«Վավերացնում եմ»
Հայաստանի Հանրապետության
Նախագահ Ռ. Քոչարյան
7 հունիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
29 մայիսի 2003 թվականի N 651-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՄԱՅԻՍԻ 19-Ի N 300 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի մայիսի 19-ի «Համայնքի ավագանու կողմից գույքահարկի արտոնություններ սահմանելու կարգը հաստատելու մասին» N 300 որոշման մեջ կատարել հետևյալ փոփոխությունը`
ա) որոշման նախաբանում «11 հոդվածի 4-րդ կետին» բառերը փոխարինել «15-րդ հոդվածի 3-րդ մասին» բառերով.
բ) որոշմամբ հաստատված կարգի`
1-ին կետում «11 հոդվածին» բառերը փոխարինել «15-րդ հոդվածին» բառերով.
4-րդ կետում «ինչպես նաև հարկատուի հարկային պարտավորությունների վերաբերյալ Հայաստանի Հանրապետության հարկային տեսչության տարածքային մարմինների» բառերը փոխարինել «իսկ մինչև 2006 թվականի հունվարի 1-ը Հայաստանի Հանրապետության օրենսդրությամբ սահմանված կարգով գույքահարկի հաշվարկը հարկային մարմինների կողմից իրականացվելու դեպքում` նաև համապատասխան հարկային տեսչության» բառերով.
5-րդ կետի երկրորդ պարբերությունում «իրավաբանական անձանց» բառերը փոխարինել «կազմակերպությունների» բառով.
7-րդ և 13-րդ կետերում «Հայաստանի Հանրապետության հարկային տեսչության համապատասխան տարածքային մարմնին» և «Հայաստանի Հանրապետության հարկային տեսչության տարածքային մարմին» բառերը փոխարինել «համապատասխան հարկային տեսչություն, եթե Հայաստանի Հանրապետության օրենսդրությամբ սահմանված կարգով գույքահարկի հաշվարկումն իրականացվում է հարկային մարմինների կողմից» բառերով.
8-րդ կետում «Հայաստանի Հանրապետության հարկային տեսչության տարածքային մարմինները» բառերը փոխարինել «համապատասխան հարկային տեսչությունները» բառերով.
10-րդ կետում «Տեղական ինքնակառավարման մասին» Հայաստանի Հանրապետության օրենքով» բառերը փոխարինել «Հայաստանի Հանրապետության օրենսդրությամբ» բառերով.
12-րդ կետում «11 հոդվածի 2-րդ կետով» բառերը փոխարինել «15-րդ հոդվածի 3-րդ մասով» բառերով, իսկ նույն կետի «ա» ենթակետը «տեսչության» բառից հետո լրացնել «կամ տեղական ինքնակառավարման» բառերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ա. Մարգարյան |
|
|