«Վավերացնում եմ»

Հայաստանի Հանրապետության

Նախագահ Ռ. Քոչարյան

12 նոյեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 հոկտեմբերի 2002 թվականի N 1711-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՀՈԿՏԵՄԲԵՐԻ 26-Ի N 662 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1999 թվականի հոկտեմբերի 26-ի «Հայաստանի Հանրապետությունում արտադրվող և Հայաստանի Հանրապետություն ներմուծվող ակցիզային հարկով հարկման ենթակա որոշ ապրանքների ակցիզային նոր նմուշի դրոշմանիշերով դրոշմավորման մասին» N 662 որոշման մեջ կատարել հետևյալ փոփոխությունները և լրացումները`

ա) որոշման 1-ին կետի «զ» ենթակետով հաստատված` արտադրողների և ներմուծողների մոտ առկա` «2000» թվագրված նմուշի ակցիզային դրոշմանիշերով դրոշմավորված ապրանքների փաստացի մնացորդների վերադրոշմավորման կարգի`

1-ին կետից հանել «2002 թվականի մայիսի 1-ի (ծխախոտ արտադրողների և ներմուծողների մոտ 2002 թվականի օգոստոսի 1-ի) դրությամբ» բառերը.

2-րդ կետում`

«2002 թվականի մայիսի 1-ի (ծխախոտ արտադրողների և ներմուծողների մոտ 2002 թվականի օգոստոսի 1-ի)» բառերը փոխարինել «սույն որոշման 2-րդ կետի «թ» և «ժ» ենթակետերում նշված համապատասխան ժամկետի առաջին օրվա» բառերով.

«բ» ենթակետի առաջին մասը «ծխախոտ» բառից հետո լրացնել «(բացառությամբ «Salem», «More FF» և «More Menthol» անվանատեսակների ծխախոտի)» բառերով և «օգոստոսի 20-ը» բառերից հետո` «իսկ «Salem», «More FF» և «More Menthol» անվանատեսակների ծխախոտ ներմուծողները` մինչև 2003 թվականի հունվարի 1-ը» բառերով.

բ) որոշման 2-րդ կետի «ժ» ենթակետը`

«արտադրանքի» բառից հետո լրացնել «(բացառությամբ «Salem», «More FF» և «More Menthol» անվանատեսակների)» բառերով.

լրացնել հետևյալ բովանդակությամբ նոր նախադասությամբ.

«Հայաստանի Հանրապետություն ներմուծված «2000» թվագրված ակցիզային դրոշմանիշերով դրոշմավորված «Salem» (17264 տուփ), «More FF» (77189 տուփ) և «More Menthol» (28551 տուփ) անվանատեսակների ծխախոտի արտադրանքի իրացումն արգելվում է 2003 թվականի հունվարի 1-ից»:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը: