«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

26 փետրվարի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 դեկտեմբերի 2003 թվականի N 1939-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԵՎՐՈՊԱԿԱՆ ՄԻՈՒԹՅԱՆ ԵՐԿՐՆԵՐ ՁԿԱՆ, ՁԿՆԱՄԹԵՐՔԻ ԵՎ ՋՐԱՅԻՆ ԾԱԳՈՒՄ ՈՒՆԵՑՈՂ ԱՐՏԱԴՐԱՆՔԻ ԱՐՏԱՀԱՆՄԱՆ ՀԱՄԱՐ ՊԱՀԱՆՋՎՈՂ ԱՌՈՂՋՈՒԹՅԱՆ ՍԵՐՏԻՖԻԿԱՏԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2003 թվականի հոկտեմբերի 8-ի N 1270-Ն որոշման 2-րդ կետի` Հայաստանի Հանրապետության կառավարությունը որոշում է.

1. Հաստատել`

ա) Հայաստանի Հանրապետությունից Եվրոպական միության երկրներ ձկան, ձկնամթերքի և ջրային ծագում ունեցող արտադրանքի արտահանման համար պահանջվող առողջության սերտիֆիկատի տրամադրման կարգը` համաձայն N 1 հավելվածի.

բ) Հայաստանի Հանրապետությունից Եվրոպական միության երկրներ ձկան, ձկնամթերքի և ջրային ծագում ունեցող արտադրանքի արտահանման առողջության սերտիֆիկատի ձևը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2004 թ. փետրվարի 20 Երևան

Հավելված N 1 ՀՀ կառավարության 2003 թվականի դեկտեմբերի 24-ի N 1939-Ն որոշման

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԵՎՐՈՊԱԿԱՆ ՄԻՈՒԹՅԱՆ ԵՐԿՐՆԵՐ ՁԿԱՆ, ՁԿՆԱՄԹԵՐՔԻ ԵՎ ՋՐԱՅԻՆ ԾԱԳՈՒՄ ՈՒՆԵՑՈՂ ԱՐՏԱԴՐԱՆՔԻ ԱՐՏԱՀԱՆՄԱՆ ՀԱՄԱՐ ՊԱՀԱՆՋՎՈՂ ԱՌՈՂՋՈՒԹՅԱՆ ՍԵՐՏԻՖԻԿԱՏԻ ՏՐԱՄԱԴՐՄԱՆ

1. Սույն կարգով սահմանվում է ձկան, ձկնամթերքի և ջրային ծագում ունեցող արտադրանքի (այսուհետ` ձկնամթերք) արտահանման համար պահանջվող առողջության սերտիֆիկատի տրամադրման ընթացակարգը:

2. Սույն կարգի գործողությունը տարածվում է Հայաստանի Հանրապետությունից Եվրոպական միության երկրներ արտահանվող ձկնամթերքի վրա:

3. Առողջության սերտիֆիկատը մարդու կյանքի և առողջության համար ձկնամթերքի անվտանգությունը հաստատող փաստաթուղթ է, որը տրվում է իրավաբանական անձանց, անհատ ձեռնարկատերերին (այսուհետ` հայտատու)` սույն կարգով նախատեսված փաստաթղթերի հիման վրա:

4. Առողջության սերտիֆիկատ ստանալու համար հայտատուները լիազոր մարմին են ներկայացնում հետևյալ փաստաթղթերը`

ա) առողջության սերտիֆիկատ ստանալու մասին հայտ` նշելով իրավաբանական անձանց համար` իրավաբանական անձի անվանումը, կազմակերպական-իրավական ձևը, գտնվելու վայրը, իսկ անհատ ձեռնարկատիրոջ համար` անունը, ազգանունը, բնակության վայրը.

բ) սննդամթերքի արտադրության լիցենզիայի պատճենը (եթե արտահանող հայտատուն նաև արտադրանք արտադրողն է).

գ) արտադրողի կողմից հաստատված և սահմանված կարգով գրանցված արտադրանքի նորմատիվ-տեխնիկական փաստաթղթերի (տեխնիկական պայմանների) պատճենները.

դ) արտադրողի կողից հաստատված` արտադրության տեխնոլոգիական գործընթացի և ռեժիմի նկարագիրը.

ե) ձկնամթերքի անվտանգությունը հավաստող լաբորատոր փորձաքննության արդյունքները` տրված հավատարմագրված փորձարկման լաբորատորիայի կողմից.

զ) եզրակացություն արտադրության սանիտարահիգիենիկ պայմանների և ձկնամթերքի անվտանգության հիգիենիկ գնահատման մասին.

է) անասնաբուժական ծառայության կողմից տրված անասնաբուժական համապատասխան վկայական.

ը) ձկնամթերքի ծագման հավաստագիր.

