«Վավերացնում եմ»

Հայաստանի Հանրապետության

Նախագահ Ռ. Քոչարյան

20 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 սեպտեմբերի 2004 թվականի N 1273-Ն

ՏՐԱՆՍՊՈՐՏԻ ՎԱՐԿԱՅԻՆ ԾՐԱԳՐԻ ՉԲԱՇԽՎԱԾ ԵՎ ՏՆՏԵՍՎԱԾ ՄԻՋՈՑՆԵՐՆ ՕԳՏԱԳՈՐԾԵԼՈՒ ՄԱՍԻՆ

Հայաստանի Հանրապետության կառավարության 1999 թվականի դեկտեմբերի 22-ի «Օտարերկրյա պետությունների և միջազգային վարկատու կազմակերպությունների կողմից Հայաստանի Հանրապետությանը տրամադրվող վարկային և դրամաշնորհային միջոցների հաշվին ծրագրերի իրականացման միջոցառումների մասին» N 765 որոշմանը համապատասխան` Հայաստանի Հանրապետության կառավարությունը որոշում է.

Հաստատել Հայաստանի Հանրապետության տրանսպորտի և կապի նախարարության վարկային և դրամաշնորհային ծրագրերի կառավարման խորհրդի 2004 թվականի ապրիլի 9-ի N 01/04 որոշմամբ հաստատված` տրանսպորտի վարկային ծրագրի չբաշխված և տնտեսված միջոցների վերաբաշխումն ու վարկային ծրագրով նախատեսված գումարների բաշխումն ըստ կատեգորիաների` համաձայն հավելվածի:

Հայաստանի Հանրապետության վարչապետ	Ա. Մարգարյան
2004 թ. սեպտեմբերի 11 Երևան

Հավելված ՀՀ կառավարության 2004 թվականի սեպտեմբերի 9-ի N 1273-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆ ՎԱՐԿԱՅԻՆ ԵՎ ԴՐԱՄԱՇՆՈՐՀԱՅԻՆ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՐԴԻ 2004 ԹՎԱԿԱՆԻ ԱՊՐԻԼԻ 9-Ի N 01/04 ՈՐՈՇՄԱՄԲ ՀԱՍՏԱՏՎԱԾ` ՏՐԱՆՍՊՈՐՏԻ ՎԱՐԿԱՅԻՆ ԾՐԱԳՐԻ ՉԲԱՇԽՎԱԾ ԵՎ ՏՆՏԵՍՎԱԾ ՄԻՋՈՑՆԵՐԻ ՎԵՐԱԲԱՇԽՈՒՄՆ ՈՒ ՎԱՐԿԱՅԻՆ ԾՐԱԳՐՈՎ ՆԱԽԱՏԵՍՎԱԾ ԳՈՒՄԱՐՆԵՐԻ ԲԱՇԽՈՒՄՆ ԸՍՏ ԿԱՏԵԳՈՐԻԱՆԵՐԻ

NN ը/կ	Կատեգորիան	Վարկից հատկացված գումարն ըստ վարկային համաձայնագրի (արտահայտված SDR համարժեքով)	Վարկից հատկացված գումարը (արտահայտված SDR համարժեքով)	Ֆինանսավորման ենթակա ծախսերի տոկոսային հարաբերակցությունը
1.	Ապրանքներ` ա) ծրագրի Ա և Գ մասերի համար բ) ծրագրի Բ մասի համար	1,500,000 6,800,000	1,367,913  8,022,158	100 տոկոս արտասահմանյանծախսեր, 100 տոկոս տեղական ծախսեր (գործարանային գին) և 80 տոկոս տեղական ծախսեր` տեղական գնմամբ ձեռք բերված այլ ապրանքների համար
2.	Աշխատանքներ` ծրագրի Ա մասի համար	14,370,000	17,267,954	85 տոկոս
3.	Խորհրդատվական ծառայություններ և վերապատրաստում` ա) ծրագրի Ա և Գ մասերի համար բ) ծրագրի Բ մասի համար	1,560,000  200,000	1,294,409  211,594	100 տոկոս
4.	Ընթացիկ գործառական ծախսեր ա) ԾԻԳ-ի բ) ՀԱ-ի	130,000  260,000	202,838  293,724	100 տոկոս մինչև 2002 թ. հունվարի 1-ը ծրագրից առաջացած ծախսերի` 100 տոկոսը, մինչև 2003 թ. հունվարի 1-ը` 80 տոկոսը, մինչև 2004 թ. հունվարի 1-ը` 60 տոկոսը և 40 տոկոսը դրանից հետո
5.	Աշխատանքներ` ծրագրի Բ մասի համար	1,200,000	800,190	85 տոկոս
6.	Չբաշխված	3,880,000	439,220
	Ընդամենը	29,900,000	29,900,000

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան