«Վավերացնում եմ»
Հայաստանի Հանրապետության
Նախագահ Ռ. Քոչարյան
 18 հունվարի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 դեկտեմբերի 2004 թվականի N 1879-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՕԳՈՍՏՈՍԻ 22-Ի N 1406-Ն, 2003 ԹՎԱԿԱՆԻ ՍԵՊՏԵՄԲԵՐԻ 11-Ի N 1298-Ն ԵՎ ՆՈՅԵՄԲԵՐԻ 27-Ի N 1549-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի օգոստոսի 22-ի «Պետական ոչ առևտրային կազմակերպություն ստեղծելու մասին» N 1406-Ն որոշման մեջ կատարել հետևյալ փոփոխությունը և լրացումները`

ա) որոշման ամբողջ տեքստում «Հայաստանի ազգային արխիվային ֆոնդ (հավաքածու)» բառերը փոխարինել «Հայաստանի Հանրապետության արխիվային հավաքածու» բառերով` ըստ հոլովառության.

բ) որոշման 1³-ին կետով հաստատված կանոնադրության`

2-րդ կետում «Հայաստանի ազգային արխիվային ֆոնդի մասին» բառերը փոխարինել «Արխիվային գործի մասին» բառերով.

10-րդ կետը լրացնել հետևյալ բովանդակությամբ նոր` «ժզ» և «ժէ» ենթակետերով.

«ժզ) իրականացնում է իրավաբանական և ֆիզիկական անձանց սեփականությունը համարվող փաստաթղթերի փորձաքննությամբ արժեքավորում.

ժէ) կազմում է իր համալրման աղբյուրների ցանկերը».

գ) ուժը կորցրած ճանաչել որոշման 10-րդ կետը:

2. Հայաստանի Հանրապետության 2003 թվականի սեպտեմբերի 11-ի «Հայաստանի Հանրապետության մշակույթի և երիտասարդության հարցերի նախարարության կանոնադրությունը և աշխատակազմի կառուցվածքը հաստատելու մասին» N 1298-Ն որոշման մեջ կատարել հետևյալ փոփոխությունները`

ա) որոշման 1-ին կետով հաստատված կանոնադրության 8-րդ կետի «զ» և «է» ենթակետերը շարադրել հետևյալ խմբագրությամբ.

«զ) սահմանում է`

Հայաստանի Հանրապետության արխիվային հավաքածուի՝ պետության սեփականությունը համարվող փաստաթղթերի պահպանության կարգը,

Հայաստանի Հանրապետության արխիվային հավաքածուի՝ պետության սեփականությունը համարվող փաստաթղթերի օգտագործման կարգը,

արխիվային փաստաթղթերի կարգավորման և պետական արխիվներ հանձնման կարգը,

պետական մարմինների, պետական հիմնարկների և կազմակերպությունների փորձագիտական հանձնաժողովների օրինակելի կանոնակարգը.

է) ընդունում է որոշում Հայաստանի Հանրապետության արխիվային հավաքածուի փաստաթղթերն առանձնապես արժեքավոր և հազվագյուտ ճանաչելու մասին»։

3. Հայաստանի Հանրապետության կառավարության 2003 թվականի նոյեմբերի 27-ի «Հայաստանի Հանրապետության մշակույթի, արխիվային գործի, պատմության և մշակույթի անշարժ հուշարձանների պահպանության ու օգտագործման բնագավառներում կառավարումն իրականացնող լիազորված մարմնին իրավասություններ վերապահելու և Հայաստանի Հանրապետության կառավարության 1998 թվականի ապրիլի 6-ի N 229 ու 2001 թվականի նոյեմբերի 17-ի N 1112 որոշումներն ուժը կորցրած ճանաչելու մասին» N 1549-Ն որոշման մեջ կատարել հետևյալ փոփոխությունը`

որոշման նախաբանում «Հայաստանի Հանրապետության ազգային արխիվային ֆոնդի մասին» բառերը փոխարինել «Արխիվային գործի մասին» բառերով։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2005 թ. հունվարի 10 Երևան