թ) Հայաստանի Հանրապետության տարածքից վայրի կենդանիների արտահանման թույլտվություն:

5. Արտադրության սանիտարահիգիենիկ պայմանների և ձկնամթերքի անվտանգության հիգիենիկ գնահատումը կատարվում է Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչության կողմից:

6. Առողջության սերտիֆիկատը տրամադրվում է լիազոր մարմնի կողմից` առողջության սերտիֆիկատ ստանալու մասին հայտը ներկայացվելու օրվանից 10 աշխատանքային օրվա ընթացքում:

7. Առողջության սերտիֆիկատի տրամադրումը մերժվում է, եթե`

ա) ներկայացվող փաստաթղթերը լրիվ չեն,

բ) մարդու կյանքի և առողջության համար ձկնամթերքի անվտանգության ցուցանիշները չեն համապատասխանում ընդունված անվտանգության նորմերին:

8. Առողջության սերտիֆիկատը տրամադրվում է արտահանվող ձկնամթերքի յուրաքանչյուր խմբաքանակի համար:

9. Առողջության սերտիֆիկատի տրամադրման մերժումը կարող է բողոքարկվել դատական կարգով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2003 թվականի դեկտեմբերի 24-ի N 1939-Ն որոշման

Ձև

Ա Ռ Ո Ղ Ջ ՈՒ Թ Յ Ա Ն   Ս Ե Ր Տ Ի Ֆ Ի Կ Ա Տ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԵՎՐՈՊԱԿԱՆ ՄԻՈՒԹՅԱՆ ԵՐԿՐՆԵՐ ՁԿԱՆ, ՁԿՆԱՄԹԵՐՔԻ ԵՎ ՋՐԱՅԻՆ ԾԱԳՈՒՄ ՈՒՆԵՑՈՂ ԱՐՏԱԴՐԱՆՔԻ ԱՐՏԱՀԱՆՄԱՆ

Տեղեկատու N ______________________

Արտահանող երկիր
Լիազոր մարմին (անվանումը, հասցեն)	Հայաստանի Հանրապետության առողջապահության նախարարություն

I. Ձուկը, ձկնամթերքը և ջրային ծագում ունեցող արտադրանքը (այսուհետ` ձկնամթերք) բնութագրող մանրամասն տվյալները

Ձկնամթերքի նկարագրությունը ______________________________ Տեսակը (գիտական անվանումը) ______________________________ Ձկնամթերքի տեսքը և վերամշակման ձևը (կենդանի, պաղեցրած, սառեցրած, աղ դրված, ծխեցրած, պահածոյացված և այլն) ______________________ Ծածկագիրը (առկայության դեպքում) ___________________________ Փաթեթավորման տեսակը ___________________________________ Փաթեթների, արկղերի թիվը _________________________________ Մաքուր քաշը _________________________________________ Պահեստավորման և փոխադրման համար պահանջվող ջերմաստիճանը _______

II. Արտադրանքի ծագումը

Եվրոպական միության երկրներ արտահանելու համար լիազոր մարմնի կողմից հաշվառված կազմակերպության (կազմակերպությունների), գործարան-նավի (գործարան-նավերի), սառցապահեստի (սառցապահեստների) կամ սառնարան-նավի (սառնարան-նավերի) անվանումը (անվանումները) և պաշտոնական թույլտվության (գրանցման) համարը (համարները)

_________________________________________________ _________________________________________________

III. Արտադրանքի արտահանման վայրը

Արտադրանքն արտահանվում է ______________________________

________________________________________________-ից

                        (արտահանող երկրի և վայրի անվանումները)

__________________________________________________

                         (ներմուծող երկրի և վայրի անվանումները)

հետևյալ փոխադրամիջոցներով _______________________________

Արտահանողի անունը և հասցեն ______________________________

___________________________________________________

Ներմուծման վայրում ստացողի անվանումը և հասցեն __________________

____________________________________________________

IV. Առողջապահական հավաստում

Հայաստանի Հանրապետության առողջապահության նախարարության պաշտոնատար անձը սույն առողջության սերտիֆիկատով հավաստում է, որ նշված ձկնամթերքը`

ա) որսվել, ցամաք է հանվել, անհրաժեշտության դեպքում փաթեթավորվել, մակնշվել, նախապատրաստվել, վերամշակվել, սառեցվել, պահպանվել և տեղափոխվել է Եվրոպական միության խորհրդի 91/493/EEC (22 հուլիսի 1991 թ.) ուղեցույցի պահանջներին համապատասխան, ձկնամթերքի արտադրության և շուկա արտահանման համար նախատեսված սանիտարական պայմաններում.

բ) առողջության անվտանգության համար հետազոտվել է Եվրոպական միության խորհրդի 91/493/EEC ուղեցույցի պահանջներին համապատասխան.

գ) չի ծագում թունավոր կամ կենսաթույներ պարունակող տարատեսակներից:

Սառեցված կամ վերամշակված երկփեղկավոր կակղամորթերի արտահանման համար դրանց որսը կատարվել է բուծման տարածքից Եվրոպական միության խորհրդի 91/492/EEC (15 հուլիսի 1991 թ.) ուղեցույցի պահանջներին համապատասխան, երկփեղկավոր կակղամորթերի արտադրման և շուկա արտահանման համար նախատեսված սանիտարական պայմաններում:

Ներքոստորագրյալ պաշտոնատար անձը սույն առողջության սերտիֆիկատով հայտարարում է, որ իրազեկ է Եվրոպական միության խորհրդի 91/492/EEC և 91/493/EEC ուղեցույցների պահանջներին, ինչպես նաև Եվրոպական միության խորհրդի 97/296/EC որոշմանը:

Տրված է` _______________________   _________________________                  (վայրի անվանումը)                                 (ամսաթիվը, ամիսը, տարեթիվը)   Կ.Տ. _____________________________________________________ (ՀՀ առողջապահության նախարարության պաշտոնատար անձի պաշտոնը)   ______________________________________________________ (ստորագրությունը, անունը, ազգանունը (տպատառերով)

Կնիքի և ստորագրության գույնը պետք է տարբերվի սերտիֆիկատում կատարված գրառումների գույնից:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան