«Վավերացնում եմ»
Հայաստանի Հանրապետության
Նախագահ Ռ. Քոչարյան
2 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 նոյեմբերի 2002 թվականի N 1845-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սահմանել Հայաստանի Հանրապետության ազգային անվտանգության նախարարության խորհրդանիշը:

2. Հաստատել`

ա) Հայաստանի Հանրապետության ազգային անվտանգության նախարարության խորհրդանիշի կանոնադրությունը` համաձայն N 1 հավելվածի.

բ) Հայաստանի Հանրապետության ազգային անվտանգության նախարարության խորհրդանիշի նկարագրությունը` համաձայն N 2 հավելվածի.

գ) Հայաստանի Հանրապետության ազգային անվտանգության նախարարության խորհրդանիշի ձևը` համաձայն N 3 հավելվածի:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. նոյեմբերի 28 Երևան

Հավելված N 1 ՀՀ կառավարության 2002 թվականի նոյեմբերի 21-ի N 1845-Ն որոշման

Կ Ա Ն Ո Ն Ա Դ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԻ

1. Հայաստանի Հանրապետության ազգային անվտանգության նախարարության խորհրդանիշը (այսուհետ՝ խորհրդանիշ) Հայաստանի Հանրապետության ազգային անվտանգության նախարարությանը աշխատողների և զինծառայողների, ինչպես նաև սպառազինության, տեխնիկայի ու այլ գույքի պատկանելությունը ցույց տվող նշանն է:

2. Խորհրդանիշը դրվում է Հայաստանի Հանրապետության ազգային անվտանգության նախարարի աշխատասենյակում և պատկերվում է նախարարության դրոշի վրա:

3. Խորհրդանիշի կիրառման կարգը սահմանվում է նաև Հայաստանի Հանրապետության ազգային անվտանգության նախարարի կողմից:

4. Խորհրդանիշը պահպանվում է օրենքով սահմանված կարգով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2002 թվականի նոյեմբերի 21-ի N 1845-Ն որոշման

Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԻ

Հայաստանի Հանրապետության ազգային անվտանգության նախարարության խորհրդանիշն արծիվն է՝ սուրը և վահանը բռնած: Արծիվը խորհրդանշում է հզորություն, զգոնություն և կամք, սուրը՝ արդարություն, պատիժ և դատաստան, իսկ վահանը՝ պետականության պաշտպանվածությունն ապահովող միջոց:

Արույրից պատրաստված բրոնզագույն արծիվը, արծաթագույն սուրը և վահանը պատկերված են նույնպես արույրից պատրաստված սկավառակի վրա, որի վերևի մասում մակագրված են «ՀՀ ազգային անվտանգության նախարարություն» բառերը: Սկավառակը և վահանը երիզված են ոսկեգույն շրջանակով: Վահանի կենտրոնում արծնով պատկերված է Հայաստանի Հանրապետության պետական դրոշը: Վահանի ներքևի մասում պատկերված են արծվի 10 փետուրները: Սրի բռնակը գտնվում է արծվի աջ կողմի ճանկերում:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2002 թվականի նոյեմբերի 21-ի N 1845-Ն որոշման

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան