշվեկշռային արժեքը որոշվում է հետևյալ բանաձևով՝

Ա = Ավ - Մ

(1)

որտեղ`

Ա-ն անավարտ շինարարության օբյեկտի հաշվեկշռային արժեքն է,

Ավ-ն անավարտ շինարարության օբյեկտի վրա կատարված ծախսերի վերականգնման արժեքն է,

Մ-ն մաշվածությունն է:

9. Ավ` անավարտ շինարարության օբյեկտի վրա կատարված ծախսերի վերականգնման արժեքը կատարված ուղղակի և անուղղակի ծախսերի հանրագումարն է և որոշվում է հետևյալ բանաձևով՝

Ավ = Ծու + Ծա

(2)

որտեղ`

Ծու-ն ուղղակի ծախսերն են,

Ծա-ն անուղղակի ծախսերն են:

ա) ուղղակի ծախսերը (Ծու) համաշինարարական աշխատանքների միավորի կառուցման արժեքի և կատարված աշխատանքների ծավալի արտադրյալն է և որոշվում է հետևյալ բանաձևով՝

Ծու = Ամ * Ծ 

(3)

որտեղ`

Ամ-ն համաշինարարական աշխատանքների միավորի կառուցման արժեքն է, որը հավասար է Հայաստանի Հանրապետության տարածքում կառուցվող շենքերի, կառուցվածքների և շինարարական աշխատանքների տեսակների արժեքի խոշորացված ցուցանիշներին, իսկ եթե վերջինով ցուցանիշներ սահմանված չեն, ապա այդ ցուցանիշները կիրառվում են համանմանության սկզբունքով:

Ծ-ն կատարված աշխատանքների ծավալն է.

բ) անուղղակի ծախսերը (նախագիծ, նախագծի հետ կապված աշխատանքներ, փորձաքննություն, իրավաբանական, ապահովագրական) (Ծա) կազմում են ուղղակի ծախսերի 7 տոկոսը:

10. Մ-ն անավարտ շինարարության օբյեկտների մաշվածությունն է, որը որոշվում է հետևյալ բանաձևով`

Մ = Ավ * (Մտ + Մֆ)

(4)

որտեղ`

Մտ-ն մաշվածությունն է հետևյալ տոկոսներով` հիմք ընդունելով շինարարության ընդհատման վաղեմությունը`

Շինարարության ընդհատման վաղեմությունը

Մաշվածությունը` տոկոսներով
(Մտ)

Մինչև 5 տարի

0

5-ից մինչև 10 տարի

18

10-ից մինչև 15 տարի

36

15-ից մինչև 20 տարի

54

25-ից մինչև 30 տարի

72

30 տարվանից ավելի

90

Մֆ-ն գործառնական (ֆունկցիոնալ) մաշվածությունն է, ընդ որում`

ա) (Մտ + Մֆ) -ն չի կարող մեծ լինել 100-ից,

բ) սույն կարգի 5-րդ կետով սահմանված կարգով անավարտ շինարարության օբյեկտների գործառնական (ֆունկցիոնալ) մաշվածության որոշման հետ կապված համապատասխան մասնագիտացված կազմակերպության փորձագետների եզրակացության բացակայության դեպքում`
Մֆ = 0:

III. ՀԱՇՎԵԿՇՌԱՅԻՆ ԱՐԺԵՔՆԵՐԻ ՈՐՈՇՄԱՆ ԱՐԴՅՈՒՆՔՆԵՐԻ ՁԵՎԱԿԵՐՊՈՒՄԸ

11. Սույն կարգի համաձայն անավարտ շինարարության օբյեկտների հաշվեկշռային արժեքների որոշման արդյունքները ձևակերպվում են համապատասխան ակտով, որը ստորագրում են գնահատող հանձնաժողովի բոլոր անդամները և հաստատում է համապատասխան մարմնի ղեկավարը:

12. Անավարտ շինարարության օբյեկտների հաշվեկշռային արժեքների որոշման տվյալների փաթեթը կազմվում է անավարտ շինարարության օբյեկտի գտնվելու վայրում` դրա տեղազննման, գույքագրման, իրականացված աշխատանքների ծավալի որոշման և օբյեկտի մասին տեխնիկական փաստաթղթերի ուսումնասիրության ընթացքում, որն ստորագրում են հանձնաժողովի բոլոր անդամները և հաստատում է համապատասխան մարմնի ղեկավարը (մարզպետը, Երևանի քաղաքապետը, համայնքի ղեկավարը):


Հայաստանի Հանրապետության
կառավարության աշխատակազմի
ղեկավար-նախարար		 Մ. Թոփուզյան


Հավելված N 2
ՀՀ կառավարության 2005 թվականի
մայիսի 19-ի N 650-Ն որոշման

 

Ձև

Ա Կ Տ

 

ՀԱՇՎԵԿՇՌԱՅԻՆ ԱՐԺԵՔ ՉՈՒՆԵՑՈՂ ԱՆԱՎԱՐՏ ՇԻՆԱՐԱՐՈՒԹՅԱՆ

ՕԲՅԵԿՏՆԵՐԻ ՄԻԱԿՈՂՄԱՆԻ ԸՆԴՈՒՆՄԱՆ

 

______________________-ի 2005 թ. ___________ ի N _____

հրամանով ստեղծված հանձնաժողովը (այսուհետև` հանձնաժողով) ստորագրեց սույն

ակտն այն մասին, որ հանձնաժողովը միակողմանի ընդունեց ՀՀ կառավարության

______ թվականի _______ ի N ____ որոշմամբ ___________ համայնքին

հանձնված _____ հաշվեկշռային արժեք ունեցող` _____ ______ հասցեում

գտնվող _______________________ անավարտ շինարարության օբյեկտը

(այսուհետ` օբյեկտ):

Կատարվեց տարածքի զննում:

Ստուգման արդյունքում պարզվեց, որ օբյեկտը _______ հարկանի է:

1. Հիմքերը՝ _____________________________________________:

2. Պատերը և դրանց արտաքին հարդարանքը՝ ________________________:

միջնապատերը՝ ___________________________________________:

3. Ծածկերը (վերնահարկային, միջհարկային, նկուղային)՝ ______________:

4. Տանիքը՝ ______________________________________________:

5. Հատակը՝ ______________________________________________:

6. Որմնախորշերը (պատուհանների և դռների)՝ ________________________:

7. Ներքին հարդարանքը՝ ______________________________________:

8. Սանիտարական և էլեկտրատեխնիկական սարքավորումը`

ջեռուցումը՝ ______________________________________________,

ջրագիծը՝ ________________________________________________,

կոյուղին՝ ________________________________________________,

էլեկտրալուսավորությունը՝______________________________________,

օդափոխությունը՝ ___________________________________________,

վերելակները՝ ______________________________________________:

9. Այլ աշխատանքներ _________________________________________:

 

Գույքն ընդունեց

________________________

________________________

(ստորագրությունը)

 (պաշտոնը, անունը, ազգանունը)

________________________

________________________

(ստորագրությունը)

 (պաշտոնը, անունը, ազգանունը)

________________________

________________________

(ստորագրությունը)

 (պաշտոնը, անունը, ազգանունը)

________________________

________________________

(ստորագրությունը)

 (պաշտոնը, անունը, ազգանունը)

________________________

________________________

(ստորագրությունը)

 (պաշտոնը, անունը, ազգանունը)

 

____ _______________ 200 թ.

 


Հայաստանի Հանրապետության
կառավարության աշխատակազմի
ղեկավար-նախարար		 Մ. Թոփուզյան