«Վավերացնում եմ»
Հայաստանի Հանրապետության
Նախագահ Ռ. Քոչարյան
13 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 սեպտեմբերի 2004 թվականի N 1233-Ն

«ՏԱՇԻՐԻ ԲԵՌՆԱՈՒՂԵՎՈՐԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ

Հայաստանի Հանրապետության կառավարության 2001 թվականի սեպտեմբերի 19-ի N 883 որոշմամբ լուծարվող «Տաշիրի բեռնաուղևորատար ավտոտրանսպորտային» պետական փակ բաժնետիրական ընկերության պարտավորությունները մարելու նպատակով Հայաստանի Հանրապետության կառավարությունը որոշում է.

1. «Տաշիրի բեռնաուղևորատար ավտոտրանսպորտային» պետական փակ բաժնետիրական ընկերության լուծարման հանձնաժողովին`

ա) հաշվեկշռային մեթոդով 76116,6 հազ. դրամ (ներառյալ ավելացված արժեքի հարկը) գնահատված 7 շենքը` համաձայն հավելվածի, որպես գույքի առանձին տարրեր վաճառել դասական աճուրդով.

բ) սահմանել գույքի վաճառքի մեկնարկային գինը` հաշվեկշռային մեթոդով գնահատված մեծությունների 10 տոկոսը (ներառյալ ավելացված արժեքի հարկը):

2. Վճարումները կատարել Հայաստանի Հանրապետության արժույթով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. սեպտեմբերի 10 Երևան

Հավելված ՀՀ կառավարության 2004 թվականի սեպտեմբերի 9-ի N 1233-Ն որոշման

Ց Ա Ն Կ

«ՏԱՇԻՐԻ ԲԵՌՆԱՈՒՂԵՎՈՐԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՇԵՆՔԵՐԻ

(հազ. դրամ)

NN ը/կ	Անվանումը	Մակերեսը (քառ. մ)	Գնահատված մեծությունը (ներառյալ ԱԱՀ-ն)	Մեկնարկային գինը (ներառյալ ԱԱՀ-ն)
1.	Վարչական մասնաշենք	1773,8	51208,6	5120,86
2.	Արտադրական մասնաշենք	1540,3	14503,2	1450,32
3.	Կաթսայատուն	241,8	5128,2	512,82
4.	Թթվածնի պահեստ	15	101,5	10,15
5.	Ագրեգատների պահեստ	300	2029,8	202,98
6.	Պահեստ	237,5	1606,9	160,69
7.	Կալորիֆերային մասնաշենք	128,6	1538,4	153,84

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան